Month: April 2026

Բրիտանական լեգենդար Deep Purple ռոք խումբն այցելել է Ճապոնիայի վարչապետ Սանաե Տակաիչիին՝ մեծ ուրախություն պարգևելով իրենց հայտնի վառ երկրպագուին․ գրում է Reuters գործակալությունը։

Նախկին թմբկահար Տակաիչին, որը հարդ ռոքի ու հևի մետալի երկրպագու է, Deep Purple-ին անվանել է իր սիրելի խմբերից մեկը։

«Դու իմ աստվածն ես», – անգլերեն ոգևորված ասել է Տակաիչին Deep Purple-ի թմբկահար Յան Փեյսին՝ նրան նվիրելով իր ստորագրությամբ Ճապոնիայում պատրաստված թմբկափայտերի հավաքածու։

«Հիմա, երբ կռվում եմ ամուսնուս հետ, նվագում եմ «Burn» երգի ներքո և անիծում նրան», – կատակել է Ճապոնիայի վարչապետը։

Ռոք խումբը շաբաթ օրը Տոկիոյի Նիպպոն Բուդոկան արենայում կսկսի իր 2026 թվականի ճապոնական շրջագայությունը։ Խումբը Ճապոնիայում առաջին անգամ ելույթ էր ունեցել ավելի քան 50 տարի առաջ։

Գործ ունենք հերթական մեծ խարդախության հետ․ Փաշինյանը փորձում է մի քանի վագոն բենզին բերելը, սահմանին չկրակելը ներկայացնել որպես խաղաղություն, բայց դա խաղաղություն չէ․ այսօր հրավիրած ասուլիսում ասաց  ՀԱԿ վարչապետի թեկնածու Լևոն Զուրաբյանը:

«Ստորագրված չէ խաղաղության պայմանագիրը, Ադրբեջանը հրաժարվում է ստորագրել, մեր գերիները շարունակում են տանջվել Բաքվի բանտերում»,- ասաց  ՀԱԿ վարչապետի թեկնածուն։

Հյուսիսային Ամերիկայի Մերձավոր Արևելքի ուսումնասիրությունների ասոցիացիան (MESA) նամակ է հղել Նիկոլ Փաշինյանին՝ պահանջելով Հայոց ցեղասպանության թանգարան-ինստիտուտի տնօրենի պաշտոնում անհապաղ վերականգնել Էդիտա Գզոյանին և երաշխավորել ինստիտուտի ակադեմիական անձեռնմխելիությունը։

«Մենք հասկանում ենք, որ Հայաստանը գտնվում է դժվարին և բարդ իրավիճակում, քանի որ ձգտում է վերջ դնել Ադրբեջանի հետ տարիներ տևած հակամարտությանը և հասնել հարաբերությունների կարգավորման: Սակայն պատմական հիշողության ջնջումը չի կարող կախված լինել կարճաժամկետ քաղաքական կարիքներից: ՀՑԹԻ-ի ստեղծման նպատակներից մեկը, առաջին հերթին, Հայոց ցեղասպանության ժխտման դեմ պայքարն էր: ՀՑԹԻ-ի նման կազմակերպությունների հետ կապված գիտնականների ակադեմիական ազատության պաշտպանությունը, որն Օսմանյան կայսրության հայերի պատմության և հիշողության ուսումնասիրությանը նվիրված աշխարհի առաջատար հետազոտական հաստատություններից մեկն է և կարևոր գիտական ռեսուրս է, կարևոր է: Մենք խնդրում ենք Ձեզ անհապաղ վերականգնել դոկտոր Գզոյանին իր պաշտոնում», – նշվել է հայտարարությունում:

Ասոցիացիան կոչ է անում Հայաստանի կառավարությանն արագ գործել՝ վերացնելու գիտական անկախությանն անհիմն միջամտությունը, և վերականգնելու միջազգային ակադեմիական հանրության վստահությունը ՀՑԹԻ ինստիտուցիոնալ ամբողջականության և Հայաստանի ակադեմիական ազատության ու մարդու հիմնարար իրավունքների նկատմամբ հանձնառության նկատմամբ: