Վրաստանի Նինոծմինդա սահմանային անցակետը բաց է, հայտարարություն են տարածել Հայաստանի պետական եկամուտների կոմիտեից՝ տեղեկացնելով, որ Բավրայի մաքսային անցման կետով երթևեկությունը թույլատրված է բոլոր տեսակի տրանսպորտային միջոցների համար։
Ավելի վաղ ՀՀ ՊԵԿ-ից հայտնել էին, որ եղանակային վատ պայմանների հետևանքով Նինոծմինդա սահմանային անցակետը փակ լինելու պատճառով Բավրայի մաքսակետը երթևեկելի է միայն մարդատար տրանսպորտային միջոցների համար։
Գյուղատնտեսական սեզոնին ընդառաջ կառավարությունն աջակցության նոր ծրագիր է հաստատել․ պետությունը կսուբսիդավորի մինչև 14 %-ով ձեռք բերված գյուղատնտեսական վարկերի տոկոսադրույքները։
Ծրագիրը նախատեսված է 2026-2027 թվականների համար, յուրաքանչյուր շահառուին տրամադրվող վարկային սահմանաչափը 1-2 մլն դրամ է։
2025-ին ոլորտի համախառն արտադրանքն անցել է 1 տրլն դրամի սահմանը՝ 5,6 %-ով գերազանցելով 2024-ի ցուցանիշը։ Վիճակագրության համաձայն՝ աճ է արձանագրվել նաև այս տարվա առաջին եռամսյակում։
Անտոկոս վարկեր գյուղացիական տնտեսություններին․ այս անգամ միջոցները կհատկացվեն ոչ թե առանձին ոլորտների, այլ ագրոպարենային ոլորտի բոլոր ենթաճյուղերին։
Էկոնոմիկայի նախարար Գևորգ Պապոյանի խոսքով՝ ծրագիրը հատկապես գյուղացիական փոքր տնտեսությունների համար է․ «Ճագարաբուծությունից մինչև թռչնաբուծություն, տոհմային անասնապահություն կամ ավանդական բուսաբուծությունից մինչև ինտենսիվ բարձր տեխնոլոգիական գյուղատնտեսություն։ Ո՞րն է ամենակարևոր կետերից մեկը․ սա հատկապես վերաբերվում է փոքր գյուղացիական տնտեսություններին, որոնք հասկանալի պատճառներով օբյեկտիվորեն հաճախ հնարավորություն չեն ունենում շատ մեծ ներդրումներ կատարելու տեխնոլոգիական գյուղատնտեսության մեջ»։
Ծրագիրը նախատեսված է 2026-2027 թվականների համար, յուրաքանչյուր շահառուին տրամադրվող վարկային սահմանաչափը 1-2 մլն դրամ է։ Տոկոսադրույքը կֆինանսավորի կառավարությունը։ Ծրագրից հնարավոր է օգտվել երկու անգամ։
«Յուրաքանչյուր շահառուի տրամադրվող վարկային սահմանաչափը այս ծրագրով 1–2 մլն դրամ է, այսինքն՝ նվազագույնը 1, առավելագույնը 2 մլն դրամ է։ Տոկոսադրույքը կառավարությունը սուբսիդավորում է, բայց ծրագրի պայման է, որ այն պետք է առավելագույնը 14 % լինի։ Կառավարության ծախսը չի կարող գերազանցել 14 տոկոսային կետը, և այդ ամբողջ 14 տոկոսային կետն էլ կառավարությունը կսուբսիդավորի, որի շնորհիվ մեր գյուղացիական տնտեսությունները 0 %-ով վարկ կկարողանան ձեռք բերել»։
Վարկի մարման ժամկետը մինչև 3 տարի է։ Գյուղացիներն առաջին 6 ամիսներին վճարումներ չեն անի։
Վարչապետ Նիկոլ Փաշինյանը բացատրում է այս ժամկետի ընտրության տրամաբանությունը․ «Ծրագիրը մեր գյուղացիների շրջանում հայտնի է որպես անտոկոս վարկ, հիմա այս որոշմամբ մենք անտոկոս վարկի հնարավորություն ենք ստեղծում։ 6 ամսվա տրամաբանությունը հետևյալն է․ այսօր ապրիլ ամիսն է, ենթադրենք՝ ապրիլի վերջ-մայիսի սկիզբ գյուղացին վարկը վերցրեց մայիս, հունիս, հուլիս, օգոստոս, սեպտեմբեր, հոկտեմբեր, չի վճարում ոչ մի բան։ Դե ենթադրվում է, որ էս 6 ամսվա ընթացքում պետք է արդեն բերք ունենա և բերքից եկամուտ ստանա։ Այդ եկամուտից կամաց-կամաց սկսում է վարկը փակել մինչև 3 տարում։ Սա արդեն կախված է նրա և բանկի պայմանավորվածություններից»։
2025-ին ոլորտի համախառն արտադրանքը գերազանցել է 1 տրլն դրամի սահմանը։ Սա շուրջ 5,6 %-ով ավելի է 2024–ի ցուցանիշից։ Վիճակագրության համաձայն՝ աճ է արձանագրվել նաև այս տարվա առաջին եռամսյակում։ Աճը 10,5 % է:
Գյուղատնտեսական տարին արդեն մեկնարկում է։ Գյուղացիների և ոլորտի մասնագետների խոսքով՝ գլխավոր խնդիրներից մեկը ոռոգման ջուրն է։ Հայաստանից, տարբեր հաշվարկներով, տարեկան շուրջ 5 մլրդ մ3 ջուր է հոսում հարևան հանրապետություններ։ Տարեցտարի ջրային ռեսուրսները նվազում են տարբեր պատճառներով՝ բնական ու մարդածին գործոններով պայմանավորված։
Մասնագիտական դաշտում արձանագրում են, որ հողօգտագործման և ջրօգտագործման համակարգերի միջև խզում է առաջացել։ Երկրում ջուրը քաոսային կերպով է օգտագործվում, ջրանցքներից ջրի կորսուստներն ահռելի ծավալների են հասնում։ Իրավիճակից ելք է ոռոգման կաթիլային համակարգը։
ՀԱԱՀ ջրային ռեսուրսների կառավարման ամբիոնի վարիչ Գուրգեն Եղիազարյան․ «Երբ նայում ենք վերջին 30 տարիների կլիմայական ցուցանիշներին, ակնհայտ է մի բան․ հանրապետության գրեթե բոլոր գոտիներում ունենք մթնոլորտային տեղումների պակաս, գետային հոսքի նվազում, ջրամբարների թերլցվածություն։ Կաթիլային ոռոգման համակարգի ներդրումն այս իրավիճակում կարող է տեխնոլոգիական լուծում դառնալ»։
Ստեղծված իրավիճակում այլ ելք, ջրի կուտակումից բացի, չկա։ Վեդու ջրամբարն արդեն պատրաստ է, օրակարգում նաև 15 փոքր ու միջին ջրամբարների նախագծման աշխատանքներն են։
Մոլորակի բոլոր անկյուններում խնդիր է դարձել նաև կլիմայի փոփոխությունը, մասնավորապես ջերմաստիճանի բարձրացումը։ ԵՊՀ աշխարհագրության և երկրաբանության ֆակուլտետի ասպիրանտ Հայկուհի Ազիզյան․ «Օրինակ՝ Հայաստանում օդի միջին ջերամաստիճանը բարձրացել է 1,5-1,7 աստիճանով։ Կլիմայի փոփոխությունն արդեն իսկ իր ազդեցությունը թողել է»։
Երաշտը նույնպես կլիմայի փոփոխության հետևանք է։ Մասնագետները փաստում են, որ Հայաստանում խոցելի տարածքներ կան՝ Արարատյան դաշտ, Շիրակ, Սյունիքի հովիտներ։ Հորդառատ անձրևները, հեղեղումներն ու կարկուտը նույնպես կլիմայի փոփոխության հետևանք են և մարտահրավեր գյուղոլորտի համար։
Գյուղատնտեսական սեզոնին ընդառաջ կառավարությունն աջակցության նոր ծրագիր է հաստատել․ պետությունը կսուբսիդավորի մինչև 14 %-ով ձեռք բերված գյուղատնտեսական վարկերի տոկոսադրույքները։
Ծրագիրը նախատեսված է 2026-2027 թվականների համար, յուրաքանչյուր շահառուին տրամադրվող վարկային սահմանաչափը 1-2 մլն դրամ է։
2025-ին ոլորտի համախառն արտադրանքն անցել է 1 տրլն դրամի սահմանը՝ 5,6 %-ով գերազանցելով 2024-ի ցուցանիշը։ Վիճակագրության համաձայն՝ աճ է արձանագրվել նաև այս տարվա առաջին եռամսյակում։
Անտոկոս վարկեր գյուղացիական տնտեսություններին․ այս անգամ միջոցները կհատկացվեն ոչ թե առանձին ոլորտների, այլ ագրոպարենային ոլորտի բոլոր ենթաճյուղերին։
Էկոնոմիկայի նախարար Գևորգ Պապոյանի խոսքով՝ ծրագիրը հատկապես գյուղացիական փոքր տնտեսությունների համար է․ «Ճագարաբուծությունից մինչև թռչնաբուծություն, տոհմային անասնապահություն կամ ավանդական բուսաբուծությունից մինչև ինտենսիվ բարձր տեխնոլոգիական գյուղատնտեսություն։ Ո՞րն է ամենակարևոր կետերից մեկը․ սա հատկապես վերաբերվում է փոքր գյուղացիական տնտեսություններին, որոնք հասկանալի պատճառներով օբյեկտիվորեն հաճախ հնարավորություն չեն ունենում շատ մեծ ներդրումներ կատարելու տեխնոլոգիական գյուղատնտեսության մեջ»։
Ծրագիրը նախատեսված է 2026-2027 թվականների համար, յուրաքանչյուր շահառուին տրամադրվող վարկային սահմանաչափը 1-2 մլն դրամ է։ Տոկոսադրույքը կֆինանսավորի կառավարությունը։ Ծրագրից հնարավոր է օգտվել երկու անգամ։
«Յուրաքանչյուր շահառուի տրամադրվող վարկային սահմանաչափը այս ծրագրով 1–2 մլն դրամ է, այսինքն՝ նվազագույնը 1, առավելագույնը 2 մլն դրամ է։ Տոկոսադրույքը կառավարությունը սուբսիդավորում է, բայց ծրագրի պայման է, որ այն պետք է առավելագույնը 14 % լինի։ Կառավարության ծախսը չի կարող գերազանցել 14 տոկոսային կետը, և այդ ամբողջ 14 տոկոսային կետն էլ կառավարությունը կսուբսիդավորի, որի շնորհիվ մեր գյուղացիական տնտեսությունները 0 %-ով վարկ կկարողանան ձեռք բերել»։
Վարկի մարման ժամկետը մինչև 3 տարի է։ Գյուղացիներն առաջին 6 ամիսներին վճարումներ չեն անի։
Վարչապետ Նիկոլ Փաշինյանը բացատրում է այս ժամկետի ընտրության տրամաբանությունը․ «Ծրագիրը մեր գյուղացիների շրջանում հայտնի է որպես անտոկոս վարկ, հիմա այս որոշմամբ մենք անտոկոս վարկի հնարավորություն ենք ստեղծում։ 6 ամսվա տրամաբանությունը հետևյալն է․ այսօր ապրիլ ամիսն է, ենթադրենք՝ ապրիլի վերջ-մայիսի սկիզբ գյուղացին վարկը վերցրեց մայիս, հունիս, հուլիս, օգոստոս, սեպտեմբեր, հոկտեմբեր, չի վճարում ոչ մի բան։ Դե ենթադրվում է, որ էս 6 ամսվա ընթացքում պետք է արդեն բերք ունենա և բերքից եկամուտ ստանա։ Այդ եկամուտից կամաց-կամաց սկսում է վարկը փակել մինչև 3 տարում։ Սա արդեն կախված է նրա և բանկի պայմանավորվածություններից»։
2025-ին ոլորտի համախառն արտադրանքը գերազանցել է 1 տրլն դրամի սահմանը։ Սա շուրջ 5,6 %-ով ավելի է 2024–ի ցուցանիշից։ Վիճակագրության համաձայն՝ աճ է արձանագրվել նաև այս տարվա առաջին եռամսյակում։ Աճը 10,5 % է:
Գյուղատնտեսական տարին արդեն մեկնարկում է։ Գյուղացիների և ոլորտի մասնագետների խոսքով՝ գլխավոր խնդիրներից մեկը ոռոգման ջուրն է։ Հայաստանից, տարբեր հաշվարկներով, տարեկան շուրջ 5 մլրդ մ3 ջուր է հոսում հարևան հանրապետություններ։ Տարեցտարի ջրային ռեսուրսները նվազում են տարբեր պատճառներով՝ բնական ու մարդածին գործոններով պայմանավորված։
Մասնագիտական դաշտում արձանագրում են, որ հողօգտագործման և ջրօգտագործման համակարգերի միջև խզում է առաջացել։ Երկրում ջուրը քաոսային կերպով է օգտագործվում, ջրանցքներից ջրի կորսուստներն ահռելի ծավալների են հասնում։ Իրավիճակից ելք է ոռոգման կաթիլային համակարգը։
ՀԱԱՀ ջրային ռեսուրսների կառավարման ամբիոնի վարիչ Գուրգեն Եղիազարյան․ «Երբ նայում ենք վերջին 30 տարիների կլիմայական ցուցանիշներին, ակնհայտ է մի բան․ հանրապետության գրեթե բոլոր գոտիներում ունենք մթնոլորտային տեղումների պակաս, գետային հոսքի նվազում, ջրամբարների թերլցվածություն։ Կաթիլային ոռոգման համակարգի ներդրումն այս իրավիճակում կարող է տեխնոլոգիական լուծում դառնալ»։
Ստեղծված իրավիճակում այլ ելք, ջրի կուտակումից բացի, չկա։ Վեդու ջրամբարն արդեն պատրաստ է, օրակարգում նաև 15 փոքր ու միջին ջրամբարների նախագծման աշխատանքներն են։
Մոլորակի բոլոր անկյուններում խնդիր է դարձել նաև կլիմայի փոփոխությունը, մասնավորապես ջերմաստիճանի բարձրացումը։ ԵՊՀ աշխարհագրության և երկրաբանության ֆակուլտետի ասպիրանտ Հայկուհի Ազիզյան․ «Օրինակ՝ Հայաստանում օդի միջին ջերամաստիճանը բարձրացել է 1,5-1,7 աստիճանով։ Կլիմայի փոփոխությունն արդեն իսկ իր ազդեցությունը թողել է»։
Երաշտը նույնպես կլիմայի փոփոխության հետևանք է։ Մասնագետները փաստում են, որ Հայաստանում խոցելի տարածքներ կան՝ Արարատյան դաշտ, Շիրակ, Սյունիքի հովիտներ։ Հորդառատ անձրևները, հեղեղումներն ու կարկուտը նույնպես կլիմայի փոփոխության հետևանք են և մարտահրավեր գյուղոլորտի համար։
Մադրիդի «Ատլետիկոյի» կիսապաշտպան Ջուլիանո Սիմեոնեն մեկնաբանել է Չեմպիոնների լիգայի քառորդ եզրափակիչի առաջին խաղում «Բարսելոնայի» նկատմամբ տարած հաղթանակը (2։0)։
«Բարսելոնայի» դեմ քիչ բան կարող է վճռորոշ հաջողություն բերել: Դա մեծագույն թիմ է։ Նրանք ֆանտաստիկ ֆուտբոլիստներ ունեն։ Այս արդյունքին հասնելու համար մենք հսկայական ջանքեր գործադրեցինք։ Պետք է շարունակել աշխատել՝ կենտրոնանալով մեր սեփական խաղի վրա, շարունակել կատարելագործվել։ Կարծում եմ՝ ամբողջ թիմով մենք ունակ ենք դրան։ Կարող ենք հասնել նրան, ինչին ցանկանում ենք։
Բոլորը տեսան, թե ինչպես մենք մոտեցանք խաղին։ Փորձում էինք խաղալ այնպես, ինչպես միշտ։ Երբեմն ստացվում է, երբեմն՝ ոչ։ Դա, իհարկե, կախված է նաև մրցակիցներից։ «Բարսելոնան» շատ լավն է և մեծ ինտենսիվությամբ է պրեսինգի դիմում։ Գոհ ենք կատարված աշխատանքից և այժմ կմտածենք Լա Լիգայում «Սևիլիայի» դեմ կայանալիք հանդիպման մասին»,- Սիմեոնեի խոսքն է մեջբերում ՈՒԵՖԱ-ի պաշտոնական կայքը։
Թիմերի միջև պատասխան հանդիպումը կկայանա մեկ շաբաթ անց՝ ապրիլի 14-ին, Մադրիդի «Մետրոպոլիտանո» մարզադաշտում։ Խաղի մեկնարկը նախատեսված է Երևանի ժամանակով 23։00-ին։
Վարչապետ Նիկոլ Փաշինյանն ընդունել է Ղազախստանի արտաքին գործերի նախարար Երմեկ Կոշերբաևի գլխավորած պատվիրակությանը։
Վարչապետը ողջունել է Ղազախստանի ԱԳ նախարարի այցը Հայաստան և ընդգծել երկու երկրների միջև գործընկերության ռազմավարական բնույթը։ Նիկոլ Փաշինյանի խոսքով՝ վերջին շրջանում տեղի ունեցող երկկողմ բարձր մակարդակի փոխայցելությունները նոր ազդակ են հաղորդում Հայաստան–Ղազախստան բազմակողմ համագործակցության զարգացմանը և նշել, որ դրա մասի է վկայում նաև երկկողմ հարաբերությունների հագեցած օրակարգը։
Միաժամանակ, երկրի ղեկավարը հավելել է՝ տարածաշրջանում տեղի ունեցող գործընթացները դրական ազդեցություն ունեն նաև Հայաստանի և Ղազախստանի միջև համագործակցության վրա, մասնավորապես, Ադրբեջանի, Ռուսաստանի և Վրաստանի միջոցով հաստատված երկաթուղային հաղորդակցությունը նոր ազդակ է հաղորդում առևտրատնտեսական կապերի ընդլայնմանը։
Երմեկ Կոշերբաևը նախ վարչապետին է փոխանցել Ղազախստանի նախագահ Կասիմ-Ժոմարտ Տոկաևի ջերմ ողջույնները և նշել, որ Հայաստանի գործընկերների հետ ունեցել են արդյունավետ քննարկումներ երկուստեք հետաքրքրություն ներկայացնող բոլոր հարցերի վերաբերյալ։ Ղազախստանի ԱԳ նախարարը համոզմունք է հայտնել, որ հաստատված երկաթուղային հաղորդակցությունը էապես ընդլայնելու է երկկողմ առևտրատնտեսական կապերը։ Միաժամանակ, Երմեկ Կոշերբաևը կարևորել է տարածաշրջանային հաղորդակցության ուղիների ապաշրջափակումը և ընդգծել Ղազախստանի աջակցությունը TRIPP և ՀՀ Կառավարության «Խաղաղության խաչմերուկ» նախագծերին։ Նա շեշտել է, որ Ղազախստանը ևս շահագրգիռ է վերոնշյալ նախագծերի իրականացմամբ և տարածաշրջանային առևտրատնտեսական կապերի ընդլայնմամբ։
Նիկոլ Փաշինյանը և Երմեկ Կոշերբաևը քննարկել են ենթակառուցվածքների, շինարարության, գյուղատնտեսության, տեխնոլոգիաների, ավիահաղորդակցության և զբոսաշրջության ոլորտներում համագործակցության զարգացմանը վերաբերող հարցեր։ Այդ առումով կարևորվել է Հայաստանի և Ղազախստանի միջև ուղիղ ավիաչվերթերի իրականացումը, որոնք կմեկնարկեն առաջիկայում։ Զրուցակիցները կարևորել են նաև հայաստանյան գործարարների պատվիրակության առաջիկայում նախատեսվող այցը Ղազախստան, ինչը ևս նոր ազդակ կհաղորդի տնտեսական համագործակցությանն ու բիզնես կապերի զարգացմանը։
Մայր Աթոռ Սուրբ Էջմիածինը խստորեն դատապարտել է «Քաղաքացիական պայմանագիր» կուսակցության նախընտրական ծրագրում Հայաստանյայց Առաքելական Սուրբ Եկեղեցու վերաբերյալ մերժելի դրույթների ընդգրկումը, նշված է Մայր Աթոռի այսօր տարածած հայտարարության մեջ։
Սուրբ Էջմիածինը պնդում է, որ դա «սահմանադրական կարգի, Եկեղեցու ինքնակառավարման իրավունքի, ինչպես նաև խղճի ու կրոնի ազատության միջազգային հիմնարար սկզբունքների բացահայտ ոտնահարում է»։
«Եկեղեցու դեմ ակնհայտ ապօրինի գործողությունները շարունակելու նախընտրական խոստումներով ևս մեկ անգամ դրսևորվում է իշխող քաղաքական ուժի գաղափարախոսության հակաեկեղեցական ողջ էությունը և նպատակը»,- ասված է հայտարարության մեջ։
Հայաստանյայց Առաքելական Սուրբ Եկեղեցու հազարամյա առաքելությունը, նրա սրբազան ավանդույթներն ու հոգևոր կյանքը չպետք է քաղաքական շահարկումների առարկա դառնան։ Ինչպես քանիցս Մայր Աթոռը հաստատել է, կաթողիկոսի ընտրությունը և եկեղեցական անդաստանում որևէ բարեկարգում բացառապես հոգևոր-կանոնական տիրույթում են, ուստի և դուրս են քաղաքական կուսակցությունների և պետական իշխանությունների իրավասություններից»,- շեշտում է Մայր Աթոռը։
Հունիսի 7-ին նախատեսված խորհրդարանական ընտրություններում «Քաղաքացիական պայմանագիր» կուսակցության նախընտրական ծրագրում նշված է, որ «արտաքին ուժերը» փորձ են անում «Հայաստանյայց Առաքելական Սուրբ Եկեղեցին դարձնել Հայաստանի Հանրապետության անկախության, ինքնիշխանության դեմ հիբրիդային պայքարի հենակետ»։
Իշխող կուսակցությունը պաշտպանում է Եկեղեցու բարենորոգման օրակարգը և հրապարակել է այդ ուղղության ճանապարհային քարտեզը՝ Կաթողիկոսի հեռացում, տեղապահի ընտրություն, Եկեղեցու կանոնադրության ընդունում, «սահմանված կարգով Ամենայն Հայոց Կաթողիկոսի ընտրություն»։
«Բարսելոնայի» նախկին ֆուտբոլիստ Թիերի Անրին համաձայն չէ Չեմպիոնների լիգայի քառորդ եզրափակիչի՝ Մադրիդի «Ատլետիկոյի» դեմ առաջին խաղում (0։2) կատալոնացիների պաշտպան Պաու Կուբարսիի հեռացման որոշման հետ։
«Կարմի՞ր քարտ Պաու Կուբարսիին։ Ոչ, ոչ, ոչ… Ինձ համար դա կարմիր քարտ չէ։ Կներեք։ Եվ այո, ես հասկանում եմ կանոնները, բայց պետք է գնահատել կոնկրետ իրավիճակը։ Գնդակն ամբողջությամբ վերահսկողության տակ չէր, անկյունն իդեալական չէր, դեպի դարպասը դեռ որոշակի տարածություն կար։ Վստա՞հ եք, որ նա գոլ կխփեր։ Անձամբ ես վստահ չեմ։
Ինձ համար Կուբարսիի արարքը դեղին քարտ էր, այլ ոչ թե կարմիր։ Հենց որ դուք հեռացնում եք նրան, փոխում եք ամբողջ խաղի ընթացքը։ Իսկ Չեմպիոնների լիգայում նման որոշում կայացնելու համար պետք է 100 տոկոսով վստահ լինել»,- Անրիի խոսքն է մեջբերում Barca Universal-ը։
armsport.am
Մադրիդի «Ատլետիկոյի» գլխավոր մարզիչ Դիեգո Սիմեոնեն խոսել է այն մասին, թե ինչը կօգնի իր թիմին «Բարսելոնայի» դեմ Չեմպիոնների լիգայի քառորդ եզրափակիչի պատասխան խաղում։
Նշենք, որ դիմակայության առաջին խաղում «կարմրասպիտակավուններն» արտագնա հանդիպումում 2:0 հաշվով վստահ հաղթանակ են տարել կատալոնական ակումբի նկատմամբ:
«Նրանք ճանաչում են ինձ: Մենք գիտենք, թե ում դեմ ենք խաղում: Պատրաստ ենք։ Նրանք նույնպես հասկանում են, թե ում հետ գործ ունեն։ Կփորձենք լավ խաղ ցուցադրել։ Հիմա առավել քան երբևէ մեզ պետք են մեր երկրպագուները. թող նրանք մեզ առաջ մղեն սպասվող այս ծանր հանդիպման ժամանակ»,- արգենտինացի մասնագետի խոսքերն է մեջբերում Marca-ն:
Թիմերի միջև պատասխան հանդիպումը կկայանա ապրիլի 14-ին՝ Մադրիդի «Ռիադ Էյր Մետրոպոլիտանո» մարզադաշտում։
Սամվել Կարապետյանի գործը ապրիլի 3-ին մեղադրական եզրակացությամբ ուղարկվել է Հակակոռուպցիոն դատարան։ Հակակոռուպցիոն դատարանից 1lurer.am-ին հայտնել են, որ գործը մակագրվել է դատավոր Վահե Դոլմազյանին:
Հիշեցնենք՝ Սամվել Կարապետյանը կալանավորվել էր հունիսի 18-ին: Գործարարի նկատմամբ քրեական վարույթ է հարուցվել ՀՀ քրեական օրենսգրքի 472-րդ հոդվածի 3-րդ մասի 1-ին կետով՝ իշխանությունը զավթելու հրապարակային կոչեր հնչեցնելու հատկանիշներով։
Քննչական կոմիտեի հաղորդագրության համաձայն՝ Կարապետյանը զանգվածային լրատվամիջոցի միջոցով հարցազրույցի ընթացքում հնչեցրել է կոչեր, որոնք ուղղված են եղել «իշխանությունը զավթելուն՝ ՀՀ Սահմանադրությամբ չնախատեսված եղանակով կառավարության լիազորություններին տիրանալուն»։
Այնուհետ Սամվել Կարապետյանի մեղադրանքը փոխվել է: Ավելացվել են Քրեական օրենսգրքի 296-րդ հոդվածի 3-րդ մասի 2-րդ և 3-րդ կետերը (իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով առանձնապես խոշոր չափերով փողերի լվացումը):
Դեկտեմբերի 30-ին Սամվել Կարապետյանի նկատմամբ խափանման միջոց է կիրառվել տնային կալանքը և գրավ:
Վերաքննիչ դատարանը հունվարի 16-ին վերացրել է դեկտեմբերի 30-ին առաջին ատյանի դատարանի՝ գործարար Սամվել Կարապետյանի տնային կալանքի մասին որոշումը:
Հակակոռուպցիոն դատարանից տեղեկացրել են, որ Սամվել Կարապետյանի նկատմամբ կիրառվել է կալանք՝ երկու ամիս ժամկետով։
Լրագրող Քրիստիան Ֆալկի փոխանցմամբ՝ Մադրիդի «Ռեալի» նախագահ Ֆլորենտինո Պերեսը մտադիր է գալիք ամռանը ձեռք բերել Մյունխենի «Բավարիայի» եզրային հարձակվող Մայքլ Օլիսեին։
«Սերուցքայինների» ղեկավարի այս որոշումն ավելի է ամրապնդվել Չեմպիոնների լիգայի քառորդ եզրափակիչում հենց «Ռեալի» դեմ խաղում (1:2) ֆրանսիացի վինգերի ցուցադրած տպավորիչ ելույթից հետո։
Աղբյուրի տեղեկություններով՝ մադրիդյան ակումբը պատրաստ է 160-165 մլն եվրո հատկացնել 24-ամյա ֆուտբոլիստի տրանսֆերի համար։ Այնուամենայնիվ, ընդգծվում է, որ գերմանական գրանդը հակված չէ բաժանվել Օլիսեից անգամ 200 մլն եվրոյի դիմաց։
Փոխարենը՝ «Բավարիան» մտադիր է հարձակվողին նոր պայմանագիր առաջարկել։
Ընթացիկ մրցաշրջանում Օլիսեն բոլոր մրցաշարերում անցկացրել է 41 հանդիպում՝ դառնալով 16 գոլի և 29 գոլային փոխանցման հեղինակ։
Խաղացողի գործող համաձայնագիրը մյունխենյան ակումբի հետ ուժի մեջ է մինչև 2029 թվականի ամառը։
Ըստ Transfermarkt պորտալի տվյալների՝ ֆրանսիացու տրանսֆերային արժեքը գնահատվում է 140 մլն եվրո։