Category: Hraparak

Եվրամիությունը նախատեսում է զգալիորեն ընդլայնել սանկցիոն ճնշումը Ռուսաստանի դեմ՝ արդեն աշնանը։ Այս մասին հայտնում է գերմանական Die Welt պարբերականը։ Պարեբարականի հետ զրույցի ընթացքում՝ ԵՄ դիվանագիտական գերատեսչության ղեկավար Կայա Կալասը ասել է, որ նախապատրաստվող նոր փաթեթը ամենից ծավալունն է լինելու՝ 2022 թվականից ի վեր։ Նա շեշտել է, որ Ռուսաստանն արդեն իսկ մեծ գին է վճարել պատերազմի համար։

«Եթե նոր սանկցիոն փաթեթը ընդունվի, ապա հակառուսական սահկանափակումների տակ հայտնվող ֆիզիկական եւ իրավաբանական անձանց թիվը կավելանա 1/3-րդով»,- ասել է Կալասը։ Նա սակայն չի բացահայտել, թե կոնկրետ ինչ բնույթի են լինելու նոր սահմանափակումները։ Միայն ասել է, որ ԱՄՆ Սենատոի կողմից հանգուցյալ սենատոր Լինդսի Գրեհեմի նախաձեռնած հակառուսական սանկցիոն օրենքի նախագծի ընդունումը հույս է տալիս, որ այս հարցում ԵՄ եւ ԱՄՆ դիրքորոշումները սկսել են մոտիկանալ։

Ճղճիմ վնասարարությունը կամ Արեգնազ Մանուկյանի կալանքի բողոքարկման աբսուրդը
Անցնող մեկ ամսում, երբ խոսում էի Արեգնազ Մանուկյանի ապօրինի կալանավորման բողոքարկումից և դրա ձգձգումից, մտքում միշտ պահել եմ համակարգի անզգույշ թերացումների ու պատահականությունների հավանականությունը: Բայց այսօր այդ բոլոր կասկածները ցրվեցին. մենք իրապես գործ ունենք մարդկային փոքրոգի վնասարարության հետ:
Արեգնազի` իր երեխայի և մոր հետ շփվելու արգելքը այնքան ակնհայտ ապօրինություն էր, որ դա արդարացնել դժվարանում են անգամ ամենամարզված իշխանավորները: Երբ ՀՈւԼԻՍԻ 17-ին ուղարկվում էր վերաքննիչ բողոքը, անկեղծ վստահ էի, որ չնայած բոլոր քաղաքական հրահանգներին առնվազն երեխայի հետ շփման արգելքը վերացվելու են մինչև երեխայի ծննդյան օրը` օգոստոսի 19-ը: Պարզվեց` սխալվում եմ:
Երկար բարակ չպատմեմ. Ես գրեմ, դուք զգացեք այն մարդու զայրույթը, ով երեխային վստահեցրել էր` շատ շուտով կխոսի նորից մայրիկի հետ:
Ուրեմն ինչ է անում իրավախախտ համակարգը` կնոջը ամեն գնով կալանքի տակ պահելու համար.
1. Դատավոր Շահվերդյանը բողոքը ստանալուց հետո 9 օր ՉԻ ՈւՂԱՐԿՈւՄ վարույթի նյութերը.
2. ԱԱԾ հսկողության ներքո գործող «Հատուկ կապ» ՓԲԸ -ն ևս 8 օր ՉԻ ՈւՂԱՐԿՈւՄ նյութերը վերաքննիչ դատարան.
3. Ի վերջո օգոստոսի 5-ին մակագրված բողոքը վարույթ ընդունելու մասին որոշումը վերոնշյալ հատուկ կապուղիների պատճառաբանությամբ արդեն 13 օր է պաշպանության կողմը ՉԻ ՍՏԱՆՈւՄ.մենք չգիտենք` երբ պիտի ունենանք վերաքննիչ ատյանի որոշում!!!
4. Այսօր քննիչը հայտարարում է նախաքննության ավարտ, որպեսզի գործն արագ ուղարկեն դատարան: Այսինքն, եթե հակառակ նշած դանդաղկոտությանը առաջին ատյանը մոտ օրերին վարույթ ընդունի գործը, ապա ամենայն հավանականությամբ վերաքննիչ դատարանը «կաշկանդված կզգա» փոփոխել Արեգնազ Մանուկյանի կալանքը: Կալանքի վերանայնան իրավունքը պետության միջամտությամբ կդառնա իմաստազուրկ:
Հավաքեմ մտքերս, գնամ աղջնակի ծնունդը շնորհավորելու ու փորձեմ բացատրել` ինչու սխալվեցի իմ կանխատեսումներում. ինչու մաման էսօր իր կողքը չի…

Գրել է փաստաբան Տաթևիկ Սողոյսնը

Արձանագրվել է տրանսպորտային միջոցներ վարելու իրավունքից զրկված կամ վարելու իրավունքը կասեցված անձի կողմից տրանսպորտային միջոց վարելու դեպքերի հայտնաբերման թվի աճ՝ 3231-ով կամ 74.4%-ով: Այս մասին 2026-ի առաջին կիսամյակի ամփոփման մասին տված ասուլիսի ընթացքում ասել է ՆԳՆ Ոստիկանության պետ Կամո Ցուցուլյանը: «2025 թվականին արձանագրվել են այդպիսի 4,343, իսկ 2026-ին 7,574 դեպքեր»,- նշել է Ցուցուլյանը:

Հիշեցնենք` 2026 թվականի առաջին 6 ամիսներին Հայաստանում արձանագրված հանցագործությունների թիվը նախորդ տարվա նույն ժամանակահատվածի համեմատ նվազել է 65 դեպքով կամ 0,3 տոկոսով։

Մինչ Ցուցուլյանը փորձում է մեղքը բարդել քաղաքացիների վրա, և մարդկանց օրինազանց ներկայացնել, մենք այս ընթացքում բազմաթիվ դժգոհություններ ենք ստանում վարորդական վկայականներ ստանալու գործընթացի հետ կապված: Հայաստանում գրեթե բոլոր ոլորտներում քաոս է տիրում: Մեզ դիմում են տարբեր քաղաքացիներ, պնդելով, որ դիտավորյալ վարորդականի գործնական քննությունից բոլորին կտրում են: Երբեմն անհարկի հարցեր են տալիս, օրինակ՝ ասում են` դու գրանցված ես Արտաշատում, ինչո՞ւ ես քննությունը Երևանում հանձնում, և այլն: Մի երիտասարդ կին պատմեց, որ քննությունը վերցնողը պնդել է, որ ինքը գունավոր լինզաներ է կրում, այն դեպքում, երբ նրա աչքերի գույնն ուղղակի կապույտ է: Բանն այն է, որ լինզաներով չի թույլատրվում քննություն հանձնել:

Քաղաքացիներն ահազանգում են, որ 7-8 անգամ դիտավորյալ կտրում են քննությունից, որպեսզի մարդիկ գումարներ վճարեն` յուրաքանչյուր քննությունը 40 հազար դրամ: Մարդկանց հերթագրում են, ժամ են նշանակում քննության համար, սակայն նշված ժամից երկու ժամ ուշ են քննությունը սկսում և այլն: Մարդիկ դժգոհում են նաեւ, որ քննություն վերցնողները դիտավորյալ շփոթեցնում են, միտումնավոր սխալ ուղղորդում եւ այստեղ դեռ գործում է ԽԾԲ-ի եւ փողի ինստիտուտը:

ՆԳՆ-ից մեր ներկայացրած իրավիճակը պարզաբանեցին, որ քննության պրոցեսն ավտոմեքենայի մեջ տեսանկարահանվում է, և ոչ մի քաղաքացու չեն կարող առանց հիմքերի քննությունից դուրս թողնել: Բայց մեզ դիմողներն ասում են, որ տեսախցիկները հնարավոր է անջատել, և վերահսկողություն չի իրականացվում:

Հ.Գ Կամո Ցուցուլյանը լավ կանի այս հարցերով զբաղվի, և պարզի, թե ինչու է այսքան բարդացել վարորդական վկայական ստանալը, այլ ոչ թե մեղքը բարդի քաղաքացիների վրա, թե ինչու են առանց վարորդականի մեքենա վարում:

Դերասանուհի Ելենա Բորիսենկոն վերջին ամիսների ընթացքում պասիվ գործունեություն է ծավալում և հեռուստասերիալներում չի նկարահանվում։ Փոխարենը դերասանուհին պարբերաբար իր ինստագրամյան էջում հրապարակում է տարբեր հոլովակներ և կիսվում իր առօրյայի մասին պատմող հրապարակումներով։ Ժամեր առաջ Ելենան հայտնել է, որ իր ինքնազգացողությունը կտրուկ վատացել է, ինչի հետևանքով շտապ օգնության մեքենայով իրեն տեղափոխել են հիվանդանոց։ Դերասանուհին անդրադարձել է իր առողջական վիճակին՝ պատմելով, թե ինչ է տեղի ունեցել և ինչ բուժօգնություն է ստացել հիվանդանոցում։ Միևնույն ժամանակ Ելենա Բորիսենկոն խոսել է նաև բուժհաստատությունում իր նկատմամբ ցուցաբերված վերաբերմունքի մասին՝ նշելով, որ այնտեղ իրեն պատշաճ վերաբերմունքի չեն արժանացրել։

Տեսանյութը՝ Bavnews.am

Amazon Prime Video-ն թողարկել է հեռուստատեսության պատմության մեջ արհեստական բանականության կողմից ստեղծված առաջին սերիալը, որը կոչվում է «Ամրոցի պարիսպները»։ Այն արտադրվել է թուրքական Ay Yapim ընկերության կողմից։ Սերիալը եզակի է նրանով, որ ստեղծվել է արհեստական բանականության կողմից, այսպես կոչված՝ արտադրական ողջ ցիկլով, այսինքն՝ արհեստական բանականության տեխնոլոգիաները կիրառվել են սերիալի ստեղծման բոլոր փուլերում։ Մասնագիտական շրջանակների համար սա սենսացիա է։ Այլեւս հարցը չի ձեւակերպվում այն կտրվածքով, թե արդյոք կարո՞ղ է արհեստական բանականությունն ամբողջական սերիալ ստեղծել։ Հարցն այն է, թե ինչ ապագա է սպասվում հեռուստատեսությանը՝ ԱԲ տեխնոլոգիաների բուռն զարգացման ներկայիս մեր ժամանակներում։ Այն նվիրված է ժամանակակից Իրանի տարածքում գտնվող Ալամութ ամրոցի լեգենդին։ Այս ամրոցը վերջին շրջանում մեծ ճանաչում է ձեռք բերել Assassin’s Creed Mirage տեսախաղի շնորհիվ։

Առաջին հայացքից՝ մեր առաջ պատմական սերիալ է։ Սակայն իրականում սա ոչ այնքան միջնադարյան ժամանակների մասին պատմող նախագիծ է, որքան՝ ապագայի էկրանային մշակույթը նախանշող նախագիծ։ Դա ոչ թե սերիալ է, որտեղ մարդիկ չկան, այլ սերիալ է, որտեղ մարդկային աշխատանքն այլ կերպ է իրականացվում։ Սերիալի ստեղծման արտադրական փուլերն իրականացվել են ԱԲ տեխնոլոգիաների կողմից։ Սակայն սցենարը գրվել է Չիսիլ Խազալ Թենիմի եւ Քերեմ Դերենի, այսինքն՝ մարդու կողմից։ Հետեւաբար, սերիալը բացարձակապես ԱԲ արտադրանք չէ։ Ստեղծագործական բոլոր հարցերի հետ կապված լուծումներն ու որոշումներն էլ կայացրել են մարդիկ։ Հնչյունավորումը նույնպես իրականացվել է մարդկանց կողմից։ Այս առումով, եթե ավելի խիստ մոտենանք, ապա սերիալը մարդու եւ ԱԲ-ի համատեղ արտադրանք է։ Մարդը, ըստ այդմ, դառնում է ոչ թե նախագծի անմիջապես ստեղծողը, այլ նախագծի պրոցեսի կառավարողը։ Հենց այստեղ է, որ մարդու դերակատարումը փոխվում է աշխատանքի բաժանման մեջ։ Ամեն դեպքում՝ կարեւոր է այն, որ ապագայի աշխարհի համար նախանշվում են չափորոշիչներ, որոնք ե՛ւ զարմացնում, ե՛ւ ինչ-որ առումով նաեւ վախեցնում են։

Մեծ Բրիտանիայի Պաշտպանության նախարար Վեզ Սթրիթինգի անձնական հեռախոսահամարը հայտնվել է համացանցում՝ բաց հասանելիությամբ։ Այս մասին հայտնում է Politico հանդեսը։ Համացանցում հայտնվել են նաեւ Արդարադատության նախարար Ալեքս Նորիսի եւ Հյուսիսային Իռլանդիայի գործերի նախարար Քրիս Բրայանթի հեռախոսահամարը։ Ավելի վաղ էլ՝ բրիտանական վարչապետ Էնդի Բերնեմը նամակագրություն էր իրականացրել ինքնակոչ մի կնոջ հետ, ով ներկայացել էր որպես Սպիտակ տան աշխատակազմի ղեկավար Սյուզան Վայլզ։

Արագածոտնի մարզպետ Սերգեյ Մովսիսյանը, ով այս պաշտոնին նշանակվել է 2022թ-ի հունվարին, Կոռուպցիայի կանխարգելման հանձնաժողով ներկայացրած հայտարարագրում 7 անշարժ գույք է հայտարարագրել։ Այս գույքերից 2-ը նա սկսել է տնօրինել 2003թ-ից, իսկ մնացած 5-ը՝ 2023թ-ին և դրանից հետո։ Որպես գույքերի ձեռքբերման աղբյուր Մովսիսյանը նշել է ժառանգություն կամ նվիրատվություն, իսկ մեկ գույքը հիփոթեքով ձեռք բերված բնակարան է։

Մովսիսյանը որևէ տվյալ չի հրապարակել բանկային հաշիվների մնացորդների վերաբերյալ, իսկ որպես կանխիկ գումար 5,5 մլն դրամ է հայտարարագրել։ Նրա տարեկան եկամուտները կազմել են 21 մլն 914 հազար 224 դրամ, որից 17 մլն 695 հազար 276 դրամը աշխատավարձ է ստացել, իսկ 4 մլն 218 հազար 948 դրամը գոյացել է եկամտահարկի վերադարձից։ Նրա հիփոթեքային վարկի մնացորդը կազմել է 41 մլն 18 հազար դրամ։

Մովսիսյանի կինը՝ Մարիանա Մկրտչյանը «Աշտարակի մշակույթի պալատ» ՀՈԱԿ-ի տնօրենն է։ Նա նախորդ տարի KIA մակնիշի 2022թ-ի արտադրության մեքենա է գնել՝ 3 մլն դրամով։ Նրա բանկային հաշիվներին եղել է 235 հազար 314 դրամ, իսկ կանխիկ ունեցել է 2 մլն դրամ։ Մկրտչյանի տարեկան եկամուտները կազմել են 4 մլն 243 հազար 621 դրամ, որից 3 մլն 562 հազար 400 դրամը գոյացել է աշխատավարձից, իսկ 681 հազար 221 դրամը՝ եկամտահարկի հետվերադարձից։ Նա նաև ունի 490 հազար վարկ։

Գերմանիան մտադիր է վերանայել իր Քրեական օրենսգրքի 188-րդ պարագրաֆը, որը նախատեսում է պատիժ՝ քաղաքական գործիչներին հանրայնորեն վիրավորելու համար։ Նման որոշում կայացվել է այն բանից հետո, երբ մի քանի գործեր են արդեն հարուցվել՝ կանցլեր Ֆրիդրիխ Մերցի հասցեին վիրավորական արտահայտություններով քննադատություններ հնչեցնելու համար։ Այս մասին հայտնում է Politico պարբերականը։ «Մենք ուշադրությամբ ուսումնասիրում ենք 188-րդ պարագրաֆի ձեւակերպումն ու կիրառման ձեւերը»,- հայտարարել է պարբերականի հետ զրույցում՝ Քրիստոնեա-Դեմոկրատական միություն կուսակցությունից ընտրված պատգամավոր Սյուզաննա Հիրլը։ Հոդվածում ասված է, որ առայժմ որեւէ օրենսդրական նախաձեռնություն այս առումով չի ձեռնարկվել։ ՔԴՄ/ՔՍՄ քաղաքական դաշինքը հակված է նրան, որ սկսի նախաձեռնություն՝ 188-րդ պարագրաֆը ՔՕ-ից հանելու համար։ Սակայն գործնական որեւէ քայլ դեռեւս չի արվել, քանի որ համարժեք փոխարինող հոդվածը դեռ չի ձեւակերպվել, որով կարելի լիներ այն փոխարինել։

Այսօր Աննա Հակոբյանը Քրեական օրենսգիրքում փոփոխություններ կատարելու և ընտանեկան բռնությունը որպես առանձին հանցագործություն ճանաչելու գործընթացի քննարկմանը հրավիրել էր մասնակցելու նաև ընդդիմադիր կին պատգամավորներին։ Հակոբյանն իր առաջարկը քննարկելու համար հանդիպման էր հրավիրել «Ուժեղ Հայաստան» խմբակցության ղեկավար Նարեկ Կարապետյանին և «Հայաստան» խմբակցության ղեկավար Աննա Գրիգորյանին ։
Մենք տեղեկացանք, որ Նարեկ Կարապետյանը քաղաքակիրթ ձեւով մերժել է հանդիպման առաջարկը, Աննա Գրիգորյանը դեռ չի պատասխանել, բայց ամենայն հավանականությամբ նա էլ կմերժի: Մեր զանգերին «Հայաստան» խմբակցության ղեկավարը չպատասխանեց, իսկ խմբակցության անդամները հայտարարեցին, թե պատասխան ունեն, բայց կոմպետենտ չեն` իրենք հայտարարել այդ մասին: Մի բան պարզ է, «նոր» խորհրդարանական ընդդիմության հետ լրագրողների հարաբերությունները շատ են բարդացել` հեռախոսազանգերին պատասխանելը, մանավանդ` հոդաբաշխ պատասխան ստանալը գրեթե անհնարին է դարձել:

Հազարավոր տղաներ այդպես էլ չեկան, չեկան այդ շքեղ մեքենաներով, շատերս անգամ հրաժեշտ չտվեցինք մեր գանձերին։ Ձեր «խաղաղությունը» չպակասեցրեց զինվորների մահը։ Միայն այս ամիս, եթե չեմ սխալվում կա երեք մահ, ինքնասպանության ավարտով։ Ձեր փնթի քաղաքականության արդյունքում շատերս կարոտ մնացինք գրկախառնության։

Զսպեք ձեր ցուցամոլությունը

Այս մասին գրել Աստղ Գալեյանը

Նշենք, որ Առողջապահության նախարար Անահիտ Ավանեսյանի որդին զորացրվել է բանակից և տուն է վերադարձել գերթանկարժեք ավտոմեքենայով՝ Tesla Cybertruck-ով։ Համացանցում նրա այս կերպ վերադարձը ևս մեծ վրդովմունք է առաջացրել։