Category: Civic.am

ՀՀ արտգործնախարարի տեղակալ Վահան Կոստանյանը հայկական ավիափոխադրողներին Եվրոպական միության օդային անվտանգության ցանկից դուրս բերելու գործընթացին վերաբերող հարցեր է քննարկել Բրյուսելում։ Տեղեկությունը հայտնում է ՀՀ արտգործնախարարությունը։

«Կապակցվածության օրակարգի հարթակի» մեկնարկի բարձրաստիճան միջոցառման շրջանակում փոխնախարարը հանդիպումներ է ունեցել Եվրոպական հանձնաժողովի նախագահի դիվանագիտական հարցերով գլխավոր խորհրդական Սայմոն Մորդյուի և շարժունակության և տրանսպորտի գլխավոր տնօրինության գլխավոր տնօրենի տեղակալ Մայա Բաքրանի, ինչպեսնաև Եվրոպական հանձնաժողովի նախագահի դիվանագիտական հարցերով գլխավոր խորհրդական Սայմոն Մորդյուի հետ

ԱԳՆ հաղորդագրության համաձայն՝ աշխատանքային քննարկումների ընթացքում երկուստեք կարևորվել է Հայաստան-ԵՄ գործընկերության խորացումը կապակցվածության ոլորտում։

Կողմերն անդրադարձել են տարածաշրջանում կայուն տրանսպորտային ենթակառուցվածքների զարգացման հեռանկարներին և փոխադարձ հետաքրքրություն ներկայացնող ընթացիկ ու հեռանկարային ծրագրերի առաջմղմանը:

Հիշեցնենք, որ 2020 թվականին Եվրոպական հանձնաժողովը հայկական բոլոր ավիաընկերություններին ներառեց թռիչքների անվտանգության «սև ցուցակում»։ 2025թ–ի աշնանը ԵՄ-ն նոր աուդիտ իրականացրեց՝ գնահատելու առկա իրավիճակը։ 2026թ–ի փետրվարի 3-ին ամփոփիչ մամուլի ասուլիսի ժամանակ ՀՀ տարածքային կառավարման և ենթակառուցվածքների նախարար Դավիթ Խուդաթյանը հայտնեց, որ ՀՀ ավիաոլորտը ԵՄ «սև ցուցակից» դեռևս դուրս չի գա, քանի որ նոր խախտումներ են հայտնաբերվել։

Երևանում հունիսի 23-ին անցկացվել է Հայաստանի Հանրապետության և Իրանի Իսլամական Հանրապետության սահմանային թողունակության աճին միտված հարցերի քննարկման նպատակով ձևավորված աշխատանքային խմբի նիստը։ Այս մասին տեղեկացնում են Էկոնոմիկայի նախարարությունից:

 

Այն նախագահել են ՀՀ Էկոնոմիկայի նախարարի տեղակալ Էդգար Զաքարյանը և Իրանի Իսլամական Հանրապետության ճանապարհների և քաղաքաշինության նախարարի տեղակալ Ռեզա Աքբարին։ 

 

Նիստի օրակարգային հարցերի թվում են եղել ճանապարհային տուրքերի, լոգիստիկ ենթակառուցվածքների զարգացման, ինչպես նաև սահմանային անցակետերի գործունեությանն առնչվող հարցեր։

 

Էդգար Զաքարյանը նշել է, որ ՀՀ Էկոնոմիկայի նախարարությունը կարևորում է Հայաստանի և Իրանի միջև առևտրատնտեսական գործակցության շարունակական խորացումը և լոգիստիկ հնարավորությունների դիվերսիֆիկացումը։

 

Նախարարի տեղակալը հույս է հայտնել, որ սահմանային ենթակառուցվածքների վերազինումն ու արդիականացումը լրացուցիչ խթան կլինեն փոխադարձ առևտրաշրջանառության աճի համար։

 

Հանդիպմանը ներկա են եղել նաև ՀՀ-ում Իրանի արտակարգ և լիազոր դեսպան Խալիլ Շիրղոլամին և ԻԻՀ-ում ՀՀ առևտրական կցորդ Հայկ Նազարյանը:

