Մնացել է ընդամենը 33 օր և Հայաստանը կհյուրընկալի Կենսաբազմազանության մասին ՄԱԿ-ի կոնվենցիայի կողմերի 17-րդ համաժողովը (CBD COP17)։ Կոնվենցիայի կողմ 196 երկրների պատվիրակություններ կհավաքվեն Երևանում հոկտեմբերի 19-30-ին` որոշելու Երկիր մոլորակի կենսաբազմազանության պահպանման և կայուն օգտագործման ուղիները։
COP17-ին ընդառաջ Հայաստանում անցկացվում են տարբեր հանդիպումներ, աշխատաժողովներ և քննարկումներ՝ համաժողովին մասնակցության հնարավորություններին և կենսաբազմազանության օրակարգին ծանոթացնելու նպատակով։ «Էկոլուր» տեղեկատվական ՀԿ-ն, «Ֆրիտյոֆ Նանսեն» ինստիտուտի հետ համագործակցությամբ կազմակերպեց աշխատաժողով՝ նվիրված COP17-ի նախաշեմին Հայաստանի քաղաքացիական հասարակության ներգրավվածությանը։
COP17-ի նախապատրաստական աշխատանքները «Էկոլուրը» շարունակել է նաև Հայաստանի համայնքներում։ Արմաշ, Դիլիջան, Սևան, Եղեգնաձոր և Ջերմուկ համայնքներ կատարած այցելությունների ընթացքում կազմակերպությունը հանդիպել է բնակիչների հետ՝ իրազեկել COP17-ի մասին, լսել նրանց առաջարկները։
Նոր տեսանյութում ներկայացվում են COP17-ին Հայաստանի նախապատրաստական գործընթացը, քաղաքացիական հասարակության ներգրավման հնարավորությունները և համայնքների ձայնը՝ որպես կենսաբազմազանության պահպանության վերաբերյալ քննարկումների կարևոր բաղադրիչ։
Հոդվածը պատրաստվել է «Աջակցություն Հայաստանի՝ Կենսաբանական բազմազանության մասին կոնվենցիայի կողմերի համաժողովի նախագահությանը և ներքին իրականացմանը» ծրագրի շրջանակներում։ Ծրագիրն իրականացվում է «Էկոլուր» տեղեկատվական ՀԿ-ի կողմից՝ «Ֆրիտյոֆ Նանսեն» ինստիտուտի հետ համագործակցությամբ Նորվեգիայի զարգացման համագործակցության գործակալության աջակցությամբ:
Ծրագրի շրջանակում արտահայտված տեսակետները պարտադիր չէ, որ արտահայտեն «Ֆրիտյոֆ Նանսեն» ինստիտուտի տեսակետները:
https://www.youtube.com/watch?v=kjQjCvfkzjI
Սեպտեմբեր 15, 2026 at 15:28
