Ալեն Սիմոնյանի ավտոշարասյունն այսօր ազդանշաններով ճանապարհ է պահանջել ArmLur. am-ի աշխատակցից, սակայն աշխատակիցը չի կարողացել ճանապարհ տալ, քանի որ երթևեկել է թունելով՝ միակողմանի ճանապարհով:
Իսկ երբ արդեն վերջինը ճանապարհ է տվել Սիմոնյանի ավտոշարասյանը, նրանց մեքենաներից մեկը վարել է լրատվամիջոցի աշխատակցի մեքենայի վրա՝ վտանգելով նրա կյանքը:
Այս մասին հայտնում են ArmLur. am-ից:
Տեսանյութը՝ այստեղ:
Ալեն Սիմոնյանի ավտոշարասյունն այսօր ազդանշաններով ճանապարհ է պահանջել ArmLur. am-ի աշխատակցից, սակայն աշխատակիցը չի կարողացել ճանապարհ տալ, քանի որ երթևեկել է թունելով՝ միակողմանի ճանապարհով:
Իսկ երբ արդեն վերջինը ճանապարհ է տվել Սիմոնյանի ավտոշարասյանը, նրանց մեքենաներից մեկը վարել է լրատվամիջոցի աշխատակցի մեքենայի վրա՝ վտանգելով նրա կյանքը:
Այս մասին հայտնում են ArmLur. am-ից:
Տեսանյութը՝ այստեղ:
«Գումարը շատ մեծ է, ամիսը համարյա 800․000 դրամ, 3 ամիսը եղավ ահագին գումար։ Այս պահին ես իրեն ո՛չ կարող եմ տուն բերել, ո՛չ կարող եմ մեր տուն տանել, որովհետև նա չի կարող ինքն իրեն վերահսկել»,- Oragir.News-ի հետ զրույցում ասաց Վանո Սիրադեղյանի դուստրը՝ Արփի Սիրադեղյանը՝ անդրադառնալով եղբոր՝ Դավիթ Սիրադեղյանի առողջական վիճակին։ Նշենք, որ Դավիթ Սիրադեղյանը այժմ գտնվում է վերականգնողական կենտրոնում՝ հեռու առօրյա կյանքից և նույնիսկ ընտանիքի անմիջական շփումից։
Նրա պատմությունը միավորում է երկու ծանր խնդիր՝ գլխուղեղի տրավմատիկ վնասվածք և ալկոհոլային կախվածություն։ Բժիշկների գնահատմամբ՝ այս գործոնների համադրությունը բուժման գործընթացը դարձնում է ավելի բարդ և երկարատև։
Հավելենք, որ Դավիթ Սիրադեղյանի մոտ ախտորոշված է հետտրավմատիկ էնցեֆալոպաթիա։
«Վնասվածքը, որը բնութագրվում է որպես գլխուղեղի լուրջ ախտահարում, պահանջում է առնվազն 6 ամսից մինչև մեկ տարի վերականգնման շրջան։ Սակայն կենտրոնում սահմանված հիմնական կուրսը երեք ամիս է, որի ընթացքում մասնագետները փորձում են ոչ միայն ֆիզիկական, այլև հոգեբանական և սոցիալական վերականգնում ապահովել։ Կենտրոնը մասնագիտացած է կախվածություն ունեցող անձանց հետ աշխատանքի մեջ։ Սահմանափակվում է արտաքին աշխարհի հետ շփումը, և ստեղծվում է վերահսկվող միջավայր, որտեղ նրանք սովորում են նոր առօրյա վարքագիծ»,- պատմեց Արփի Սիրադեղյանը։
Չնայած վերականգնողական կենտրոնում սահմանափակումներին՝ ընտանիքը երբեմն կարողանում է տեսակցել հիվանդին կամ ստանալ տեսանյութեր կենտրոնից։
Սակայն Դավիթի հետ շփումը դեռևս դժվար է․ խոսքը հաճախ աղավաղված է, մտքերի ձևակերպումը՝ բարդացած։
«Եթե տարիներ առաջ գտած լինեինք այդպիսի կենտրոն, հիմա ամեն ինչ նորմալ կլիներ, այսքան ուշացած չէր լինի»,- եզրափակեց Արփի Սիրադեղյանը։
Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։
Այս մասին հայտնում են Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից:
«Հայաստանում բոլոր սուբյեկտները, որոնք հանրային քաղաքական դաշտում գործում են, պետք է ունենան թափանցիկ ֆինանսավորում, առնվազն թափանցիկ, իսկ կուսակցությունները պետք է ֆինանսավորվեն միայն Հայաստանի քաղաքացիների կողմից»,- ասաց «Իրազեկ քաղաքացիների միավորման» համակարգող, «Անկախ դիտորդ» դաշինքի անդամ Դանիել Իոաննիսյանը՝ անդրադառնալով ընտրական գործընթացներում օտարերկրյա միջամտության կանխարգելմանը։
Նշենք, որ ավելի վաղ նա իր ֆեյսբուքյան էջում գրել էր, որ «Իրազեկ քաղաքացիների միավորումը» կազմել է Հայաստանի ընտրությունների ռուսաստանյան միջամտության գործիք հանդիսացող օգտահաշիվների ցանկը և տրամադրել ԱՄՆ Սենատի արտաքին հարաբերությունների հանձնաժողովին։
Oragir.News-ի հետ զրույցում Իոաննիսյանը մանրամասնեց, որ ԱՄՆ սենատի արտաքին հարաբերությունների հանձնաժողովից կապվել են հենց իրենց հետ, քանի որ իրենք են այդ ոլորտում մասնագիտացված կազմակերպությունը և ունեն անաչառ համբավ։
Նշեց նաև, որ օտարերկրյա միջամտության խնդիրը գլոբալ է, և նույնիսկ Շվեդիայի նման երկրներն են առնչվում դրան։
Իոաննիսյանը պատմեց, որ իրենց առաջարկել են նման ցանկ պատրաստել և փոխանցել, իրենք էլ պատրաստել և փոխանցել ենք։ Բացատրեց, որ եթե այդ օգտահաշիվները փակվեն, ռուսական միջամտությունը կնվազի, բայց խնդիրը լիարժեք չի չեզոքանա. «Հայաստանում առկա են թերի կարգավորումներ քաղաքական ֆինանսավորման հետ կապված, ինչի պատճառով մարդիկ շրջանցում են օրենքը և իրականացնում ֆինանսական գործունեություն, որի իրավունքը չունեն»։
Նա հավելեց, որ օրենսդրական բացերը թույլ են տալիս այնպես շրջանցել կարգավորումները, որ կամ օրինախախտումը չբացահայտվի, կամ ֆորմալ առումով այն օրինախախտում չհամարվի։
Այն հարցին, թե ինչո՞ւ ՀՀ իշխանությունները այդպիսի նախաձեռնությամբ հանդես չեն գալիս, Դանիել Իոաննիսյանը պատասխանեց. «Միգուցե մեզ հետ են կապվել, որովհետև մենք ենք դրա վրա մասնագիտացված կազմակերպություն… մեզ հետ են կապվել, որովհետև մեզ են ճանաչում… որովհետև մենք այս առումով անաչառ ենք»։
Հիշեցնենք, որ «Իրազեկ քաղաքացիների միավորում»-ը կազմել է Հայաստանի ընտրությունների ռուսաստանյան միջամտության գործիք հանդիսացող Facebook-յան և Youtube-յան օգտահաշիվների ցանկ և դրանք փոխանցել ԱՄՆ Սենատի Արտաքին հարաբերությունների հանձնաժողով։
Կազմված ցանկի հիման վրա սենատորներ Ջին Շահինը և Թոմ Թիլիսը նամակներ են հղել Meta-ի ղեկավար Մարկ Ցուկենբերգին ու Alphabet-ի (Google-ի) ղեկավար Սունդար Պիչային պահանջելով ձեռնարկել միջոցներ ռուսաստանյան միջամտությունից Հայաստանի ընտրությունները պաշտպանելու ուղղությամբ:
«Հայաստանում բոլոր սուբյեկտները, որոնք հանրային քաղաքական դաշտում գործում են, պետք է ունենան թափանցիկ ֆինանսավորում, առնվազն թափանցիկ, իսկ կուսակցությունները պետք է ֆինանսավորվեն միայն Հայաստանի քաղաքացիների կողմից»,- ասաց «Իրազեկ քաղաքացիների միավորման» համակարգող, «Անկախ դիտորդ» դաշինքի անդամ Դանիել Իոաննիսյանը՝ անդրադառնալով ընտրական գործընթացներում օտարերկրյա միջամտության կանխարգելմանը։
Նշենք, որ ավելի վաղ նա իր ֆեյսբուքյան էջում գրել էր, որ «Իրազեկ քաղաքացիների միավորումը» կազմել է Հայաստանի ընտրությունների ռուսաստանյան միջամտության գործիք հանդիսացող օգտահաշիվների ցանկը և տրամադրել ԱՄՆ Սենատի արտաքին հարաբերությունների հանձնաժողովին։
Oragir.News-ի հետ զրույցում Իոաննիսյանը մանրամասնեց, որ ԱՄՆ սենատի արտաքին հարաբերությունների հանձնաժողովից կապվել են հենց իրենց հետ, քանի որ իրենք են այդ ոլորտում մասնագիտացված կազմակերպությունը և ունեն անաչառ համբավ։
Նշեց նաև, որ օտարերկրյա միջամտության խնդիրը գլոբալ է, և նույնիսկ Շվեդիայի նման երկրներն են առնչվում դրան։
Իոաննիսյանը պատմեց, որ իրենց առաջարկել են նման ցանկ պատրաստել և փոխանցել, իրենք էլ պատրաստել և փոխանցել ենք։ Բացատրեց, որ եթե այդ օգտահաշիվները փակվեն, ռուսական միջամտությունը կնվազի, բայց խնդիրը լիարժեք չի չեզոքանա. «Հայաստանում առկա են թերի կարգավորումներ քաղաքական ֆինանսավորման հետ կապված, ինչի պատճառով մարդիկ շրջանցում են օրենքը և իրականացնում ֆինանսական գործունեություն, որի իրավունքը չունեն»։
Նա հավելեց, որ օրենսդրական բացերը թույլ են տալիս այնպես շրջանցել կարգավորումները, որ կամ օրինախախտումը չբացահայտվի, կամ ֆորմալ առումով այն օրինախախտում չհամարվի։
Այն հարցին, թե ինչո՞ւ ՀՀ իշխանությունները այդպիսի նախաձեռնությամբ հանդես չեն գալիս, Դանիել Իոաննիսյանը պատասխանեց. «Միգուցե մեզ հետ են կապվել, որովհետև մենք ենք դրա վրա մասնագիտացված կազմակերպություն… մեզ հետ են կապվել, որովհետև մեզ են ճանաչում… որովհետև մենք այս առումով անաչառ ենք»։
Հիշեցնենք, որ «Իրազեկ քաղաքացիների միավորում»-ը կազմել է Հայաստանի ընտրությունների ռուսաստանյան միջամտության գործիք հանդիսացող Facebook-յան և Youtube-յան օգտահաշիվների ցանկ և դրանք փոխանցել ԱՄՆ Սենատի Արտաքին հարաբերությունների հանձնաժողով։
Կազմված ցանկի հիման վրա սենատորներ Ջին Շահինը և Թոմ Թիլիսը նամակներ են հղել Meta-ի ղեկավար Մարկ Ցուկենբերգին ու Alphabet-ի (Google-ի) ղեկավար Սունդար Պիչային պահանջելով ձեռնարկել միջոցներ ռուսաստանյան միջամտությունից Հայաստանի ընտրությունները պաշտպանելու ուղղությամբ:
Այսօր առավոտից Նիկոլ Փաշինյանը Շիրակի մարզում էր. Փաշինյանն այցելել է վերանորոգված դպրոցներ, անձամբ ծանոթացել շինարարության որակին։ Նա եղել է Արթիկում, որտեղ այցելել է ջերմոց տնտեսություն։
Կառավարության ղեկավարը եղել է նաև Քեթիի նորակառույց դպրոցում, Ախուրյանում, Գյումրիում։ Նիկոլ Փաշինյանի այցի առթիվ քաղաքում երթևեկությունը լրջորեն խաթարվել էր։
Քաղաքի մի շարք փողոցներում նկատելի էին խցանումներ, ճանապարհների մասնակի կամ ամբողջական փակումներ, ինչի հետևանքով քաղաքացիները դժվարությամբ էին տեղաշարժվում։ Գյումրիում էլ Նիկոլ Փաշինյանը եղել է վերանորոգված թիվ 41 դպրոցում։
Փաշինյանի այցի ընթացքում ուժեղացված ծառայություն են իրականացրել իրավապահ մարմինների աշխատակիցները, որոնք վերահսկում էին երթևեկությունն ու անվտանգությունը։
Տեսանյութ։
Հայաստանում Եվրամիության նոր քաղաքացիական առաքելության տեղակայումը պայմանավորված է տարածաշրջանային և տեղեկատվական անվտանգության նոր մարտահրավերներով։
Այս մասին Oragir.News-ի հետ զրույցում ասաց քաղաքագետ Արմեն Վարդանյանը՝ անդրադառնալով ՀՀ ԱԳՆ-ի հայտարարությանը։
Նրա խոսքով՝ առաքելության հիմնական նպատակը չի կարող լինել քաղաքական որոշումների վրա ազդեցություն ունենալը։
«Քաղաքական որոշումների վրա ազդեցություն ունենալու համար պարտադիր չէ առաքելություն տեղակայել։ Այդ առումով նման նպատակ այստեղ չկա»,- նշեց Վարդանյանը։
Քաղաքագետը ընդգծեց, որ նախաձեռնությունը պետք է դիտարկել, այսպես կոչված, հիբրիդային սպառնալիքների համատեքստում, որոնք, նրա խոսքով, վերջին շրջանում ակտիվացել են։
«Հայաստանի նկատմամբ կա հիբրիդային հարձակում, որը դրսևորվում է կեղծ տեղեկատվության տարածմամբ, տարբեր քարոզչական մեխանիզմներով, ինչպես նաև կիբերհարձակումների և այլ գործողությունների միջոցով։ Այս ամենը միասին կարելի է բնութագրել որպես հիբրիդային պատերազմ»,- ասաց նա։
Վարդանյանի գնահատմամբ՝ հենց այս մարտահրավերներին դիմակայելու նպատակով է Հայաստանը դիմել Եվրամիությանը, ինչի արդյունքում էլ ձևավորվել է նոր առաքելության տեղակայման որոշումը։
Նրա խոսքով՝ առաքելությունը կարող է նպաստել ինստիտուցիոնալ կարողությունների զարգացմանը և տեղեկատվական միջավայրում դիմակայունության բարձրացմանը։
«Եվրամիությունը նման ոլորտներում բավական լուրջ փորձ ունի, հատկապես Մոլդովայի օրինակով, որտեղ կարողացել են որոշակի հաջողություններ գրանցել ապատեղեկատվության և արտաքին ազդեցությունների դեմ պայքարում»,- նշեց նա։
Քաղաքագետը հավելեց, որ նման փորձը կարող է կիրառվել նաև Հայաստանում՝ ուժեղացնելու պետական և հասարակական դիմադրողականությունը տեղեկատվական սպառնալիքների նկատմամբ։
Հիշեցնենք՝ ՀՀ ԱԳՆ-ի տեղեկացմամբ՝ Հայաստանում կտեղակայվի Եվրամիության նոր քաղաքացիական առաքելություն։ Ըստ ԱԳՆ-ի՝ այն նպատակ ունի աջակցել Հայաստանի ժողովրդավարական դիմակայունության ամրապնդմանը, ինչպես նաև պայքարին ապատեղեկատվության, կիբերհարձակումների և ապօրինի ֆինանսական հոսքերի դեմ։ Առաքելությունը նախատեսվում է տեղակայել նախնական երկու տարի ժամկետով և այն կնպաստի համապատասխան պետական ինստիտուտների կարողությունների զարգացմանը։
Հայկական Krisp ընկերությունը շարունակում է ամրապնդել իր դիրքը միջազգային տեխնոլոգիական դաշտում՝ այս անգամ արձանագրելով նշանակալի հաջողություն Webby Awards հեղինակավոր մրցանակաբաշխությունում։ Ընկերությունը հաղթող է ճանաչվել միանգամից երկու մրցանակում՝ «Տեխնիկական առաջընթաց» (Technical Achievement) կատեգորիայում՝ արժանանալով թե՛ ժյուրիի գլխավոր մրցանակին (Webby Winner), թե՛ հանրության քվեարկությամբ տրվող People’s Voice մրցանակին։
2026 թվականին Krisp-ը առաջադրված էր ընդհանուր երեք անվանակարգում՝ «Տեխնիկական ձեռքբերում», «Ծրագրավորողների գործիքներ և API-ներ» և «Արհեստական բանականության ձայնային և խոսակցական ինտերֆեյսի լավագույն կիրառություն», ինչը ինքնին վկայում է ընկերության տեխնոլոգիական լուծումների լայն կիրառելիության և մրցունակության մասին։
Krisp-ի համահիմնադիր և տնօրեն Արտավազդ Մինասյանն, անդրադառնալով հաղթանակին, նշել էր․
«Հայե՛ր ջան, Կրիսպը միանգամից երկու անվանակարգում հաղթեց The Webby Awards-ում՝ «Տեխնիկական առաջընթաց» կատեգորիայում՝ թե՛ “People’s Voice”, թե՛ անկախ մասնագետների կողմից տրվող մրցանակներով։ Շնորհակալություն բոլոր այն մարդկանց (իսկ նրանք շատ-շատ էին) աջակցելու համար։ Շնորհավորում եմ բոլորիս այս հաղթանակի կապակցությամբ»։
Նրա խոսքով՝ վերջին մեկ տարվա ընթացքում Krisp-ի տեխնոլոգիաները ինտեգրվել են արհեստական բանականությամբ աշխատող գրեթե բոլոր խոշոր ընկերությունների ձայնային պրոդուկտներում, ինչը փաստում է ընկերության աճող ազդեցությունը գլոբալ շուկայում։
Krisp-ի այս հաղթանակը ոչ միայն ընկերության ձեռքբերումն է, այլև կարևոր ազդակ է հայկական տեխնոլոգիական համայնքի համար՝ ցույց տալով, որ տեղական ընկերությունները կարող են մրցունակ լինել համաշխարհային ամենաբարձր հարթակներում։
Նշենք, որ Webby Awards-ը համարվում է ինտերնետի «Օսկարը»։ Այն հիմնադրվել է 1996 թվականին և ամեն տարի գնահատում է լավագույն թվային նախագծերը՝ կայքեր, հավելվածներ, թվային նորարարություններ, արհեստական բանականության լուծումներ և առցանց բովանդակություն։ Մրցանակաբաշխությունը կազմակերպվում է Միջազգային թվային արվեստների և գիտությունների ակադեմիայի (IADAS) կողմից, որի կազմում ընդգրկված են ոլորտի առաջատար մասնագետներ, տեխնոլոգիական ընկերությունների ներկայացուցիչներ և ստեղծագործական ինդուստրիայի առաջնորդներ։
Յուրաքանչյուր անվանակարգում տրվում են երկու հիմնական մրցանակներ՝ մեկը՝ ակադեմիայի ընտրությամբ (Webby Winner), և մյուսը՝ հանրության քվեարկությամբ (People’s Voice), ինչը հնարավորություն է տալիս գնահատել թե՛ մասնագիտական, թե՛ օգտատերերի կարծիքը։
Անի Կեսոյան
Փոխվարչապետ Մհեր Գրիգորյանն ընդունել է Հայաստանում ԵՄ պատվիրակության ղեկավար, դեսպան Վասիլիս Մարագոսին:
ԵՄ դեսպանի հետ կայացած հանդիպմանը փոխվարչապետը հույս է հայտնել, որ Եվրոպական քաղաքական համայնքի և ՀՀ-ԵՄ առաջիկա գագաթնաժողովները կարտացոլեն կողմերի մտադրությունը շարունակելու համագործակցային և փոխադարձ շահեկան գործընկերությունը, որը միտված կլինի Հայաստանի ինտեգրմանը եվրոպական տրասպորտային, էներգետիկ և թվայնացման ցանցերին՝ դրանով իսկ նպաստելով տարածաշրջանային խաղաղությանը և կայուն զարգացմանը։
Սույն թվականի մայիսին Երևանում անցկացվելիք բարձր մակարդակի միջոցառումներին ընդառաջ զրուցակիցներն անդրադարձել են ժողովրդավարական ու տնտեսական դիմակայունության ամրապնդման և փոխկապակցվածության օրակարգերին՝ կարևորելով ռազմավարական առաջնայնություն հանդիսացող ծրագրերում հայաստանյան և ԵՄ մասնավոր հատվածների համար ներդրումներ կատարելու հնարավորությունները։