Երևանում հունիսի 23-ին անցկացվել է Հայաստանի Հանրապետության և Իրանի Իսլամական Հանրապետության սահմանային թողունակության աճին միտված հարցերի քննարկման նպատակով ձևավորված աշխատանքային խմբի նիստը։ Այս մասին տեղեկացնում են Էկոնոմիկայի նախարարությունից:

 

Այն նախագահել են ՀՀ Էկոնոմիկայի նախարարի տեղակալ Էդգար Զաքարյանը և Իրանի Իսլամական Հանրապետության ճանապարհների և քաղաքաշինության նախարարի տեղակալ Ռեզա Աքբարին։ 

 

Նիստի օրակարգային հարցերի թվում են եղել ճանապարհային տուրքերի, լոգիստիկ ենթակառուցվածքների զարգացման, ինչպես նաև սահմանային անցակետերի գործունեությանն առնչվող հարցեր։

 

Էդգար Զաքարյանը նշել է, որ ՀՀ Էկոնոմիկայի նախարարությունը կարևորում է Հայաստանի և Իրանի միջև առևտրատնտեսական գործակցության շարունակական խորացումը և լոգիստիկ հնարավորությունների դիվերսիֆիկացումը։

 

Նախարարի տեղակալը հույս է հայտնել, որ սահմանային ենթակառուցվածքների վերազինումն ու արդիականացումը լրացուցիչ խթան կլինեն փոխադարձ առևտրաշրջանառության աճի համար։

 

Հանդիպմանը ներկա են եղել նաև ՀՀ-ում Իրանի արտակարգ և լիազոր դեսպան Խալիլ Շիրղոլամին և ԻԻՀ-ում ՀՀ առևտրական կցորդ Հայկ Նազարյանը:

ՌԴ քաղաքացիական ենթակառուցվածքներին ուկրաինական անօդաչուների հարվածների նպատակն է հունից հանել ռուսական հասարակությանը և անվստահություն ստեղծել ռուսական զինված ուժերի գործողությունների նկատմամբ, հայտարարել է ՌԴ նախագահ Վլադիմիր Պուտինը:

«Քաղաքացիական ենթակառուցվածքներին հասցվող հարվածները (ուկրաինական անօդաչուների կողմից) ինչի՞ համար են արվում։ Հասարակությանը հունից հանելու (ալեկոծելու) համար. նման զանգվածային ազդեցության պայմաններում, երբ ողջ Արևմուտքն աշխատում է նրանց համար, այս անօդաչուները գալիս են հսկայական հոսքով. ինչպես նաև ռուսական զինված ուժերի գործողություններում որոշակի անվստահություն ստեղծելու համար», — երեքշաբթի օրը բարձրագույն ռազմական ուսումնական հաստատությունների շրջանավարտների հետ հանդիպման ժամանակ ասել է Պուտինը:

Ընդ որում, այն ամենը, ինչ տեղի է ունենում ռազմաճակատում, «նրանք թողնում են փակագծերից դուրս», — հավելել է նախագահը:

Ռուսաստանի նախագահի աշխատակազմում աշխատանքի անցնելու կապակցությամբ Հարավային Օսեթիայի նախագահ Ալան Գագլոևը հայտարարել է իր հրաժարականի մասին: Այս մասին հայտնում է Sputnik Հարավային Օսեթիան։

Ինչպես քաղաքացիներին ուղղված իր ուղերձում նշել է Գագլոևը, Ռուսաստանի հետ դաշնակցային փոխգործակցության խորացման մասին մայիսի 9-ին ստորագրված պայմանագիրը կօգնի օսեթական ժողովրդին կրկին միասնական դառնալ՝ սա կարևոր քայլ է Հարավային և Հյուսիսային Օսեթիաների վերամիավորման ճանապարհին:

Նրա խոսքով՝ օսեթական ժողովրդի պատմական ընտրությունը միշտ եղել է Ռուսաստանի հետ միասնությունը։

«Այսօր խնդիր ունենք իրականանցնել մեր նվիրական երազանքը՝ հաղթահարել բաժանված ժողովրդի ճակատագիրը և վերամիավորվել Հյուսիսային Օսեթիայի հետ, վերամիավորվել Մեծ Ռուսաստանի հետ», – հայտարարել է Գագլոևը: 

