ԵՐԵՎԱՆ, 23 ապրիլի․/ԱՌԿԱ/․ ՀՀ վարչապետ Նիկոլ Փաշինյանն ասել է, որ 2026 թվականի ապրիլի20-ի դրությամբ 2025 թվականի համեմատ վճարվել է 265․8 միլիարդ դրամի շահութահարկ։
«2018 թվականի հեղափոխությունից հետո Հայաստանում շահութահարկի դրույքաչափը 20 տոկոսից նվազեցվել է 18 տոկոսի»,-հիշեցրել է նա հինգշաբթի տեղի ունեցած կառավարության նիստում։
Վարչապետը նշել է, որ 2017 թվականի համեմատ շահութահարկն ավելի է 5․4 անգամ կամ 444 տոկոսով։
Նա գնահատում է, որ այս աճը պայմանավորված է մի քանի գործոններով։
«Նախ, նախկինում ստվերային տնտեսության մի մասը դուրս է բերվել ստվերից և այժմ ուղղորդվում է պետական բյուջե՝ ՀՀ կարիքները հոգալու համար», – ասել է Փաշինյանը։
Միևնույն ժամանակ, նշել է Փաշինյանը, աճը պայմանավորված է նաև տնտեսության խթանմամբ։
«Մյուս կողմից, Կառավարությունն ապահովել է տնտեսական աճ, և 2018 թվականից սկսած ՀՀ-ում արձանագրվել են ինչպես համաշխարհային, այնպես էլ Եվրասիական տնտեսական միության միջին ցուցանիշներից բարձր աճեր»,-ասել է նա։