julbaz.mediamonitoring.am

Նոյեմբերի 13-ին Լոռու մարզի Թումանյան համայնքում գտնվող գազալցակայանում պայթյուն է տեղի ունեցել, որի հետևանքով շինությունը մասամբ փլուզվել է։ 

Տուժածներ չկան։ ՆԳՆ ՓԾ հաղորդագրությունը՝ ստորև․ Նոյեմբերի 13-ին, ժամը 10։35-ին Լոռու մարզային օպերատիվ կառավարման կենտրոն ահազանգ է ստացվել, որ Թումանյան համայնքում գտնվող գազալցակայանում տեղի է ունեցել պայթյուն, տուժածներ չկան։ 

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից չորս մարտական հաշվարկ։

 Նախնական տվյալներով՝ պայթյունը տեղի է ունեցել ԱԳԼՃԿ-ի առանձնացված տարածքում գտնվող օդաճնշումային համակարգում, ինչի հետևանքով տեղի է ունեցել շինության մասնակի փլուզում։ Հրդեհը մարվել է տեղի ուժերով։ Տուժածներ չկան։ Դեպքի հանգամանքները պարզվում են։

Ուկրաինայի
նախագահ Վլադիմիր Զելենսկին հայտարարել է, որ ԱՄՆ-Ռուսաստան վերջին
բանակցությունները պատերազմի ավարտի հույս են ներշնչում: Նրա խոսքով՝
Եվրամիությունը կդառնա խաղաղության գործընթացի լիարժեք մասնակից, իսկ
բանակցությունների հաջորդ փուլը կարող է տեղի ունենալ ԱՄԷ-ում կամ Շվեյցարիայում:

 Մոսկվա կատարած այցից հետո Դոնալդ Թրամփի հատուկ
բանագնացներ Ջարեդ Քուշները և Սթիվ Ուիթքոֆը ժամանել են Դուբլին, որտեղ հանդիպել
են Զելենսկու հետ:

Ուկրաինայի
առաջնորդը անդրադառնալով ՌԴ-ԱՄՆ բանակցությունների արդյունքներին՝ մասնավորապես
ասել է. «Առաջին արդյունքը. մարդասիրական՝ տեղի կունենա գերիների ազատ արձակում, և
մենք ակնկալում ենք այս պատերազմի ամբողջ ընթացքում գերիների ամենամասշտաբային
փոխանակում։ Երկրորդ արդյունք. մենք ավելի ակտիվորեն ենք ներգրավում եվրոպացի
ներկայացուցիչներին դիվանագիտության ​​մեջ, որպեսզի նրանք հավասար պայմմաններով մասնակցեն բանակցություններին։ Ուկրաինան միշտ պաշտպանում է ամբողջ Եվրոպայի շահերը։ Երրորդ
արդյունք. մենք նախապատրաստում ենք ապագա բազմակողմ հանդիպումներ։
Դիվանագիտությունը հետագայում ևս ակտիվ կլինի»:

 

 

Երևանի քաղաքապետարանից հայտնում են, որ ամանորյա տոնական ձևավորման միջոցառումներով պայմանավորված՝ նոյեմբերի 13-ին՝ ժամը 23:00-ից մինչև նոյեմբերի 14-ը՝ ժամը 06։00-ը, ժամանակավորապես կդադարեցվի «Հաղթանակ» կամրջի և Աբովյան փողոցի երթևեկությունը:

ՆԳՆ-ից հիշեցնում են, որ նոյեմբերի 15-ից ձմեռային անվադողերով երթևեկելը պարտադիր պահանջ է։

«Մասնավորապես տրանսպորտային միջոցի շահագործումը կարգելվի, եթե․

• թեթև մարդատար ավտոմոբիլների և մինչև 3,5 տոննա թույլատրելի առավելագույն զանգված ունեցող բեռնատար ավտոմոբիլների վրա տեղադրված չեն ձմեռային անվադողեր,
• սառցակալած կամ ձյունածածկ ճանապարհային պայմաններում շահագործման համար նախատեսված ձմեռային անվադողերի նախշանկարի մնացորդային բարձրությունը նշված ճանապարհային պայմաններում երթևեկության ժամանակ 4 միլիմետր և դրանից պակաս է:

Նախատեսված պահանջների խախտման համար գործում են վարչական պատասխանատվության միջոցներ:

ՆԳՆ ոստիկանությունը հորդորում է պահպանել երթևեկության անվտանգության կանոնները, ձեռք բերել ձմեռային անվադողեր՝ թույլատրելի պահպանաշերտով, ցուցաբերել գիտակից ու օրինապահ վարքագիծ։

Ձմեռային անվադողերով երթևեկելու պարտադիր պահանջը գործում է մարտի 31-ը ներառյալ»,- ասվում է հաղորդագրության մեջ:

Շրջակա միջավայրի նախարար Համբարձում Մաթևոսյանը հանդիպել է Կայուն զարգացման միջազգային ինստիտուտի (IISD) նախագահ և գլխավոր գործադիր տնօրեն Պատրիսիա Ֆուլերի հետ։

Նախարարությունից հայտնում են, որ նախարարը շնորհակալություն է հայտնել Երևանում կայացած COP17-ին և հայկական նախագահության նախաձեռնություններին ցուցաբերած աջակցության համար՝ առանձնացնելով կենսաբազմազանությանը վնասող խթանների վերափոխման և դրական խթանների խրախուսման ուղղությամբ համատեղ աշխատանքը։

«Այս համագործակցության կարևոր արդյունքներից են «Կենսաբազմազանության համար դրական խթանների վերաբերյալ Երևանի կոչը», «18-րդ թիրախի բարեկամներ» նախաձեռնությունը և «Կենսաբազմազանության ֆինանսավորման Երևանի մարտահրավերը»։

Համբարձում Մաթևոսյանն անդրադարձել է նաև Earth Negotiations Bulletin-ի թիմի աշխատանքին՝ ընդգծելով, որ դրա ամենօրյա մասնագիտական լուսաբանումը կարևոր աջակցություն է եղել պատվիրակությունների և շահագրգիռ կողմերի համար՝ բանակցությունների ընթացքին և տարբեր դիրքորոշումներին հետևելու տեսանկյունից։

Հանդիպման ընթացքում քննարկվել են Երևանում մեկնարկած նախաձեռնությունները գործնական արդյունքների վերածելու, երկրների միջև փորձի փոխանակման, ինչպես նաև Հայաստանում կենսաբազմազանության ֆինանսավորման ուղղությամբ համագործակցության հնարավորությունները»,- ասվում է հաղորդագրության մեջ:

Ռուսաստանն ու Ուկրաինան պայմանավորվել են ընդլայնել հաջորդ բանակցային փուլի կազմը և այնտեղ ներառել Եվրոպայի ներկայացուցիչներին։

Այս մասին հայտարարել է ամերիկացի բանագնաց Ջարեդ Քուշները, հայտնում է ՏԱՍՍ-ը:

«Երկու կողմերն էլ այժմ համաձայնել են ընդլայնել բանակցությունների հաջորդ փուլը՝ այնտեղ ներառելով եվրոպացի գործընկերներին։ Դա մեզ թույլ կտա դիտարկել Եվրոպայում անվտանգության ոլորտի ավելի լայն հետպատերազմյան պայմանավորվածությունները՝ Ուկրաինայի և Ռուսաստանի միջև տարածքային տարաձայնությունների հետ մեկտեղ»,- գրել է նա։

Թիվ 2 տրոլեյբուսի վարորդի վրա հարձակում է տեղի ունեցել։

NEWS.am-ի թղթակիցը հայտնում է, որ «Հայրենիք» կինոթատրոնի խաչմերուկ չհասած «Chevrolet» մակնիշի մարդատար ավտոմեքենայի վարորդը այնպես է կանգնել, որ փակել է տրոլեյբուսի ճանապարհը։ Տրոլեյբուսի վարորդն ասել է՝ մի քիչ այն կողմ գնա, որ անցնեմ։ Սա դուր չի եկել մարդատարի վարորդին, որը ագրեսիվ տոնով ասել է, թե՝ «խի՞ ես մուննաթ գալիս»։

Երբ տրոլեյբուսի վարորդն արձագանքել է, թե մուննաթ չի գալիս, խնդրում է, որ ճանապարհ տա իրեն, «Chevrolet»-ի վարորդը սկսել է վիրավորանքներ հասցնել տրոլեյբուսի վարորդին։ Ավելին՝ նա իջել է մեքենայից, վազել տրոլեյբուսի ուղղությամբ, թքել վարորդի վրա և փորձել դուռը քաշքշելով բացել, որ հաշվեհարդար տեսնի։ Ուղևորները փորձել են հանգստացնել տրոլեյբուսի վարորդին՝ հորդորելով շարունակել վարել մեքենան։

Երկու մեքենաներն էլ, անցնելով խաչմերուկը, կանգնեցրել և իջել են մեքեննաներից վարորդները: Այդտեղ քաշքշոց է սկսվել երկու վարորդների և մի շարք այլ քաղաքացիների մասնակցությամբ։

Ուղևորների ակտիվ միջամտության արդյունքում տրոլեյբուսի վարորդը շարունակել է իր ընթացքը, սակայն նա տևական ժամանակ չի կարողացել հանգսատանալ և զսպել հուզմունքը։

 «Երևանի ավտոբուս»-ից տեղեկացնում են, որ առավոտյան ժամը 06:30-ի սահմաններում ցավալի դեպք է տեղի ունեցել։

Թիվ 22 երթուղին սպասարկող հանրային տրանսպորտի վարորդը հավաքակայանից վերջնակետ գնալու ճանապարհին մահացել է։ Ըստ ժամանած  Շտապօգնության ծառայության բժիշկների` վարորդը մահացել է, այնուհետև վթարի ենթարկվել։

Ցավակցում ենք մեր աշխատակցի ընտանիքին և հարազատներին։

ՇՄՆ Էկոպարեկային ծառայության պետ Վլադիմիր Կիրակոսյանն Արարատի մարզպետարանում աշխատանքային հանդիպում է ունեցել Արարատի մարզպետ Սեդրակ Թևոնյանի հետ։

Հանդիպման ընթացքում Վլադիմիր Կիրակոսյանը տեղեկացրել է, որ հայտարարվել են Էկոպարեկային ծառայության Արարատի և Վայոց ձորի մարզային վարչության համալրման նպատակով մրցույթները՝ ընդգծելով, որ վարչության ամբողջական համալրումն ու անհրաժեշտ տեխնիկական միջոցներով հագեցումը կարևորագույն նշանակություն կունենան մարզում բնապահպանական հսկողության արդյունավետության բարձրացման գործում։

Մարզպետ Սեդրակ Թևոնյանը կարևորել է Էկոպարեկային ծառայության մարզային վարչության գործունեությունը՝ առանձնահատուկ ընդգծելով մարզի տարածքում գտնվող «Խոսրովի անտառ» պետական արգելոցի պահպանության գործում ծառայության կարևոր դերակատարությունը։

Վլադիմիր Կիրակոսյանի խոսքով՝ մարզային վարչության ամբողջական համալրումն ու տեխնիկական վերազինումը հնարավորություն կտան առավել արդյունավետ իրականացնել անտառների և բնության հատուկ պահպանվող տարածքների պահպանությունը, ժամանակին բացահայտել և արձանագրել իրավախախտումները, ինչպես նաև զարգացնել հանրության հետ շարունակական համագործակցությունը՝ նպաստելով բնապահպանական իրազեկվածության և պատասխանատվության բարձրացմանը։

Հանդիպման ավարտին կողմերը վերահաստատել են համագործակցությունն ամրապնդելու և բնապահպանական խնդիրների լուծման ուղղությամբ համատեղ աշխատանքը շարունակելու պատրաստակամությունը։

ՀՀ վարչապետ Նիկոլ Փաշինյանի գլխավորած պատվիրակության կազմում Դուբլինում գտնվող ԱԽ քարտուղար Ալեն Սիմոնյանը շփումներ է ունեցել Ադրբեջանի նախագահի օգնական Հիքմեթ Հաջիեւի հետ։

Այս մասին հայտնում են ԱԽ քարտուղարի գրասենյակից։