Նա հայտնել է, որ նախօրեին հանդիպել է Ռուսաստանի նախագահ Վլադիմիր Պուտինի հետ, ով նրան առաջարկել է աշխատանքի անցնել ՌԴ նախագահի աշխատակազմում ՝ որպես իր խորհրդական, և աջակցել կողմերի միջև ստորագրված պայմանագրի իրագործմանը: 

«Ես աջակցեցի մեր պատմական առաջնորդ Վլադիմիր Վլադիմիրի Պուտինին և պատրաստ եմ կանգնել նրա կողքին», – ասել է Գագլոևը: 

Նա հայտնել է, որ այսօրվանից աշխատանքի է անցնում Ռուսաստանի նախագահի աշխատակազմում և այդ կապակցությամբ վայր է դնում Հարավային Օսեթիայի նախագահի լիազորությունները:

Ռուսաստանի նախագահի աշխատակազմում աշխատանքի անցնելու կապակցությամբ Հարավային Օսեթիայի նախագահ Ալան Գագլոևը հայտարարել է իր հրաժարականի մասին: Այս մասին հայտնում է Sputnik Հարավային Օսեթիան։

Ինչպես քաղաքացիներին ուղղված իր ուղերձում նշել է Գագլոևը, Ռուսաստանի հետ դաշնակցային փոխգործակցության խորացման մասին մայիսի 9-ին ստորագրված պայմանագիրը կօգնի օսեթական ժողովրդին կրկին միասնական դառնալ՝ սա կարևոր քայլ է Հարավային և Հյուսիսային Օսեթիաների վերամիավորման ճանապարհին:

Նրա խոսքով՝ օսեթական ժողովրդի պատմական ընտրությունը միշտ եղել է Ռուսաստանի հետ միասնությունը։

«Այսօր խնդիր ունենք իրականանցնել մեր նվիրական երազանքը՝ հաղթահարել բաժանված ժողովրդի ճակատագիրը և վերամիավորվել Հյուսիսային Օսեթիայի հետ, վերամիավորվել Մեծ Ռուսաստանի հետ», – հայտարարել է Գագլոևը: 

Նա հայտնել է, որ նախօրեին հանդիպել է Ռուսաստանի նախագահ Վլադիմիր Պուտինի հետ, ով նրան առաջարկել է աշխատանքի անցնել ՌԴ նախագահի աշխատակազմում ՝ որպես իր խորհրդական, և աջակցել կողմերի միջև ստորագրված պայմանագրի իրագործմանը: 

«Ես աջակցեցի մեր պատմական առաջնորդ Վլադիմիր Վլադիմիրի Պուտինին և պատրաստ եմ կանգնել նրա կողքին», – ասել է Գագլոևը: 

Նա հայտնել է, որ այսօրվանից աշխատանքի է անցնում Ռուսաստանի նախագահի աշխատակազմում և այդ կապակցությամբ վայր է դնում Հարավային Օսեթիայի նախագահի լիազորությունները:

Հունիսի 23-ին Բրյուսելում կայացած «Կապակցվածության օրակարգի հարթակի» բարձրաստիճան միջոցառման շրջանակում ՀՀ ԱԳ նախարարի տեղակալ Վահան Կոստանյանը հանդիպում է ունեցել Եվրոպական հանձնաժողովի ընդլայնման և արևելյան հարևանության հարցերով գլխավոր տնօրեն Խերտ Յան Կոպմանի հետ։ Այս մասին տեղեկացնում են ՀՀ ԱԳՆ-ից:

Զրուցակիցները քննարկել են տնտեսական ու տրանսպորտային կապակցվածության զարգացմանը միտված և համաձայնեցված ծրագրերը, ինչպես նաև ՀՀ-ԵՄ գործընկերության այս ուղղությանն առնչվող այլ հարցեր: Այդ համատեքստում երկուստեք կարևորվել է ՀՀ-ԵՄ անդրանիկ գագաթնաժողովի շրջանակներում ստորագրված ՀՀ-ԵՄ կապակցվածության գործընկերության մասին համատեղ հայտարարությունը: 

