Մամուլ
10:46 27-01-2021
«ՀՀ ԱԺ «Իմ քայլը» խմբակցությունը երեկ, ի թիվս այլ թեմաների, փակ դռների հետևում քննարկել է հարցը՝ ինչպես փոփոխել ՀՀ Սահ­մանադրությունը, որ…
«ՀայաՔվե» ազգային քաղաքացիական միավորումը խստորեն դատապարտում է Ամենայն Հայոց Կաթողիկոս Գարեգին Բ-ի և Հայաստանյայց Առաքելական Սուրբ Եկեղեցու վեց եպիսկոպոսների նկատմամբ իրականացվող ապօրինի քրեական հետապնդումը։
• Խորհրդարանական վերջին ընտրությունները կեղծած և ժողովրդի իշխանությունը բռնազավթած ոչ լեգիտիմ վարչախումբը, Հայաստանյայց Առաքելական Սուրբ Եկեղեցու կանոնական հարցերին միջամտելով, Կաթողիկոսին պաշտոնանկ անելու օրակարգն առաջ տանելով, ուղիղ ձևով սպասարկում է թուրք-ադրբեջանական տանդեմի շահը՝ կազմաքանդելու մեր եկեղեցին և հայ ժողովրդին զրկելու իր ազգային, հոգևոր ինքնության պատվար հանդիսացող երկհազարամյա այս կարևորագույն ինստիտուտից։
Հայաստանյայց Առաքելական Սուրբ Եկեղեցու ներքին ինքնակառավարման իրավունքը հարգելը և նրա կանոնական ու վարչական գործունեությանը ցանկացած միջամտությունից զերծ մնալն ինչպես Հայաստանի Հանրապետության սահմանադրության պահանջն է, այնպես էլ պետության ստանձնած միջազգային պարտավորությունը:
Պետական իշխանության կողմից քրեական հետապնդման գործիքակազմի կիրառումը՝ Եկեղեցու վրա ճնշում գործադրելու նպատակով, Հայաստանի Հանրապետության սահմանադրական կարգի, իրավական պետության և կրոնական ազատության հիմնարար սկզբունքների ոտնահարում է:
Մասնավորապես, բարձրաստիճան հոգևորականների հանդեպ քաղաքական հետապնդումների մեջ դատարաններին ստիպողաբար ներքաշելը իշխանության ճյուղերի տարանջատման ու հավասարակշռման հիմնարար սկզբունքի կոպտագույն խախտում է, ինչը Հայաստանը բռնապետության վերածելու հստակ ցուցիչ է և ծանր հարված մեր պետության միջազգային հեղինակությանը։
«ՀայաՔվե» ազգային քաղաքացիական միավորումը պետական ինստիտուտներից պահանջում է.
● առաջնորդվել Հայաստանի Հանրապետության սահմանադրությամբ ու օրենքներով, զերծ մնալ գործող վարչախմբի քաղաքական ուղղորդումներից և անհապաղ դադարեցնել Ամենայն Հայոց Կաթողիկոսի և բարձրաստիճան հոգևորականների նկատմամբ ակնհայտ քաղաքական բնույթ կրող քրեական հետապնդումը,
● բացառել Հայաստանյայց Առաքելական Սուրբ Եկեղեցու ներքին ինքնակառավարման գործընթացներին պետական միջամտության ցանկացած փորձ,
● ապահովել Հայաստանի Հանրապետության Սահմանադրությամբ և միջազգային իրավունքի նորմերով երաշխավորված կրոնի ազատության և կրոնական կազմակերպությունների ինքնավարության լիարժեք պաշտպանությունը։
Կոչ ենք անում միջազգային կազմակերպություններին, մարդու իրավունքների պաշտպանության կառույցներին և Հայաստանի միջազգային գործընկերներին՝ հստակ գնահատական տալ տեղի ունեցող գործընթացներին, բարձրաձայնել և կանխել Հայաստանի սահմանադրական կարգի ու կրոնական ազատության դեմ ուղղված այս վտանգավոր քայլերը:
Գործարար, նախկին պատգամավոր Տիգրան Արզաքանցյանը գրել է.
«Այսօր իմ ծննդյան օրն է։
Տարիների ընթացքում հասկացել եմ, որ ծննդյան օրը միայն տարիք ավելացնելու մասին չէ։ Այն առիթ է կանգ առնելու, հետ նայելու անցած ճանապարհին, գնահատելու ձեռքբերումները, ընդունելու սխալները և շնորհակալ լինելու կյանքի յուրաքանչյուր դասի համար։
Այս ճանապարհին եղել են հաղթանակներ ու պարտություններ, ուրախություններ ու դժվարություններ։ Ամեն փորձություն ինձ դարձրել է ավելի ուժեղ, իսկ ամեն հաջողություն՝ ավելի պատասխանատու։
Այս օրը ցանկանում եմ անկեղծ շնորհակալություն հայտնել բոլոր նրանց, ովքեր եղել են իմ կողքին, հավատացել են ինձ, աջակցել ու կիսել են կյանքի տարբեր փուլերը։ Ձեր վստահությունն ու ներկայությունն ունեցել են իրենց կարևոր տեղը իմ կյանքում։
Շնորհակալ եմ նաև այն մարդկանց, որոնց հետ այսօր այլևս նույն ճանապարհով չենք քայլում։ Կյանքը երբեմն բաժանում է մարդկանց ճանապարհները, բայց դա չի ջնջում այն լավը, ինչ երբևէ եղել է։ Յուրաքանչյուր հանդիպում, յուրաքանչյուր հարաբերություն և յուրաքանչյուր փորձ իր հետ բերել է դաս, որի համար ես շնորհակալ եմ։
Հատուկ շնորհակալություն իմ ընտանիքին, հարազատներին, ընկերներին, գործընկերներին և բոլոր այն մարդկանց, ովքեր տարիներ շարունակ եղել են իմ կողքին ոչ միայն ուրախ օրերին, այլև ամենաբարդ պահերին։
Շնորհակալ եմ նաև ձեզ՝ ձեր բարեմաղթանքների, ջերմ խոսքերի և վստահության համար։ Դա ինձ համար մեծ արժեք է և միաժամանակ մեծ պատասխանատվություն։
Թող Աստված բոլորիս պարգևի առողջություն, խաղաղություն, ուժ և իմաստություն՝ գնահատելու մեր ունեցածը, արժևորելու մարդկանց և ամեն օր ապրելու այնպես, որ վաղը հետ նայելիս ոչնչի համար չզղջանք։
Շնորհակալ եմ, որ այս ճանապարհի մի մասն եք եղել և շարունակում եք լինել»։
ԱՄՆ նախագահ Դոնալդ Թրամփը հինգշաբթի օրը ստորագրել է երկու նոր գործադիր հրամանագիր՝ փորձելով սահմանափակել ծննդյան իրավունքով քաղաքացիության ստացումը և կրկին մարտահրավեր նետելով ԱՄՆ Սահմանադրության համապատասխան դրույթին։
Ինչպես հայտնում է Reuters-ը՝ ներգաղթի դեմ պայքարի այս նախաձեռնությամբ Սպիտակ տունը հատուկ թիրախավորում է այսպես կոչված «ծննդաբերական տուրիզմը», որի շրջանակում հղի օտարերկրացիները մեկնում են ԱՄՆ՝ երեխային քաղաքացիություն ապահովելու համար։
Չնայած Գերագույն դատարանը հունիսի 30-ին հակասահմանադրական էր ճանաչել Թրամփի նախորդ լայնածավալ հրամանագիրը, նախագահը որոշել է Օրենսդիր մարմնին դիմելու փոխարեն դարձյալ օգտվել գործադիր հրամանագրերից։
Վարչակազմը պնդում է, որ այս նոր հրահանգն ավելի նեղ է և դուրս է դատարանի որոշման շրջանակից, քանի որ փորձում է վերաիմաստավորել ծննդյան քաղաքացիության պատմական բացառությունները։
Ձեր իշխանությունը սովոր է, թե անարդար ինչպես պահի։ Այս մասին ԱԺ-ում ելույթի ընթացքում ասաց Գեղամ Մանուկյանը։
«5 տարի էս թեմայով խոսել ենք՝ պետություն և հայրենիք։ Մի օր դասագիրք է գրվելու՝ «Եզակի իշխանություն՝ եզակի երկրում», որտեղ քննարկման դիսկուրսի հիմնական հարցը հայրնեիքի և պետության ճշգրտության հարցն է դարձրել»։
Մանրամասները՝ տեսանյութում։
ԱՄՆ նախագահ Դոնալդ Թրամփը ճեպազրույցի ընթացքում խիստ քննադատել է Ջո Բայդենի վարչակազմին Կիևին շուրջ 300 միլիարդ դոլարի ռազմական աջակցություն ցուցաբերելու և ամերիկյան զինամթերքի պաշարները սպառելու համար՝ ընդգծելով, որ այժմ Վաշինգտոնն ինքն է վերականգնում սեփական զինանոցը։
Ինչպես հայտնում է BBC-ն, լրագրողի հարցին, թե արդյոք ԱՄՆ-ն Կիևին կտրամադրի՞ լրացուցիչ հակահրթիռներ Patriot ՀՕՊ համակարգերի և հեռահար հրթիռների համար, Թրամփը հստակ պատասխանել է, որ ԱՄՆ-ին ինքնին հրթիռներ են անհրաժեշտ։
Այս հայտարարությունը հնչել է Ռուսաստանի կողմից Կիևի վրա հերթական գիշերային հարվածներից հետո, երբ Ուկրաինայի նախագահ Վլադիմիր Զելենսկին ահազանգել էր Patriot համակարգերի հակահրթիռների սուր պակասի մասին՝ գործընկերներին կոչ անելով անհապաղ փոխանցել անհրաժեշտ միջոցները, այլ ոչ թե պահել դրանք պահեստներում։
Ես Ձեր հայտարարությունից ցնցվեցի, երբ ասացիք՝ ով ա ավելի շատ Ղարաբաղին բան տվել, քան Սամվել Կարապետյանը։
«Հույս ունեմ, որ էն մարդիկ, ովքեր իրանց ընտանիքի անդամներին են տվել, իրանց արյունն են տվել, իրենց ձեռքերն ու ոտքերն են տվել, դա չեն լսել։ Մենք փող չունենք, իմ ընտանիքը իմ աշխատավարձով ա ապրում, փող չի ունեցել, որ տա Ղարաբաղին, բայց իմ հայրը կամավորագրվել և մինչև վերջին օրը եղել է պատերազմի դաշտում»,- ասաց Թագուհի Ղազարյանը։
Թագուհի Ղազարյանը հուզվեց և ասաց, որ երբ կապ չի ունեցել հոր հետ, նրան փնտրել է դիահերձարաններում և այդ տուրբոգեներատորը ավելի կարևոր չի, քան մարդկային կյանքերը։
Մանրամասները՝ տեսանյութում։
Արարատ Միրզոյանն օգոստոսի 10-14-ը ներառյալ կգտնվի արձակուրդում. նրան կփոխարինի Մնացական Սաֆարյանը։
«Ղեկավարվելով «Հանրային ծառայության մասին» օրենքի 9-րդ հոդվածի 16-րդ մասով, «Կառավարչական իրավահարաբերությունների կարգավորման մասին» օրենքի 10-րդ հոդվածի 13-րդ մասով և «Կառավարության կառուցվածքի և գործունեության մասին» օրենքի 18-րդ հոդվածի 3-րդ և 4-րդ մասերով՝
1. Հայաստանի Հանրապետության արտաքին գործերի նախարար Արարատ Միրզոյանին տրամադրել չվճարվող արձակուրդ՝ 5 օր տևողությամբ՝ 2026 թվականի օգոստոսի 10-14-ը ներառյալ:
2. Արարատ Միրզոյանի արձակուրդում գտնվելու ընթացքում վերջինիս կփոխարինի Հայաստանի Հանրապետության արտաքին գործերի նախարարի տեղակալ Մնացական Սաֆարյանը»,-նշված է որոշման մեջ։
Սննդամթերքի անվտանգության տեսչական մարմնի կողմից «ՆՆ հոլդինգ» ՍՊ ընկերությանը պատկանող «Ծիրան» սուպերմարկետում գործող հացի և հացաբուլկեղենի արտադրամասում (Երևան, Շերամի 13/3) իրականացված վերահսկողությունը փաստել է, որ խախտվել են օրենսդրությամբ սահմանված սանիտարահիգիենիկ նորմերը:
Այն է՝
– արտադրական շինության դասավորվածությունը չի բացառել կեղտի կուտակումներից, արտադրվող սննդամթերքում մասնիկները թափվելու հնարավորությունը, չի ապահովել պարենային հումքի, փաթեթավորման նյութերի և սննդամթերքի պահպանման պայմանները,
– արտադրամասի սենքի և ջեռոցի վերևի հատվածում օդափոխության համակարգը գտնվել է կեղտոտ և բաց վիճակում, ինչը չի կանխում սննդամթերքի աղտոտման վտանգը,
– արտադրամասի պատերի որոշ հատվածներ վնասված են եղել, մակերևույթը պատրաստված չի եղել անջրանցիկ, լվացվող, ախտահանվող նյութերից,
– առաստաղի մի մասը ապահով չի եղել, չի կանխարգելվել կեղտի կուտակումը, առաստաղից մասնիկների թափվելու հնարավորությունը,
– սննդամթերքի հետ շփման մեջ գտնվող տեխնոլոգիական սարքավորումների և գույքի աշխատանքայ ին մակերևույթները վնասված են եղել և պատրաստված չեն եղել չներծծող նյութերից,
– սննդամթերքի հետ անմիջապես շփման մեջ գտնվող բեռնարկղերը, պատրաստված չեն եղել հիգիենայի պա հանջները բավարարող նյութերից և չեն պահվել նորոգ վիճակում։
Տեսչական մարմնի ղեկավարի որոշմամբ՝ հացի ու հացաբուլկեղենի արտադրամասի արտադրական գործունեությունը կասեցվել է, հայտնաբերված խախտումները վերացնելու համար սահմանվել է ժամկետ:
Վրեքդ խոսակցությու՞ն ա էկել, ի՞նչ ա էղել, ապրի Ռուբինյանը, որ ասեց՝ որոնք են ՀՀ-ի սպառնալիքները։ Այս մասին ԱԺ-ում ելույթի ժամանակ ասաց Քրիստինե Վարդանյանը։
Մանրամասները՝ տեսանյութում։