Category: Armbanks

ԱԶԲ–ն Հայաստանի կապիտալի շուկայի զարգացումը համարում է առանցքային երկարաժամկետ ֆինանսավորման, ներդրումներ և կայուն աճի համար

ԵՐԵՎԱՆ, 18 ապրիլի․/ԱՌԿԱ/․ Հայաստանի կապիտալի շուկայի զարգացումը համարվում է առանցքային՝ երկարաժամկետ ֆինանսավորման հասանելիության մեծացման և ներդրումների աջակցման, տնտեսական դիվերսիֆիկացման ու կայուն աճի համար։ Այս մասին նշված է ԱԶԲ-ի Asian Development Outlook (April 2026) զեկույցում։

Փաստաթղթում նշվում է, որ Հայաստանի կապիտալի շուկան վերջին տարիներին զգալիորեն փոխվել է, ինչը նշանավորվել է մի շարք բարեփոխումներով՝ ուղղված շուկայական ակտիվության խորացմանը և տնտեսական դիվերսիֆիկացիայի աջակցմանը։ Այս բարեփոխումները կենտրոնացած են եղել շուկայական ենթակառուցվածքների ամրապնդման, ներդրողների բազայի ընդլայնման և կայուն ֆինանսավորման ստանդարտների ինտեգրման վրա։

«Չնայած այս ձեռքբերումներին, Հայաստանի կապիտալի շուկան մնում է ոչ խորը և ոչ բավարար զարգացած՝ պետական արժեթղթերի գերակշռությամբ։ Կորպորատիվ պարտատոմսերն ու բաժնետոմսերը կազմում են ակտիվության միայն մի փոքր մասը, ընդ որում՝ ներդրողների բազան կենտրոնացված է բանկերի և կենսաթոշակային հիմնադրամների շրջանում, իսկ օտարերկրյա և մանրածախ ներդրողների մասնակցությունը սահմանափակ է», — ասված է զեկույցում։

 Նշվում է, որ հետագա առաջընթացը կպահանջի կապիտալի շուկայի միջոցով ֆինանսավորման հասանելիության ընդլայնում կորպորացիաների, ենթակառուցվածքային ընկերությունների, համայնքների և պետական ձեռնարկությունների համար. ոչ պետական արժեթղթերի շուկաների խորացում. ներքին, օտարերկրյա և մանրածախ ներդրողների մասնակցության ընդլայնում. ինչպես նաև մնացած կարգավորող, ինստիտուցիոնալ և կադրային սահմանափակումների վերացում։

«Ֆինանսական գրագիտության ամրապնդումը, շուկայական իրացվելիության բարձրացումը և կառավարման, տեղեկատվության բացահայտման ու կայունության ստանդարտների հետևողական ներդրման ապահովումը կարևորագույն նշանակություն կունենան ավելի դիվերսիֆիկացված և կապիտալի կայուն շուկային աջակցելու համար», — ընդգծում են ԱԶԲ-ի վերլուծաբանները։

ԱԶԲ–ն Հայաստանի կապիտալի շուկայի զարգացումը համարում է առանցքային երկարաժամկետ ֆինանսավորման, ներդրումներ և կայուն աճի համար

ԵՐԵՎԱՆ, 18 ապրիլի․/ԱՌԿԱ/․ Հայաստանի կապիտալի շուկայի զարգացումը համարվում է առանցքային՝ երկարաժամկետ ֆինանսավորման հասանելիության մեծացման և ներդրումների աջակցման, տնտեսական դիվերսիֆիկացման ու կայուն աճի համար։ Այս մասին նշված է ԱԶԲ-ի Asian Development Outlook (April 2026) զեկույցում։

Փաստաթղթում նշվում է, որ Հայաստանի կապիտալի շուկան վերջին տարիներին զգալիորեն փոխվել է, ինչը նշանավորվել է մի շարք բարեփոխումներով՝ ուղղված շուկայական ակտիվության խորացմանը և տնտեսական դիվերսիֆիկացիայի աջակցմանը։ Այս բարեփոխումները կենտրոնացած են եղել շուկայական ենթակառուցվածքների ամրապնդման, ներդրողների բազայի ընդլայնման և կայուն ֆինանսավորման ստանդարտների ինտեգրման վրա։

«Չնայած այս ձեռքբերումներին, Հայաստանի կապիտալի շուկան մնում է ոչ խորը և ոչ բավարար զարգացած՝ պետական արժեթղթերի գերակշռությամբ։ Կորպորատիվ պարտատոմսերն ու բաժնետոմսերը կազմում են ակտիվության միայն մի փոքր մասը, ընդ որում՝ ներդրողների բազան կենտրոնացված է բանկերի և կենսաթոշակային հիմնադրամների շրջանում, իսկ օտարերկրյա և մանրածախ ներդրողների մասնակցությունը սահմանափակ է», — ասված է զեկույցում։

 Նշվում է, որ հետագա առաջընթացը կպահանջի կապիտալի շուկայի միջոցով ֆինանսավորման հասանելիության ընդլայնում կորպորացիաների, ենթակառուցվածքային ընկերությունների, համայնքների և պետական ձեռնարկությունների համար. ոչ պետական արժեթղթերի շուկաների խորացում. ներքին, օտարերկրյա և մանրածախ ներդրողների մասնակցության ընդլայնում. ինչպես նաև մնացած կարգավորող, ինստիտուցիոնալ և կադրային սահմանափակումների վերացում։

«Ֆինանսական գրագիտության ամրապնդումը, շուկայական իրացվելիության բարձրացումը և կառավարման, տեղեկատվության բացահայտման ու կայունության ստանդարտների հետևողական ներդրման ապահովումը կարևորագույն նշանակություն կունենան ավելի դիվերսիֆիկացված և կապիտալի կայուն շուկային աջակցելու համար», — ընդգծում են ԱԶԲ-ի վերլուծաբանները։

Եվրոն աճել է հայկական դրամի նկատմամբ, մինչդեռ դոլարն ու ռուբլին նվազել են. ՀՀ ԿԲ

ԵՐԵՎԱՆ, 17 ապրիլի․ /ԱՌԿԱ/․ 2026 թ.-ի ապրիլի 17-ին Հայաստանի արտարժույթի շուկայում ձևավորված  ԱՄՆ դոլարի միջին փոխարժեքը հայկական դրամի նկատմամբ  ապրիլի 16-ի համեմատ նվազել է 0.35 կետով՝ հասնելով 373.81 դրամի։

Կենտրոնական բանկի կայքում նշված է, որ եվրոն աճել է 0.07 կետով՝ հասնելով 440.84 դրամի, մինչդեռ ռուբլին նվազել է 0.0013 կետով՝ հասնելով 4.9012 դրամի։

  17.04.2026 16.04.2026
ԱՄՆ դոլար-Դրամ 373.81 374.16
Եվրո-Դրամ 440.91 440.84
Ռուբլի-Դրամ 4.8999 4.9012

Եվրոն աճել է հայկական դրամի նկատմամբ, մինչդեռ դոլարն ու ռուբլին նվազել են. ՀՀ ԿԲ

ԵՐԵՎԱՆ, 17 ապրիլի․ /ԱՌԿԱ/․ 2026 թ.-ի ապրիլի 17-ին Հայաստանի արտարժույթի շուկայում ձևավորված  ԱՄՆ դոլարի միջին փոխարժեքը հայկական դրամի նկատմամբ  ապրիլի 16-ի համեմատ նվազել է 0.35 կետով՝ հասնելով 373.81 դրամի։

Կենտրոնական բանկի կայքում նշված է, որ եվրոն աճել է 0.07 կետով՝ հասնելով 440.84 դրամի, մինչդեռ ռուբլին նվազել է 0.0013 կետով՝ հասնելով 4.9012 դրամի։

  17.04.2026 16.04.2026
ԱՄՆ դոլար-Դրամ 373.81 374.16
Եվրո-Դրամ 440.91 440.84
Ռուբլի-Դրամ 4.8999 4.9012

Հրանտ Հակոբյանը նշանակվել է Կոնվերս Բանկի գլխավոր գործադիր տնօրեն, տնօրինության նախագահ

ԵՐԵՎԱՆ, 16 ապրիլի․ /ԱՌԿԱ/․    «Կոնվերս Բանկ» ՓԲԸ-ն հայտարարում է Հրանտ Հակոբյանի նշանակման մասին՝ որպես Բանկի գլխավոր գործադիր տնօրեն, տնօրինության նախագահ։

Հրանտ Հակոբյանը 2019 թվականի օգոստոսից զբաղեցրել է գլխավոր գործադիր տնօրենի տեղակալի պաշտոնը, իսկ 2017 թվականի փետրվարից՝ ֆինանսական տնօրենի։ Նա միացել է Կոնվերս Բանկին 2011 թվականին՝ որպես գլխավոր գործադիր տնօրենի խորհրդական, զբաղեցրել է մի շարք ղեկավար պաշտոններ։

Մինչ Կոնվերս Բանկին միանալը, աշխատել է Corporación América ընկերությունում (Բուենոս Այրես)։ Նա ունի տնտեսագիտության բակալավրի աստիճան Բուենոս Այրեսի համալսարանից, ինչպես նաև բիզնեսի կառավարման մագիստրոսի աստիճան՝ Կոլումբիայի համալսարանից։ Հրանտ Հակոբյանը նաև BACEE-ի (Կենտրոնական և Արևելյան Եվրոպայի բանկային ասոցիացիա) տնօրենների խորհրդի անդամ է։

Կոնվերս Բանկը շարունակում է հավատարիմ մնալ իր ռազմավարության հետևողական իրականացմանը, Հայաստանի ֆինանսական համակարգում դիրքի ամրապնդմանը, հաճախորդների հետ հարաբերությունների հետագա զարգացմանը, ինչպես նաև պրոդուկտների, ծառայությունների և տեխնոլոգիական հնարավորությունների շարունակական առաջխաղացմանը։

Կոնվերս Բանկի մասին

«Կոնվերս Բանկ» ՓԲԸ-ն ունիվերսալ բանկ է, որը գործում է Հայաստանի Հանրապետությունում և առաջարկում է բանկային ծառայությունների լայն շրջանակ՝ ֆիզիկական անձանց, փոքր և միջին ձեռնարկություններին, ինչպես նաև կորպորատիվ հաճախորդներին։

Ճանապարհորդեք հարմարավետ Յունիբանկի Mastercard World «Travel» քարտով

ԵՐԵՎԱՆ, 16 ապրիլի․ /ԱՌԿԱ/․  Հաճախակի ճանապարհորդող և հարմարավետությունն ու լրացուցիչ արտոնությունները գնահատող անձանց Յունիբանկն առաջարկում է Mastercard World «Travel» քարտեր:

Յունիբանկի Mastercard World «Travel»-ը բազմարժութային քարտ է, որին կցված է երեք արժույթ՝ ՀՀ դրամ, ԱՄՆ դոլար և եվրո, ինչը այն դարձնում է հատկապես հարմար և շահավետ արտասահմանում վճարումների համար։

Հատուկ ուշադրություն է դարձվում օդանավակայանում հաճախորդի հարմարավետությանը:  Lounge Key-ի միջոցով քարտն անվճար մուտք է ապահովում բիզնես սրահներ. տարեկան մինչև 6 այցելություն քարտապանի և նրա հյուրերի համար: Հասանելի է նաև Fast Track ծառայությունը:

Քարտապանները նաև ստանում են լրացուցիչ արտոնություններ, այդ թվում՝ շուրջօրյա կոնսիերժ ծառայություն, 1 ԳԲ անվճար ռոումինգ Ինտերնետ և 20% զեղչ այլ ռոումինգային փաթեթների համար։

Mastercard World «Travel» քարտապաններն ունեն գործարքների բարձր օրական սահմանաչափ՝ մինչև 8 միլիոն ՀՀ դրամ, քանակը՝ մինչև 20 գործարք։ Հաճախորդներին տրամադրվում է մոբայլ հավելված բանկային գործարքներն առանց բանկ այցելելու կատարելու համար, ինչպես նաև SMS ծանուցումների ստացման հնարավորություն յուրաքանչյուր գործարքի համար։

Ի դեպ՝ ներկայումս իրականացվող ակցիայի շրջանակներում շաբաթ-կիրակի օրերին «Դալմա» և «Գարեգին Նժդեհ» մասնաճյուղերում Mastercard World «Travel» քարտերը կարելի է ձևակերպել 50% զեղչով։

ԱՄՀ–ն 2026թ․–ին բարելավել է Հայաստանի ՀՆԱ–ի աճի կանխատեսումը՝ մինչև 5,3%

ԵՐԵՎԱՆ, 16 ապրիլի․/ԱՌԿԱ/․ Արժույթի միջազգային հիմնադրամը (ԱՄՀ) 2026 թվականին Հայաստանի ՀՆԱ-ի իրական աճը կանխատեսում է 5,3% մակարդակում, իսկ 2027 թվականին՝ 5,5%: Այս մասին նշվում է ապրիլի 14-ին հրապարակված «World Economic Outlook»-ի ապրիլյան ամփոփագրում։

2025 թվականի հոկտեմբերին հիմնադրամը Հայաստանի տնտեսության աճը 2026 թվականի համար կանխատեսում էր 4,9% մակարդակում:

ԱՄՀ-ի կանխատեսումներով՝ միջին տարեկան գնաճը երկրում 2026 թվականին կկազմի 3,6%՝ հոկտեմբերյան կանխատեսման 2,8%-ի դիմաց, իսկ 2027 թվականին՝ 3,4%:

Հայաստանի վճարային հաշվեկշռի ընթացիկ գործարքների հաշվի պակասուրդը 2026 թվականին ակնկալվում է ՀՆԱ-ի 6% մակարդակում՝ հոկտեմբերյան կանխատեսման 4,7%-ի դիմաց, իսկ 2027 թվականին՝ ՀՆԱ-ի 5,2%–ը:

Թվեր և կանխատեսումներ

Հայաստանի 2026 թվականի պետական բյուջեում տնտեսական աճն ամրագրված է 5,4% մակարդակում:

Համաձայն Կենտրոնական բանկի՝ ընթացիկ տարվա առաջին եռամսյակի դրամավարկային քաղաքականության հաշվետվության, 2026 թվականի արդյունքներով Հայաստանի ՀՆԱ-ի աճը սպասվում է 4,7–7,1% միջակայքում՝ կախված սցենարից, 2027 թվականին՝ 5,3–5,7%, 2028 թվականին՝ 4,9–5,2%:

KPMG–ի կողմից «Ռենշին» ընկերության աուդիտը հաստատում է նրա ֆինանսական հաշվետվությունների արժանահավատությունը․ ֆինանսական տնօրեն

ԵՐԵՎԱՆ, 15 ապրիլի ․/ԱՌԿԱ/․  «Ռենշին» ընկերության աուդիտը, որը  հինգ տարի անընդմեջ իրականացվում է «Մեծ քառյակի» մեջ մտնող KPMG ընկերության կողմից, հաստատում է ընկերության ֆինանսական հաշվետվությունների արժանահավատությունը, ասել է ընկերության ֆինանսական տնօրեն Քրիստինե Չիչյանը։

«Աուդիտի ընթացքում հաստատվում են այնպիսի առանցքային պարամետրեր, ինչպիսիք են կապիտալի համարժեքությունը, իրացվելիության մակարդակը և ակտիվների որակը: Ներդրողների համար սա նշանակում է ռիսկերի նվազեցում և երաշխիք, որ ընկերությունը գործում է միջազգային թափանցիկ ստանդարտներով», – ասել է նա «ԱՌԿԱ» գործակալությանը տված հարցազրույցում։

Խոսելով գործընկերների համար ամենամյա միջազգային աուդիտի գործնական արժեքի մասին՝ Չիչյանն ընդգծել է, որ միջազգային աուդիտը գործնական գործիք է բոլոր շահառուների համար:

«Բանկերի համար այն նվազեցնում է ռիսկի գնահատականը, ինչը թույլ է տալիս մեզ ներգրավել ֆինանսավորում ավելի մրցունակ պայմաններով։ Ինստիտուցիոնալ ներդրողների համար սա որոշումների կայացման հիմնական նախապայմանն է, որը հաստատում է ընկերության «առողջությունը»։ Գնորդների համար միջազգային աուդիտը փաստում է այն մասին, որ կառուցապատողը կայուն է և չունի ֆինանսական խնդիրներ, որոնք կարող են հանգեցնել շինարարության կանգին», – պարզաբանել է նա։

Պատասխանելով այն հարցին, թե «Ռենշինի» կորպորատիվ մշակույթի ո՞ր սկզբունքներն են օգնում ձևավորել ուժեղ թիմ և պահպանել կայունությունը երկարաժամկետ ու կապիտալատար նախագծերում՝ ֆինանսական տնօրենն ընդգծել է, որ«Ռենշինի» կորպորատիվ մշակույթը մեր հաջողության հիմնաքարն է, որը թույլ է տալիս արդյունավետ կառավարել կապիտալատար և երկարաժամկետ նախագծերը։

«Մեր թիմի ձևավորման հիմքում ընկած է պրոֆեսիոնալիզմի, պատասխանատվության և նորարարության սիներգիան, որտեղ յուրաքանչյուր մասնագետ գիտակցում է իր դերը ընկերության համաշխարհային հեղինակության կերտման գործում։ Մենք առանձնահատուկ կարևորում ենք միջազգային էքսպատների և բարձրակարգ կոնսուլտանտների ներգրավումը, ինչը թույլ է տալիս տեղայնացնել գլոբալ փորձն ու լավագույն ստանդարտները մեր բոլոր նախագծերում», – ասել է նա։

Միաժամանակ Չիչյանի խոսքով, ընկերությունը մեծապես ներդնում է թիմակիցների երկարաժամկետ խրախուսման համակարգերում՝ ձևավորելով կայուն և մոտիվացված «ուժեղ կորիզ», որն ունակ է տարիներ շարունակ հետևողականորեն իրականացնել Հայաստանի համար աննախադեպ մասշտաբի և բարդության ծրագրերը։

«Այս բաց և թափանցիկ հաղորդակցման միջավայրը, զուգորդված միջազգային փորձի հետ, նվազեցնում է գործառնական ռիսկերը և երաշխավորում մեր ստանձնած բարձր պարտավորությունների կատարումը», – եզրափակել է նա։

«Ռենշինը» քաղաքաշինական-ներդրումային ընկերություն է, որն իրականացնում է շուրջ 1 մլն քառ. մետր բարձրակարգ կառուցապատում՝ ավելի քան 1 միլիարդ դոլար ընդհանուր ներդրումների ծավալով: 2025 թվականի վերջի դրությամբ «Ռենշին» ընկերության ակտիվները կազմել են 133,5 մլրդ դրամ, սեփական կապիտալը՝ 13,7 մլրդ դրամ:

KPMG–ի կողմից «Ռենշին» ընկերության աուդիտը հաստատում է նրա ֆինանսական հաշվետվությունների արժանահավատությունը․ֆինանսական տնօրեն

ԵՐԵՎԱՆ, 15 ապրիլի ․/ԱՌԿԱ/․  «Ռենշին» ընկերության աուդիտը, որը  հինգ տարի անընդմեջ իրականացվում է «Մեծ քառյակի» մեջ մտնող KPMG ընկերության կողմից, հաստատում է ընկերության ֆինանսական հաշվետվությունների արժանահավատությունը, ասել է ընկերության ֆինանսական տնօրեն Քրիստինե Չիչյանը։

«Աուդիտի ընթացքում հաստատվում են այնպիսի առանցքային պարամետրեր, ինչպիսիք են կապիտալի համարժեքությունը, իրացվելիության մակարդակը և ակտիվների որակը: Ներդրողների համար սա նշանակում է ռիսկերի նվազեցում և երաշխիք, որ ընկերությունը գործում է միջազգային թափանցիկ ստանդարտներով», – ասել է նա «ԱՌԿԱ» գործակալությանը տված հարցազրույցում։

Խոսելով գործընկերների համար ամենամյա միջազգային աուդիտի գործնական արժեքի մասին՝ Չիչյանն ընդգծել է, որ միջազգային աուդիտը գործնական գործիք է բոլոր շահառուների համար:

«Բանկերի համար այն նվազեցնում է ռիսկի գնահատականը, ինչը թույլ է տալիս մեզ ներգրավել ֆինանսավորում ավելի մրցունակ պայմաններով։ Ինստիտուցիոնալ ներդրողների համար սա որոշումների կայացման հիմնական նախապայմանն է, որը հաստատում է ընկերության «առողջությունը»։ Գնորդների համար միջազգային աուդիտը փաստում է այն մասին, որ կառուցապատողը կայուն է և չունի ֆինանսական խնդիրներ, որոնք կարող են հանգեցնել շինարարության կանգին», – պարզաբանել է նա։

Պատասխանելով այն հարցին, թե «Ռենշինի» կորպորատիվ մշակույթի ո՞ր սկզբունքներն են օգնում ձևավորել ուժեղ թիմ և պահպանել կայունությունը երկարաժամկետ ու կապիտալատար նախագծերում՝ ֆինանսական տնօրենն ընդգծել է, որ«Ռենշինի» կորպորատիվ մշակույթը մեր հաջողության հիմնաքարն է, որը թույլ է տալիս արդյունավետ կառավարել կապիտալատար և երկարաժամկետ նախագծերը։

«Մեր թիմի ձևավորման հիմքում ընկած է պրոֆեսիոնալիզմի, պատասխանատվության և նորարարության սիներգիան, որտեղ յուրաքանչյուր մասնագետ գիտակցում է իր դերը ընկերության համաշխարհային հեղինակության կերտման գործում։ Մենք առանձնահատուկ կարևորում ենք միջազգային էքսպատների և բարձրակարգ կոնսուլտանտների ներգրավումը, ինչը թույլ է տալիս տեղայնացնել գլոբալ փորձն ու լավագույն ստանդարտները մեր բոլոր նախագծերում», – ասել է նա։

Միաժամանակ Չիչյանի խոսքով, ընկերությունը մեծապես ներդնում է թիմակիցների երկարաժամկետ խրախուսման համակարգերում՝ ձևավորելով կայուն և մոտիվացված «ուժեղ կորիզ», որն ունակ է տարիներ շարունակ հետևողականորեն իրականացնել Հայաստանի համար աննախադեպ մասշտաբի և բարդության ծրագրերը։

«Այս բաց և թափանցիկ հաղորդակցման միջավայրը, զուգորդված միջազգային փորձի հետ, նվազեցնում է գործառնական ռիսկերը և երաշխավորում մեր ստանձնած բարձր պարտավորությունների կատարումը», – եզրափակել է նա։

«Ռենշինը» քաղաքաշինական-ներդրումային ընկերություն է, որն իրականացնում է շուրջ 1 մլն քառ. մետր բարձրակարգ կառուցապատում՝ ավելի քան 1 միլիարդ դոլար ընդհանուր ներդրումների ծավալով: 2025 թվականի վերջի դրությամբ «Ռենշին» ընկերության ակտիվները կազմել են 133,5 մլրդ դրամ, սեփական կապիտալը՝ 13,7 մլրդ դրամ:

Հարցազրույցի ամբողջական տարբերակին կարող եք ծանոթանալ հղումով:

Երևանում ոստիկանները ձերբակալել են դանակի սպառնալիքով բանկի աշխատակցից գումար պահանջած տղամարդուն (ՎԻԴԵՈ)

ԵՐԵՎԱՆ, 15 ապրիլի․/ԱՌԿԱ/․ Ապրիլի 14-ին՝ 14.40-ի սահմաններում, 112 օպերատիվ կառավարման կենտրոն ահազանգ է ստացվել, որ Բագրատունյաց պողոտայում գործող բանկում քաղաքացին դանակով սպառնում է աշխատակիցներից մեկին, հաղորդում է ՀՀ ոստիկանությունը։

Օպերատիվորեն դեպքի վայր ժամանած Համայնքային ոստիկանության Շենգավիթի բաժնի ծառայողները հայտնաբերել, ավազակություն կատարելու կասկածանքով ձերբակալել և բաժին են տեղափոխել Երևանի բնակիչ 62-ամյա մի տղամարդու։

Համայնքային ոստիկանների բացատրական աշխատանքի շնորհիվ տղամարդը խոստովանել է, որ բանկի աշխատակցից դանակի սպառնալիքով գումար է պահանջել։

Հանցագործության գործիք դանակը հայտնաբերվել է։

62-ամյա տղամարդը և կազմված փաստաթղթերը ներկայացվել են նախաքննական մարմին․ հանգամանքները պարզվում են։

Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով։