Category: TopNews.am

ՀՀ Ազգային ժողովի նախագահ Ռուբեն Ռուբինյանը պաշտոնական այցի ընթացքում խոսել է  լեհերենով: Նա սոցիալական ցանցերի իր էջերում հրապարակել է տեսանյութ՝ «Վաղուց չէի խոսել լեհերեն» մակագրությամբ, որտեղ ներկայացված է նրա ելույթը կամ զրույցը լեհերենով:

Կանադան Ուկրաինային կտրամադրի 350 միլիոն կանադական դոլարի՝ շուրջ 250 միլիոն ԱՄՆ դոլարի ռազմական օգնության նոր փաթեթ, հայտարարվել է Ուկրաինայի նախագահ Վոլոդիմիր Զելենսկու՝ Կանադա կատարած այցի ընթացքում։

Կանադայի վարչապետ Մարկ Քարնիի խոսքով՝ օգնության փաթեթը ներառելու է հակաօդային պաշտպանության միջոցներ, որոնք հատկապես կարևոր են ռուսական հարվածների ուժգնացման պայմաններում։ Դրանք կօգնեն պաշտպանել Ուկրաինայի բնակչությունը, կարևոր ենթակառուցվածքներն ու օդային տարածքը։ Թե կոնկրետ ինչ զինատեսակներ են մատակարարվելու, Քարնին չի մանրամասնել։

Սարքավորումներն ու զինամթերքը նախատեսվում է ձեռք բերել ԱՄՆ-ից՝ Ուկրաինայի դաշնակիցների կողմից ֆինանսավորվող ծրագրի շրջանակում։

Reuters-ի տվյալներով՝ 2022 թվականին Ռուսաստանի լայնածավալ ներխուժման սկզբից ի վեր Կանադայի տրամադրած օգնության ընդհանուր ծավալը հասել է 8,5 միլիարդ կանադական դոլարի՝ շուրջ 6,15 միլիարդ ԱՄՆ դոլարի։

Tour of Armenia միջազգային բազմօրյա հեծանվավազքի առաջին մրցումային օրը մեկնարկել է Գավառից՝ ձգվելով մինչև Մեծ Մասրիկ։

Մարզիկները հաղթահարել են 135 կմ երկարությամբ տպավորիչ երթուղի՝ անցնելով Սևանի գեղատեսիլ ափերով և վայելելով Հայաստանի բնապատկերները։

Առաջին օրվա երթուղին առաջինը հատել է լեհ Միխալ Պոմորսկին (միջին արագությունը՝ 52.331 կմ/ժ) և դարձել առաջին օրվա հաղթող: Tour of Armenia մրցաշարի առաջին փուլի ավարտին Մեդվեյ Ֆլետչերը գրավել է 2-րդ հորիզոնականը` ճանաչվելով լավագույն երիտասարդ հեծանվորդ և արժանանալով սպիտակ շապիկին:

Ախուրյան-Կառնուտ-Բասեն-Ջրառատ ավտոճանապարհին կատարվում են միջին նորոգման աշխատանքներ։ Այս մասին հայտնում է Ճանապարհային դեպարտամենտը։

Իսրայելի վարչապետ Բենիամին Նեթանյահուն իր փաստաբաններին հանձնարարել է «Հաարեց» թերթի դեմ դատական հայց ներկայացնել։ Թերթը գրել է, որ 2023 թվականի հոկտեմբերի 7-ին ՀԱՄԱՍ-ի զինյալների՝ Իսրայել ներխուժումից մի քանի օր առաջ Արաբական Միացյալ Էմիրությունների առաջնորդը Նեթանյահուին նախազգուշացրել էր այդ հարձակման հնարավորության մասին։

«Հաարեց»-ը հրապարակել է Շլոմի Էլդարի ու Ռութ Յուվալի «Պատանդներ. մոռացության 843 օր» գրքից հատվածներ, որտեղ ասվում է, որ ԱՄԷ նախագահ Մուհամմադ բին Զայեդ Ալ Նահայանը 2023 թվականի սեպտեմբերին հեռախոսով զրուցել է Նեթանյահուի հետ։ Նա նախազգուշացրել է, որ ՀԱՄԱՍ-ի՝ Գազայի այն ժամանակվա առաջնորդ Յահյա Սինվարը լայնածավալ գործողություն է ծրագրում։

Սակայն Նեթանյահուի գրասենյակը հայտարարել է, որ «վարչապետը մինչեւ հոկտեմբերի 7-ը ԱՄԷ-ից որեւէ նախազգուշացում չի ստացել»։ Այնտեղ հրապարակումը գնահատել են որպես «չարագուշակ դավադրություն»։ Նեթանյահուն մտադիր է թերթի դեմ դատարան դիմել զրպարտության համար։

«Հաարեց» թերթը, որը հայտնի է վարչապետի հասցեին իր կոշտ քննադատությամբ, պնդում է, որ իր հրապարակումը համապատասխանում է իրականությանը։ Այն մերժել է զրպարտության մեղադրանքները՝ հայտարարելով, որ «այս հայցի միակ նպատակը նրան քննադատող լրագրողներին լռեցնելն է»։

Պավլոգրադի «Գուլիվեր» առևտրի կենտրոնին հասցված հարվածի հետևանքով զոհվել է 5, վիրավորվել՝ 67 մարդ, հայտնել է Դնեպրոպետրովսկի մարզային ռազմական վարչակազմի ղեկավար Ալեքսանդր Գանժան։

Վիրավորների թվում են 11-ից 17 տարեկան հինգ դեռահաս և 4 տարեկան մեկ աղջիկ։

Գանժայի խոսքով՝ Դնեպր քաղաքում հարվածների հետևանքով ևս 2 մարդ է զոհվել, 5-ը՝ վիրավորվել։
Կիրառվել են անօդաչու թռչող սարքեր, հրետանի և կառավարվող ավիառումբեր։

Մեկնարկել է ՀՀ դպրոցականների շախմատի 20-րդ հոբելյանական օլիմպիադայի եզրափակիչ փուլը: Այս մասին հայտնում է ֆեդերացիան։ Հայաստանի տարբեր մարզերից և Երևանից ժամանած 14 լավագույն դպրոցական թիմեր իրենց շախմատային պայքարն սկսել են Սյունիքի մարզկենտրոն Կապան քաղաքում։
 
«Սեպտեմբերի 10-ին Կապանի մշակույթի կենտրոնում տեղի ունեցավ օլիմպիադայի բացման արարողությունը, որին ներկա էին Կապան համայնքի ղեկավարի առաջին տեղակալ Գոռ Թադևոսյանը և Հայաստանի շախմատի ֆեդերացիայի նախագահի առաջին տեղակալ, Հայաստանի շախմատի ակադեմիայի հիմնադիր-գլխավոր տնօրեն, ՄԳ Սմբատ Լպուտյանը։
 
Բացման արարողության ընթացքում մասնակից թիմերը վիճակահանությամբ որոշեցին իրենց մեկնարկային համարները՝ ազդարարելով հոբելյանական օլիմպիադայի մրցաշարային պայքարի մեկնարկը։
 
Արդեն 20 տարի է՝ օլիմպիադան իրականացվում է Հայաստանի շախմատի ակադեմիայի կողմից՝ Հայկական բարեգործական ընդհանուր միության գլխավոր հովանավորությամբ և ՀՀ ԿԳՄՍ նախարարության աջակցությամբ։
 
Առջևում են մրցաշարային օրերը, հետաքրքիր պարտիաներն ու նոր շախմատային պատմությունները։ Մաղթում ենք բոլոր թիմերին հաջողություն և հետաքրքիր պայքար»,- ասվում է հաղորդագրության մեջ։

ՀՀ կրթության, գիտության, մշակույթի և սպորտի նախարար Ժաննա Անդրեասյանը հերթական անգամ ընդունել է հանրակրթական ուսումնական հաստատությունների մանկավարժների՝ քննարկելու ոլորտային մի շարք հարցեր:

Այս անգամ քննարկման առանցքում էին կրթական ենթակառուցվածքների զարգացմանը, դպրոցի շենքային պայմանների բարելավման և կառուցման, վերակառուցման ծրագրի ընթացքին, ինչպես նաև կրթության որակի բարձրացմանը վերաբերող հարցեր։ Առանձնակի անդրադարձ է եղել պետական աջակցությամբ դպրոցներում համալրվող լաբորատորիաների գործարկմանը՝ որպես բնագիտական առարակաների արդյունավետ ուսուցման նոր բովանդակություն:

Մանկավարժներն անդրադարձել են նաև կամավոր ատեստավորման գործընթացին, հարցաշարերի բովանդակությանը և այլն:

Ուսուցիչների հետ հանդիպումները շարունակական են. ընդունելությանը մասնակցելու համար անհրաժեշտ է հերթագրվել՝ լրացնելով դիմում-հայտ կից հղմամբ՝ https://shorturl.at/jIYiT: