Շուրջ 37 մլն շիշ «Ջերմուկ» հանքային ջրի վաճառքն արգելվել է ՌԴ-ում, խոշոր խմբաքանակն արգելափակել է «Честный знак» մակնշման պետական համակարգը Ռոսպոտրեբնադզորի նոր հանձնարարականով։
Օպերատորը պնդում է, որ արգելափակումը կապված է Ռուսաստանի Դաշնության քաղաքացիների կյանքին և առողջությանը հնարավոր վնաս չպատճառելու համար շտապ միջոցներ ձեռնարկելու անհրաժեշտության հետ:
Վերահսկող մարմինը արգելքի պատճառ է նշել արտադրողի կողմից արտադրանքի պարտադիր պահանջների խախտումները:
Իսրայելցի զինվորականները գիշերը նոր հարվածներ են հասցրել Լիբանանի տարածքին։ Այս մասին հայտնել է բանակի մամուլի ծառայությունը։
Հարձակումների թիրախ են եղել «Հեզբոլլահ» կազմակերպության օբյեկտները։ Հարվածները, մասնավորապես, հասցվել են հանրապետության արևելքում գտնվող Բեկաա հովտի ստորգետնյա օբյեկտին, հայտնել են բանակից։ Իսրայելական զինվորականների տվյալներով՝ այնտեղ զենք էր արտադրվում շիա մարտիկների համար։
Բացի այդ, հարվածների են ենթարկվել «Հեզբոլլահի» ռազմական օբյեկտները Լիբանանի հարավում գտնվող Տյուրոս (Սուր) քաղաքի շրջանում, նշել են մամուլի ծառայությունում։
Իսրայելցի զինվորականները գիշերը նոր հարվածներ են հասցրել Լիբանանի տարածքին։ Այս մասին հայտնել է բանակի մամուլի ծառայությունը։
Հարձակումների թիրախ են եղել «Հեզբոլլահ» կազմակերպության օբյեկտները։ Հարվածները, մասնավորապես, հասցվել են հանրապետության արևելքում գտնվող Բեկաա հովտի ստորգետնյա օբյեկտին, հայտնել են բանակից։ Իսրայելական զինվորականների տվյալներով՝ այնտեղ զենք էր արտադրվում շիա մարտիկների համար։
Բացի այդ, հարվածների են ենթարկվել «Հեզբոլլահի» ռազմական օբյեկտները Լիբանանի հարավում գտնվող Տյուրոս (Սուր) քաղաքի շրջանում, նշել են մամուլի ծառայությունում։
Փարիզի Ելիսեյան պալատում, որտեղ գտնվում է Ֆրանսիայի նախագահի նստավայրը, խուզարկություն է իրականացվել կոռուպցիայի գործով։ Այս մասին գրում է Le Monde-ը։
Պարբերականի տվյալներով՝ հետաքննությունը վերաբերում է Shortcut Events ընկերության հետ կնքված մի քանի պայմանագրերի, որը զբաղվում էր պետական խոշոր միջոցառումների կազմակերպմամբ։
Ընդ որում, հետաքննությունն անմիջականորեն չի առնչվում Ֆրանսիայի նախագահ Էմանուել Մակրոնին։
Ինչպես գրում է Le Monde-ը, քննիչները փորձել էին նստավայրում խուզարկություն իրականացնել դեռևս ապրիլի 14-ին։ Այդ ժամանակ աշխատակազմն արգելել էր դա անել՝ հղում անելով Ֆրանսիայի Սահմանադրության 67-րդ հոդվածին, որը երաշխավորում է նախագահի աշխատակազմի հետ կապված տարածքների անձեռնմխելիությունը։ Սակայն ավելի ուշ Ազգային ֆինանսական դատախազությանը, այնուամենայնիվ, թույլատրվել է խուզարկություն անցկացնել։
Հետաքննությունը սկսվել է ֆրանսիական լրատվամիջոցների հրապարակումներից հետո։ Լրագրողները պարզել են, որ Shortcut Events-ը 22 տարի շարունակ հաղթել է Պանթեոնում բոլոր արարողությունների կազմակերպման պայմանագրերի մրցույթներում, որտեղ թաղված են ֆրանսիական պատմության ականավոր գործիչները։
Բացի այդ, նույն ընկերությունն է զբաղվել 2024 թվականի միջոցառումներով, որոնք նվիրված էին Օմահա լողափում դաշնակիցների դեսանտի իջեցման (Նորմանդական օպերացիայի) 80-ամյակին։
Ընկերությունը կասկածվում է պայմանագրերը կոռուպցիոն ճանապարհով ստանալու մեջ։
Խուզարկություններ են անցկացվել նաև Shortcut Events-ի գրասենյակում և Ազգային հուշարձանների կենտրոնում, որը հանդես է եկել որպես միջոցառումների պատվիրատու։
Փարիզի Ելիսեյան պալատում, որտեղ գտնվում է Ֆրանսիայի նախագահի նստավայրը, խուզարկություն է իրականացվել կոռուպցիայի գործով։ Այս մասին գրում է Le Monde-ը։
Պարբերականի տվյալներով՝ հետաքննությունը վերաբերում է Shortcut Events ընկերության հետ կնքված մի քանի պայմանագրերի, որը զբաղվում էր պետական խոշոր միջոցառումների կազմակերպմամբ։
Ընդ որում, հետաքննությունն անմիջականորեն չի առնչվում Ֆրանսիայի նախագահ Էմանուել Մակրոնին։
Ինչպես գրում է Le Monde-ը, քննիչները փորձել էին նստավայրում խուզարկություն իրականացնել դեռևս ապրիլի 14-ին։ Այդ ժամանակ աշխատակազմն արգելել էր դա անել՝ հղում անելով Ֆրանսիայի Սահմանադրության 67-րդ հոդվածին, որը երաշխավորում է նախագահի աշխատակազմի հետ կապված տարածքների անձեռնմխելիությունը։ Սակայն ավելի ուշ Ազգային ֆինանսական դատախազությանը, այնուամենայնիվ, թույլատրվել է խուզարկություն անցկացնել։
Հետաքննությունը սկսվել է ֆրանսիական լրատվամիջոցների հրապարակումներից հետո։ Լրագրողները պարզել են, որ Shortcut Events-ը 22 տարի շարունակ հաղթել է Պանթեոնում բոլոր արարողությունների կազմակերպման պայմանագրերի մրցույթներում, որտեղ թաղված են ֆրանսիական պատմության ականավոր գործիչները։
Բացի այդ, նույն ընկերությունն է զբաղվել 2024 թվականի միջոցառումներով, որոնք նվիրված էին Օմահա լողափում դաշնակիցների դեսանտի իջեցման (Նորմանդական օպերացիայի) 80-ամյակին։
Ընկերությունը կասկածվում է պայմանագրերը կոռուպցիոն ճանապարհով ստանալու մեջ։
Խուզարկություններ են անցկացվել նաև Shortcut Events-ի գրասենյակում և Ազգային հուշարձանների կենտրոնում, որը հանդես է եկել որպես միջոցառումների պատվիրատու։
«Հրապարակ» թերթը գրում է. «Գրել էինք, որ ՔՊ-ն «վարձկանների» միջոցով է իր քարոզչությունն իրականացնում․ 200-250 հազար դրամով կամավորներ են վարձել, որոնք, դռնեդուռ ընկած, ՔՊ-ի բուկլետներն են բաժանում։
Բայց մեկ միավոր աշխատավարձի դիմաց փորձում են հնարավորինս շատ աշխատեցնել՝ միայն քարոզչությամբ ու բուկլետ բաժանելով չեն զբաղվում, այլ նաեւ մասնակցում են Փաշինյանի երեւանյան քարոզարշավներին, մասսովկա են ապահովում։
Փաստորեն, ՔՊ-ն թրաֆիքինգի է ենթարկում երիտասարդությանը։ Առանց այն էլ հեշտ գործ չէ ՔՊ մերժող Երեւանում ՔՊ-ի բուկլետը բաժանելը՝ շատերը վռնդում են, կոպտում՝ նրանց նույնացնելով Փաշինյանի հետ։
«Հրապարակ» թերթը գրում է. «Առողջապահության նախարար, ՔՊ նախընտրական ցուցակի առաջին կին Անահիտ Ավանեսյանը Փաշինյանի քարոզարշավի գլխավոր դերակատարներից է դարձել՝ երբ պետք է, երգում է, երբ պետք է, պարում է, անխտիր հավանության է արժանացնում Փաշինյանի ամենավատ հայտարարություն-սպառնալիքները, փոխանակ մարդկանց առողջական խնդիրներով զբաղվի։
Նա, լինելով մարդ փրկող ոլորտի ղեկավար, երկրորդում է Փաշինյանին՝ ոմանց «կենդանի» մնալու հրաշքից զարմացած։
Մեր իշխանական աղբյուրն ասում է, որ այդ ծառայությունները հենց այնպես չեն արվում, պարզվում է՝ նա մեծ ախորժակ ունի եւ ՔՊ-ի հաղթանակի դեպքում իրեն կառավարության նոր կաբինետում փոխվարչապետ է պատկերացնում։
«Հրապարակ» թերթը գրում է. «Ընդդիմադիր ուժերից մեկի վերջին հարցումները մի քիչ անհանգստացնող արդյունք են գրանցել։ Ըստ այդ հարցումների՝ ոչ միայն Նիկոլ Փաշինյանի, այլ նաեւ Սամվել Կարապետյանի եւ Արման Թաթոյանի ընտրազանգվածի մոտ կեսը չի պատրաստվում մասնակցել ընտրություններին։
Չնայած հարցվածները հստակ ասել են՝ ուզում են, որ հենց այդ ուժն ընտրվի, բայց նշել են, որ դժվար թե մասնակցեն քվեարկությանը։ Սա նշանակում է, որ գլխավոր խնդիրը ոչ այնքան այն է, թե ում են ընտրելու մարդիկ, այլ այն, թե գնալո՞ւ են արդյոք ընտրությունների։
Ընդ որում, ամենից շատ կարող է տուժել Արման Թաթոյանի «Միասնության թեւերը»․ նրան համակրող զանգվածի մեջ առավել մեծ տոկոս են կազմում ընտրությանը մասնակցելուց հրաժարվողները։
Եվ այս 2 շաբաթում ընդդիմությունը պետք է հատկապես այդ ուղղությամբ աշխատի, որ մարդկանց մոտիվացնի՝ գնալ քվեարկության։
«Հրապարակ» թերթը գրում է. «Նիկոլ Փաշինյանը խիստ մտահոգված է իր անվտանգության հարցերով։ Նա շատ է վախեցել դիմակավորված «արցախցիների» տեսանյութից, բայց քանի որ շատ է ուզում վերընտրվել եւ դրա համար այլ ճանապարհ չի տեսնում, քան իր մրցակիցների հասցեին լուտանքներ տեղալն է, անում է դա, բայց նաեւ հասկանում է, որ այս փուլում իր թշնամիների բանակը մեծացրել է, իրեն ատողների կայուն բանակ է ձեւավորվել եւ դա հղի է վտանգներով։
Մեր աղբյուրն ասում է, որ նա հատկապես անհանգիստ է մայիսի 28-ի միջոցառումների հետ կապված։ Նա անհանգստանում է, որ իր նախընտրական քարոզարշավի առանցքային իրադարձություններից մեկը կարող է խափանվել եւ իր անվտանգությունն ապահովելն այդ օրը շատ բարդ է լինելու։
«Հրապարակ» թերթը գրում է. Նախօրեին ԵՊՀ ռեկտոր, ՔՊ-ական նախկին պատգամավոր Հովհաննես Հովհաննիսյանն իր էջով «կիսվել» էր Սուրեն Պապիկյանի՝ Կարապետյանների մասին հրապարակմամբ եւ գրել․ «Դասալիքները չեն նահատակվում»։
Հիշեցնենք, որ Սուրեն Պապիկյանն ամբիոնից բղավում էր, թե ինչու չեն Սամվել Կարապետյանի, նրա եղբոր ու քրոջ 6 որդիները «նահատակվել» պատերազմում։
Երեկ նկատեցինք, որ ռեկտորը հեռացրել է այդ հրապարակումը։ Արդյո՞ք ուշացումով գլխի է ընկել, որ իր ղեկավարած հաստատությունն ապաքաղաքական պետք է լինի, թե՞ հասկացել է, որ իր գրառումն ավելի շատ իշխող թիմի դեմ է՝ չէ՞ որ նրանցից ոչ մեկը կարծես չի նահատակվել, եւ այդ 2 բառը նրանց ավելի շատ է սազում։
«Փաստ» օրաթերթը գրում է, որ առաջիկա ընտրություններին մասնակցող 19 քաղաքական ուժերից առնվազն 7-ը կարելի է դասել ծայրահեղ «արևմտամետների» շարքին։ Նրանցից է Շնորհապետական կուսակցությունը, որը, ըստ Վիքիպեդիայի, կողմ է ռուսական ազդեցության վերացմանը և Հայաստանի ելքին ՀԱՊԿ-ից ու ԵԱՏՄ-ից, իսկ ղեկավար Գուրգեն Սիմոնյանը կոչ է արել դուրս բերել Հայաստանում տեղակայված բոլոր ռուսական զորքերը։
Այդուհանդերձ, Սիմոնյանը 2016-2018 թթ. Դասախոսել է Մոսկվայի պետական համալսարանի երևանյան մասնաճյուղում, իսկ 2015 թ. Ցայսօր՝ Հայ-Ռուսական համալսարանում։ Վերջինս պարզաբանել է, որ նա հիմնական դասախոս չէ, ներգրավվել էր ժամանակավորապես, պայմանագիրն ավարտվել է, հետագա ներգրավումը չի նախատեսվում, սակայն կենսագրությունում նշված է «2015 թ. Ցայսօր»։ Նշվում է նաև, որ այդ համալսարանի ֆինանսավորման մոտ 30 %-ը ձևավորվում է ՌԴ դաշնային բյուջեից։
Եթե պատերազմը վերսկսվի, այն ավելի կործանարար կլինի ԱՄՆ-ի համար։
Ասել է Իրանի Մեջլիսի նախագահ Մոհամմադ Բաղեր Ղալիբաֆը Պակիստանի բանակի հրամանատար Ասիմ Մունիրի հետ հանդիպմանը։ Հայտնում է ՏԱՍՍ-ը։
«Իրանի զինված ուժերը վերականգնվել են հրադադարի ընթացքում»,-նշել է Ղալիբաֆը։
Այսօր՝ մայիսի 23-ին, շղթայական ավտովթար է տեղի ունեցել Երևանում։ Ժամը 09:00-ի սահմաններում Հալաբյան-Մարգարյան փողոցների խաչմերուկում բախվել են «Tesla», «Subaru» և «Honda» մակնիշի ավտոմեքենաները։
Ինչպես հայտնում է ֆոտոլրագրող Գագիկ Շամշյանը, վթարի հետևանքով 3 հոգի, որոնց առաջինն օգնության են հասել քաղաքացիները և օպերատիվորեն ժամանած Երևանի 103 շտապօգնության բժիշկների հերթապահ խմբերը, տեղափոխվել են Երևանի տարբեր հիվանդանոցներ։
Բժիշկները վիրավորներին մինչև հիվանդանոցներ տեղափոխելը տեղում առաջին բուժօգնությունն են ցուցաբերել։
Վթարի փաստով քննչական բաժնում նախաձեռնվել է քրեական վարույթ, որտեղ էլ պարզում են ավտոմեքենաների սեփականատերերի վարորդների և վիրավորների ինքնությունը։
Մանրամասները՝ սկզբնաղբյուր կայքում
Այսօր՝ մայիսի 23-ին, շղթայական ավտովթար է տեղի ունեցել Երևանում։ Ժամը 09:00-ի սահմաններում Հալաբյան-Մարգարյան փողոցների խաչմերուկում բախվել են «Tesla», «Subaru» և «Honda» մակնիշի ավտոմեքենաները։
Ինչպես հայտնում է ֆոտոլրագրող Գագիկ Շամշյանը, վթարի հետևանքով 3 հոգի, որոնց առաջինն օգնության են հասել քաղաքացիները և օպերատիվորեն ժամանած Երևանի 103 շտապօգնության բժիշկների հերթապահ խմբերը, տեղափոխվել են Երևանի տարբեր հիվանդանոցներ։
Բժիշկները վիրավորներին մինչև հիվանդանոցներ տեղափոխելը տեղում առաջին բուժօգնությունն են ցուցաբերել։
Վթարի փաստով քննչական բաժնում նախաձեռնվել է քրեական վարույթ, որտեղ էլ պարզում են ավտոմեքենաների սեփականատերերի վարորդների և վիրավորների ինքնությունը։
Մանրամասները՝ սկզբնաղբյուր կայքում
Նախընտրական շրջանում, երբ ԱԺ 2026 թվականի ընտրություններին ընդառաջ հասարակական-քաղաքական դաշտում կրքերը առավել քան բորբոքված են, յուրաքանչյուր հանրային խոսք, հայտարարություն կամ նույնիսկ հարցադրում կարող է դառնալ մեծ վեճերի ու սուր քննարկումների առիթ:
Մարդիկ այս օրերին չափազանց զգայուն են դարձել ցանկացած թեմայի նկատմամբ, ինչի արդյունքում հաճախ թյուրիմացություններ ու անհարկի ատելության ալիքներ են բարձրանում համացանցում:
Այսպիսի տհաճ իրավիճակի է բախվել շոումեն, հաղորդավար Արամ Մելիքյանը , ով հաճախ է ինստագրամյան իր էջում հարց ու պատասխան կազմակերպում և անմիջականորեն շփվում իր բազմահազարանոց հետևորդների հետ:
Նրա հերթական հրապարակումը, սակայն, արժանացել է որոշ օգտատերերի չափազանց ագրեսիվ ու բուռն արձագանքին: Թեև Արամի հոլովակն արդեն հասանելի չէ, քանի որ ինստագրամում 24 ժամը լրանալուց հետո սթորիները ինքնաբերաբար ջնջվում են, մեդիադաշտում պահպանվել են դրան հաջորդած նամակագրության խոսուն կադրերը:
Օգտատերերից մեկը բավականին կոպիտ ու վիրավորական ոճով արձագանքել է շոումենի հայտարարությանը՝ գրելով, որ ռադդ քաշի, այ ղարաբաղցի, դու էիր պակաս, Սքեի նման գնա Ամերիկա։ Արամ Մելիքյանը փորձել է հանդարտեցնել իրավիճակը և ժպիտով պատասխանել է, որ ինքն իրականում երևանցի է: Սակայն օգտատերը չի նահանջել իր տեսակետից և շարունակել է պնդել, որ չէ հաստատ ղարաբաղցի ես։
Այս ամենից հետո Արամ Մելիքյանը հրապարակել է այդ նամակագրության սքրինշոթը և չի թաքցրել իր ապշահար ու մտահոգված լինելը: Նա կից գրառում է արել, որտեղ բավականին կոշտ, բայց ցավով արձանագրել է հասարակության մեջ տիրող անհասկանալի ու ագրեսիվ մթնոլորտը։
Այս միջադեպը ևս մեկ անգամ ապացուցում է, թե որքան լարված է հանրությունը նախընտրական այս փուլում, երբ նույնիսկ պարզ հաղորդակցությունը կարող է վերածվել քաղաքական ենթատեքստերով վիրավորանքների:
Երկրպագուների մեծ մասը, սակայն, աջակցել է Արամին՝ կոչ անելով ուշադրություն չդարձնել նմանատիպ նեգատիվ ու անհիմն հարձակումներին: