Եվրապատգամավորներն ավելի հաճախ են բացակայում հանձնաժողովների նիստերից․ Politico

Եվրախորհրդարանի պատգամավորներն ավելի ու ավելի հազվադեպ են մասնակցում հանձնաժողովների նիստերին, ընդ որում՝ նրանց շրջանում նկատվում է նաև կարգապահության անկում։ Այս մասին գրում է Politico պարբերականը՝ վկայակոչելով Եվրախորհրդարանի հանձնաժողովների նախագահների համաժողովի ղեկավար Բերնդ Լանգեի նամակը։

«Ցածր հաճախելիությունը սպառնում է նվազեցնել քննարկումների նշանակությունն ու որակը և կարող է բացասաբար անդրադառնալ հանձնաժողովների նիստերին հրավիրված մասնակիցների հետ ընդհանուր փոխգործակցության վրա»,- ասված է Եվրախորհրդարանի նախագահ Ռոբերտա Մեցոլային ուղղված նամակում։ Եվրապատգամավորների նման պահվածքը կարող է հանգեցնել նրան, որ փորձագետներն ու Եվրահանձնաժողովի պաշտոնյաները պարզապես կդադարեն ելույթ ունենալ օրենսդիրների առջև։

Լանգեի խոսքով՝ նիստերին հաճախելիությունը աստիճանաբար նվազել է դեռևս COVID-19 համավարակի ժամանակներից։ Նա նաև նշել է, որ որոշ պատգամավորների վարքագիծը վատթարացել է և երբեմն «կարող էր հասնել գործողությունների, որոնք անհարիր են» օրենսդիր մարմնի արժանապատվությանը։

«Զվարթնոց»-ը գործում է բնականոն ռեժիմով

«Զվարթնոց» միջազգային օդանավակայանը գործում է բնականոն ռեժիմով։ Թռիչքներն աշխատանքում որևէ փոփոխություն չկա․ հայտնել է «Զվարթնոց» օդանավակայանի հանրային կապերի պատասխանատու Լուսինե Մողրովյան։

Ավելի վաղ ԶԼՄ-ներում տեղեկություններ էին տարածվել, որ ուժային կառույցների ներկայացուցիչները օդանավակայանում են, օդանավերից մեկում ռումբի մասին ահազանգ է ստացվել։

 

ՀԱՊԿ-ից աստիճանաբար հեռանալը բխում է Բոլթոնի «պատմական կաղապարներից» հրաժարվելու թեզից․ Շարմազանով

ՀՀԿ խոսնակ Էդուարդ Շարմազանովը գրում է․ «ՀԱՊԿ-ից աստիճանաբար հեռանալը բխում է Բոլթոնի «պատմական կաղապարներից» հրաժարվելու թեզից։

Հայաստանը զրկվեց ձայնի իրավունքից ՀԱՊԿ-ում։ Սա անսպասելի իրողություն չէր, քանի որ 2018-ից հետո ՀՀ կառավարիչների քայլերն ուղղված են եղել փոխելու մեր պետության արտաքին ու անվտանգային վեկտորը։

Լինելով ՀԱՊԿ ու ԵԱՏՄ անդամ՝ ՀՀ ղեկավարությունը հայտարարում է ԵՄ անդամակցության նպատակի մասին։ Սա ոչ այլ ինչ էր, քան քաղաքական ավանտյուրա։ ՀԱՊԿ-ի հետ հարաբերություններ խզելը եւս ավանտյուրա է։

ՀՀ-ն միայնակ, առանց որեւէ ռազմական բլոկի անդամության, անհնար է արդյունավետ անվտանգային համակարգ ունենա։

Ո՞րն է ՀԱՊԿ-ի այլընտրանքը։ Թուրքիա՞ն, որը Փաշինյանի խիսքերով «գալիս է տարածաշրջան ավարտին հասցնելու Հայոց ցեղասպանուլյունը», թե՞՝ ԵՄ-ն,որն ինքն անվտանգության ամուր համակարգ ունենալու կարիք ունի եւ անվտանգություն արտահանող կազմակերպություն էլ չէ։

Իհարկե, անկասկած է, որ ՀԱՊԿ-ում կային եւ կան խնդիրներ, բայց խնդիրները լուծում են պահանջում,ոչ թե սառեցում ու հեռացում ՀԱՊԿ-ից։

Հայաստանի շահը պահանջում է ապասառեցնել կարգավիճակը ՀԱՊԿ-ում, խորացնել հարաբերությունները ՌԴ-ի հետ եւ զարգացնել տնսեսական կապերը ԵԱՏՄ-ում»։

Պուտինը Կրեմլում ընդունել է Ուիթքոֆին և Քուշներին

Ռուսաստանի նախագահ Վլադիմիր Պուտինը Կրեմլում ընդունել է ԱՄՆ նախագահ Դոնալդ Թրամփի հատուկ դեսպանորդներ Սթիվ Ուիթքոֆին և Ջարեդ Քուշներին: Հանդիպումը տեղի է ունեցել Աբու Դաբիում ռուս-ամերիկա-ուկրաինական եռակողմ բանակցությունների վերջին փուլի ավարտից մեկ օր անց:

Ինչպես նշել է Քուշները, Մոսկվա կատարած այցից հետո ամերիկացի պատվիրակները մտադիր են այցելել Կիև։

Մինչև տարեվերջ կավարտվի 300 դպրոցի և 500 մանկապարտեզի շինարարությունը. 6,9 մլրդ դրամի լրացուցիչ հատկացում

ՀՀ Կառավարության այսօրվա նիստում որոշում է կայացվել վերաբաշխում կատարել 2026 թվականի պետական բյուջեում՝ ՀՀ կրթության, գիտության, մշակույթի և սպորտի նախարարությանը հատկացնելով 6,933,980.2 հազար դրամի չափով հավելյալ միջոցներ:

ԿԳՄՍՆ–ից NEWS.am–ին հայտնում են, որ ֆինանսավորումը կուղղվի 300 դպրոցի և 500 մանկապարտեզի կառուցման, վերակառուցման, նորոգման և գույքով ապահովման ծրագրի այս փուլի պատշաճ իրականացմանը, ինչպես նաև Երևանում 2027 թ.-ին սպորտային մարմնամարզության Եվրոպայի առաջնության անցկացմանը:

300 դպրոցի և 500 մանկապարտեզի կառուցման, վերակառուցման, նորոգման և գույքով ապահովման ծրագրի հիմնական վերջնաժամկետը 2026 թվականն է, ուստի աշխատանքներն այս տարի իրականացվում են լայնածավալ և ավելի շատ օբյեկտներում: Նորոգվող դպրոցների ցանկերը պարբերաբար համալրվում են, իրականացվում են նոր օբյեկտների շինարարական աշխատանքներ և գույքային հագեցում։

Ծրագրի շրջանակում ներկայում ավարտված են ավելի քան 220 դպրոցի և կրթահամալիրի, ինչպես նաև ավելի քան 380 մանկապարտեզի շինարարական աշխատանքները: Մինչև տարեվերջ նախատեսվում է ավարտին հասցնել ծրագրի 1-ին փուլը՝ ապահովելով 300 դպրոցի և 500 մանկապարտեզի շինարարական աշխատանքները, ինչի համար անհրաժեշտ էր 2026 թ.-ի պետական բյուջեով այս ծրագրին ուղղված միջոցներն ավելացնել շուրջ 15-20 մլրդ ՀՀ դրամով, որից 10.06 մլրդն արդեն հատկացվել է՝ ՀՀ կառավարության նոյեմբերի 5-ի N1618-Ն որոշմամբ:

Այսօրվա որոշմամբ հատկացվող գումարը նախատեսված է ծրագրի ավարտական փուլի ապահովմանը, ինչպես նաև Երևանում 2027 թվականի ապրիլի 27-ից մայիսի 2-ը սպորտային մարմնամարզության Եվրոպայի առաջնության անցկացման համար անհրաժեշտ գույքի ձեռքբերմանը։

Եթե Արսենը չդառնա կարմիր գիծ, հաջորդը Նարեկն է


Լսե՞լ եք մի բանի մասին, որ վերջ չունենա։ Նույնիսկ սարից գլորվող ամենահսկա քարն է մի կետում կանգ առնում։ Չկա՛ անվերջ գլորում, չկա՛ անվերջ իշխանություն, չկա՛ ա…

Արմեն Գրիգորյանը հոդվածներ գրելու փոխարեն պետք է իրավապահներին ցուցմունք տա. Մեսրոպ Առաքելյան

Արմեն Գրիգորյանը, որ շուրջ 8 տարի զբաղեցրել է Անվտանգության խորհրդի քարտուղարի պաշտոնը և եղել Փաշինյանի իշխանության առանցքային դեմքերից մեկը, վերջին հոդվածում քննադատել է Հայաստանի՝ Եվրամիությանն անդամակցելու օրակարգը՝ այն համարելով անիրատեսական և Ռուսաստանից կախվածության խորացման վտանգ պարունակող։

«Ապրելու երկիր» կուսակցության համահիմնադիր Մեսրոպ Առաքելյանը պնդում է՝ նախկին պաշտոնյան ոչ միայն մասնակցել է Հայաստանի արտաքին քաղաքականության ձևավորմանը, այլև եղել է դրա գլխավոր գաղափարախոսներից մեկը։

«Այնպիսի տպավորություն է, որ այս տարիների ընթացքում արտաքին քաղաքականության հետ, որպես Անվտանգության խորհրդի քարտուղար, ինքը որևէ կապ չի ունեցել։ Ես վստահ եմ, որ Արմեն Գրիգորյանը ոչ միայն այս խայտառակ արտաքին քաղաքականության մասնակիցն է, այլ նաև գլխավոր գաղափարախոսը»,- ABC Media-ի հետ զրույցում ասաց Առաքելյանը։

Նրա գնահատմամբ՝ այդ քաղաքականությունը հանգեցրել է Արցախի կորստին և Հայաստանի անվտանգային համակարգի փլուզմանը։ Առաքելյանը կարծում է, որ Գրիգորյանը պետք է ոչ թե հոդվածներ հրապարակի, այլ իրավապահներին ցուցմունք տա իր պաշտոնավարման տարիներին ընդունված որոշումների և դրանց հետևանքների մասին։

Անդրադառնալով Քրեական օրենսգրքի 418-րդ հոդվածին՝ պետական դավաճանության վերաբերյալ իր գրառմանը՝ Առաքելյանը նշեց, որ վերջնական գնահատականը պետք է տան իրավապահները։ Միաժամանակ նա չի բացառել, որ նախկին պաշտոնյաների գործողություններում կարող են լինել հանցագործության հատկանիշներ։

«Կա՛մ պետք է այդ պետական պաշտոնյաները լինեին անմեղսունակ, որ նման քաղաքականության հետևանքով ունենք այն, ինչ ունենք, կա՛մ միտումնավոր գործունեություն է իրականացվել։ Առաջինին մի քիչ թերահավատ եմ»,- նշեց նա։

Առաքելյանի խոսքով՝ որպես ԱԽ քարտուղար՝ Գրիգորյանը պետք է պարզաբանի՝ արդյոք տեղյա՞կ է եղել այն ռիսկերին, որոնք հանգեցրել են Հայաստանի և Արցախի համար ծանր հետևանքների, և արդյոք դրանց մասին տեղեկացրե՞լ է վարչապետին ու մյուս պատասխանատու պաշտոնյաներին։

Խոսելով Արցախի կորստի մասին՝ Առաքելյանը նշեց, որ 2020 թվականի պատերազմից հետո ստեղծված իրավիճակի պահպանման պատասխանատվությունը Հայաստանի իշխանություններինն էր, իսկ Գրիգորյանի դերն առանցքային էր։

«Այդ ստատուս քվոյի խախտման համար կարող ենք մեղադրել Ռուսաստանին, Ադրբեջանին և հնարավոր այլ երկրների, սակայն դրա պահպանման պատասխանատվությունը Հայաստանի իշխանություններինն էր, որտեղ Արմեն Գրիգորյանի դերը և գործառույթն առանցքային էր»,- ասաց նա։

Առաքելյանի գնահատմամբ՝ Հայաստանի իշխանությունները հույսեր էին կապել արևմտյան աջակցության հետ, սակայն Լաչինի միջանցքի շրջափակման և Արցախի հայաթափման ընթացքում գործնական քայլեր չեղան։

Նա նաև նկատեց, որ Գրիգորյանի վերջին հոդվածը փաստացի արձանագրում է Փաշինյանի իշխանության արտաքին քաղաքականության ձախողումը։ Ըստ Առաքելյանի՝ Հայաստանը, կորցնելով Արցախը, այժմ աստիճանաբար վերադառնում է Ռուսաստանի հետ հարաբերությունների խորացման օրակարգին։

Առաքելյանի մեղադրանքները քաղաքական գնահատականներ են․ Գրիգորյանի կոնկրետ գործողությունների և դրանց հնարավոր իրավական հետևանքների վերաբերյալ գնահատական կարող են տալ միայն իրավասու մարմինները՝ փաստերի ուսումնասիրությունից հետո։

 

 

Նանե Հայրապետյան

 

 

ՔԿՀ-ում մարդ է մահանում, զինվորները ողջ-ողջ այրվում են, դուք կապ չունեք, բա ինչի՞ հետ կապ ունեք․ Քրիստինե Վարդանյան

ԱԺ «Հայաստան» խմբակցության պատգամավոր Քրիստինե Վարդանյանը գրել է. «Քրեակատարողական հիմնարկում մարդ է մահանում՝ մենք կապ չունենք,

Բանակում ոչ մարտական զոհերի թիվն աճում է՝ մենք կապ չունենք,

Ճանապարհատրանսպորտային պատահարների հետևանքով մահերի թիվն աճում է՝ մենք կապ չունենք,

Կացարանում զինվորները ողջ-ողջ այրվում են՝ մենք կապ չունենք,

Քաղաքի կենտրոնում պայթյուն է տեղի ունենում՝ զոհերով՝ մենք կապ չունենք,

Շարասյունը հղի կին է սպանում՝ մենք կապ չունենք,

Երևանում ճգնաժամ է՝ մենք կապ չունենք,

Ադրբեջանցի զինվորը հասնում է խորքային բնակավայր՝ մենք կապ չունենք,

Արցախում էթնիկ զտում է իրականանում՝ մենք կապ չունենք։

Բա դուք ինչի՞ հետ կապ ունեք»։

Թվային արժույթների փոխարժեքները նոյեմբերի 12-ի դրությամբ

  • Bitcoin (BTC) — $73 534
  • Ethereum (ETH) — $2 044
  • Binance Coin (BNB) — $674

Ըստ կապիտալիզացիայի՝ 100 լավագույն կրիպտոարժույթների շարքում վերջին 24 ժամվա ընթացքում ամենամեծ աճը ցույց է տվել Midnight (NIGHT) ՝ +7%։

Լավագույն 100-ի մեջ վերջին 24 ժամվա ընթացքում ամենամեծ անկումը ցույց է տվել Pepe (PEPE) −15%։

Նշում․ տվյալները ներկայացված են նոյեմբերի 12-ի շուկայի ցուցանիշներով։ Գները կարող են փոփոխվել օրվա ընթացքում։