ՀՀ ԱԳ նախարարի տեղակալը զրուցակցին է ներկայացրել հայկական ծագում ունեցող ապրանքատեսակների վրա տնտեսական սահմափակումների արդյունքում ստեղծված իրավիճակի վերաբերյալ զարգացումները, ողջունել է ԵՄ ու ԵՄ անդամ երկրների կողմից ցուցաբերված աջակցությունը։ Նախանշվել են այս ուղղությամբ իրականացվելիք հետագա քայլերը։

Կողմերը պայմանավորվել են շարունակել համատեղ աշխատանքների իրականացումը Հայաստանի տնտեսական դիմակայունության ամրապնդման և տնտեսական նոր շուկաների բացահայտման ուղղությամբ։

Հունիսի 23-ին Բրյուսելում կայացած «Կապակցվածության օրակարգի հարթակի» բարձրաստիճան միջոցառման շրջանակում ՀՀ ԱԳ նախարարի տեղակալ Վահան Կոստանյանը հանդիպում է ունեցել Եվրոպական հանձնաժողովի ընդլայնման և արևելյան հարևանության հարցերով գլխավոր տնօրեն Խերտ Յան Կոպմանի հետ։ Այս մասին տեղեկացնում են ՀՀ ԱԳՆ-ից:

Զրուցակիցները քննարկել են տնտեսական ու տրանսպորտային կապակցվածության զարգացմանը միտված և համաձայնեցված ծրագրերը, ինչպես նաև ՀՀ-ԵՄ գործընկերության այս ուղղությանն առնչվող այլ հարցեր: Այդ համատեքստում երկուստեք կարևորվել է ՀՀ-ԵՄ անդրանիկ գագաթնաժողովի շրջանակներում ստորագրված ՀՀ-ԵՄ կապակցվածության գործընկերության մասին համատեղ հայտարարությունը: 

ՀՀ ԱԳ նախարարի տեղակալը զրուցակցին է ներկայացրել հայկական ծագում ունեցող ապրանքատեսակների վրա տնտեսական սահմափակումների արդյունքում ստեղծված իրավիճակի վերաբերյալ զարգացումները, ողջունել է ԵՄ ու ԵՄ անդամ երկրների կողմից ցուցաբերված աջակցությունը։ Նախանշվել են այս ուղղությամբ իրականացվելիք հետագա քայլերը։

Կողմերը պայմանավորվել են շարունակել համատեղ աշխատանքների իրականացումը Հայաստանի տնտեսական դիմակայունության ամրապնդման և տնտեսական նոր շուկաների բացահայտման ուղղությամբ։

Ինչպես ավելի վաղ տեղեկացրել էինք, Կառավարությունն աջակցում է հանրապետության բոլոր մարզերում կաթի արտադրությամբ զբաղվող տնտեսավարողներին։

 

Էկոնոմիկայի նախարարությունը ներկայացրել է ծրագրի վերաբերյալ հաճախ հնչող հարցերից մի քանիսի պատասխանները`

 

Ովքե՞ր կարող են օգտվել կաթի արտադրության սուբսիդավորման ծրագրից։

 

Ծրագրի շահառու կարող են լինել այն տնտեսավարողները, որոնք 2026 թվականի ապրիլի 1-ի դրությամբ զբաղվել են կովի անմշակ կաթի արտադրությամբ, որոնց կենդանիները հաշվառված են «ԱՆԻ ՊԱՍ» էլեկտրոնային համակարգում և մասնակցել են պետական պատվաստման ու ախտորոշիչ միջոցառումներին և ծնվել են մինչև 2023թ դեկտեմբերի 31-ը ներառյալ։

 

Ի՞նչ չափով է տրամադրվում սուբսիդավորումը։

 

Սուբսիդավորումը տրամադրվում է շահառուի կողմից տնօրինվող կովերի 3-րդ գլխից սկսած մինչև 22-րդ գլուխը ներառյալ (առավելագույնը՝ 20 գլխի համար)՝ յուրաքանչյուր կովի հաշվով 15,000 դրամի չափով։ Դուք կարող եք ունենալ 30-50 կամ ավելի կովեր, բայց սուբսիդավորվելու եք 20 գլխի համար։

 

Ինչպե՞ս կարելի է դիմել ծրագրին։

 

Սուբսիդավորում ստանալու համար անհրաժեշտ է դիմում ներկայացնել համայնքի կամ բնակավայրի վարչական ղեկավարին։

 

Ի՞նչ տվյալներ պետք է նշվեն դիմումում։

 

Դիմումում անհրաժեշտ է նշել՝

• բնակության վայրը և հասցեն,

• հեռախոսահամարը,

• բանկային հաշվեհամարը,

• տնօրինվող կովերի գլխաքանակը,

• կովերի ականջապիտակների համարները։

 

Ի՞նչ փաստաթղթեր պետք է կցվեն դիմումին։

 

Անհրաժեշտ է ներկայացնել՝

Անձը հաստատող փաստաթղթի պատճենը,

Անասնաբույժի կողմից տրված գրանցամատյանից քաղվածք՝ կենդանիների՝ պատվաստման ծրագրում ընդգրկված լինելու վերաբերյալ,

Համաձայնություն՝ տեղեկատվությունը փոխանցելու վերաբերյալ։

 

Մինչև ե՞րբ է հնարավոր դիմել։

 

Դիմում-հայտերի ընդունման գործընթացը շարունակվում է մինչև հոկտեմբերի 1-ը։

 

Որտե՞ղ կարելի է ստանալ ծրագրին վերաբերող հարցերի պատասխանները։

 

Նախարարության պաշտոնական կայքէջի Ծրագրեր բաժնում(https://mineconomy.am/page/3693), կամ զանգահարելով 81-40 (լրացուցիչ 2)։

 

Մանրամասները՝ այստեղ։

Պորտուգալիայի հավաքականի ավագ Կրիշտիանու Ռոնալդուն հերթական ռեկորդն է սահմանել ֆուտբոլի պատմության մեջ: 41-ամյա հարձակվողը դարձել է առաջին ֆուտբոլիստը, ում հաջողվել է գոլի հեղինակ դառնալ աշխարհի վեց առաջնություններում:

Այսօր՝ հանդիպման 6-րդ րոպեին, նա գրավել է Ուզբեկստանի հավաքականի դարպասը ԱԱ-2026-ի խմբային փուլի II տուրի խաղում: Այս գոլը Ռոնալդուին ևս մեկ պատմական նվաճում է բերել. նա դարձել է 40 տարեկանից բարձր երկրորդ ֆուտբոլիստը, ով կարողացել է աչքի ընկնել ֆուտբոլի աշխարհի առաջնության խաղում: Ռեկորդը, սակայն, նախկինի պես պատկանում է Կամերունի հավաքականի լեգենդար հարձակվող Ռոժե Միլային, ով 1994 թվականին ՌԴ հավաքականի դարպասը գոլ էր խփել 42 տարեկան հասակում:

Նշենք, որ Ռոնալդուն Չեմպիոնների լիգայի հնգակի հաղթող է, դարձել է Եվրոպայի չեմպիոն, Ազգերի լիգայի կրկնակի հաղթող: Նրան են պատկանում ազգային հավաքականների, Եվրոպայի առաջնությունների, Չեմպիոնների լիգայի և աշխարհի ակումբային առաջնությունների պատմության մեջ խփած գոլերի քանակով ռեկորդները: Ֆուտբոլիստը 2022 թվականի դեկտեմբերից հանդես է գալիս Սաուդյան Արաբիայի «Ալ-Նասր» ակումբում: Ավելի վաղ նա հանդես է եկել պորտուգալական «Սպորտինգում», անգլիական «Մանչեսթեր Յունայթեդում», իտալական «Յուվենտուսում» և իսպանական «Ռեալում»: Ռոնալդուն հինգ անգամ արժանացել է «Ոսկե գնդակի»:

Աշխարհի առաջնությունն անցկացվում է ԱՄՆ-ում, Կանադայում և Մեքսիկայում: Մրցաշարը կավարտվի հուլիսի 19-ին: