Մենք անցած շաբաթ ներկայացրել էինք, որ Հրազդանի թիվ 10 ավագ դպրոցում հեռացրել են հերոսների փառքի անկյունը: Մենք այցելել էինք դպրոց, մեր աչքով տեսել եւ նկարել…
Գործակարգավարական խորհրդակցություն ԿԳՄՍՆ ոլորտային աշխատանքների վերաբերյալ
ՀՀ կրթության, գիտության, մշակույթի և սպորտի նախարարությունում այսօր տեղի է ունեցել հերթական գործակարգավարական խորհրդակցությունը, որը վարել է նախարար Ժաննա Անդրեասյանը։ Խորհրդակցությունն անցկացվել է նախարարի տեղակալների, գլխավոր քարտուղարի, գլխավոր քարտուղարի տեղակալի, նախարարի խորհրդականների, նախարարության ենթակա մարմինների ղեկավարների, հիմնական և աջակցող մասնագիտական կառուցվածքային ստորաբաժանումների ղեկավարների մասնակցությամբ։ Օրակարգում ընդգրկվել են ԿԳՄՍ նախարարության ոլորտային ընթացիկ աշխատանքներին և առաջիկա ծրագրերին վերաբերող մի շարք հարցեր։
Մասնավորապես՝ քննարկվել են Ուսուցչի օրվան ընդառաջ նախատեսվող ուսուցչական համաժողովի կազմակերպչական աշխատանքները, ուսումնական հաստատություններին տրամադրված ChatGPT Edu գործիքի արդյունավետ կիրառման հարցը, Երևանում անցկացվելիք ՄԱԿ-ի «Կենսաբանական բազմազանության մասին» կոնվենցիայի Կողմերի 17-րդ համաժողովի շրջանակում ԿԳՄՍ նախարարության անելիքները, ինչպես նաև մինչև տարեվերջ նախատեսվող 2026 թվականի բյուջեում անհրաժեշտ վերաբաշխումների կատարման և նախարարության 2027 թվականի բյուջետային հայտի նախագծման ընթացքը։ Անդրադարձ է կատարվել նաև գերատեսչության տարբեր ոլորտներում իրականացվող ընթացիկ աշխատանքներին և առաջիկա անելիքներին։
Ամփոփելով քննարկումը՝ նախարար Ժաննա Անդրեասյանը պատասխանատու ստորաբաժանումների և կառույցների ղեկավարներին տվել է համապատասխան հանձնարարականներ՝ շեշտադրելով նախատեսվող միջոցառումների պատշաճ կազմակերպման, սահմանված ժամկետների պահպանման և ընթացիկ աշխատանքների արդյունավետ իրականացման անհրաժեշտությունը։
Ընտրությունների ընթացքում խախտումները լայնածավալ են եղել և ազդեցություն են ունեցել ընտրողների կամքի վրա. Գոհար Մելոյան
«Ուժեղ Հայաստան»-ը բողոքարկել է հունիսի 7-ի ընտրությունների արդյունքները՝ հաշվի առնելով արձանագրված խախտումների ծավալը․ այսօր կուսակցության ներկայացուցիչների հրավիրած ասուլիսի ընթացքում ասաց սահմանադրագետ, կուսակցության անդամ Գոհար Մելոյանը՝ անդրադառնալով ընտրությունների ընթացքում արձանագրված խախտումների և վարչական ռեսուրսի կիրառման վերաբերյալ ԵԽԽՎ զեկույցում տեղ գտած գնահատականներին։
«Ասեմ ավելին՝ արձանագրվել է նաև այն հանգամանքը, որ «Ուժեղ Հայաստան»-ը բողոքարկել է ընտրության արդյունքները և առաջարկել է չընդունել դրանք՝ հաշվի առնելով խախտումների ծավալը։ Այդ մասին արձանագրել են թե՛ Կենտրոնական ընտրական հանձնաժողովը, թե՛ Սահմանադրական դատարանը»,-ասաց Մելոյանը։
Նա նշեց, որ իրենց գնահատմամբ՝ ընտրական գործընթացի լեգիտիմության հետ կապված խնդիրների մասին իրենք հայտարարել են ի սկզբանե, և դրանց դեմ պայքարել են իրավական գործիքներով։
«Մենք ի սկզբանե ասել ենք, որ խնդիր կա գործընթացի լեգիտիմության հետ, և բոլոր հնարավոր իրավական գործիքակազմերով պայքարել ենք դրա դեմ՝ պնդմամբ, որ խախտումները լայնածավալ են», – նշեց սահմանադրագետը։
Մելոյանը խոսեց նաև ընտրական գործընթացում հնարավոր թիրախավորված գործողությունների մասին։ Նրա խոսքով՝ զեկույցում նշվում է, որ թիրախավորված է եղել ընդդիմությունը։ Նա նաև հայտնեց, որ որպես «Ուժեղ Հայաստան»-ի ներկայացուցիչը Սահմանադրական դատարանում՝ առաջարկել է դիմել Հակակոռուպցիոն կոմիտե և պարզել, թե ընտրություններին մասնակցած քաղաքական ուժերից յուրաքանչյուրի նկատմամբ քանի՞ օպերատիվ-հետախուզական միջոցառում է իրականացվել։ Մելոյանի խոսքով՝ այդ միջնորդությունը մերժվել է։
Անդրադառնալով վարչական ռեսուրսի հնարավոր չարաշահմանը՝ սահմանադրագետը նշեց առողջության համընդհանուր ապահովագրության համակարգի ներդրման և թոշակների բարձրացման օրինակները։
«Մենք շատ ուրախ ենք, կողմ ենք նման բարեփոխումներին, որոնք մեր քաղաքացիների կյանքի վրա լավ ազդեցություն են ունենում, բայց այդ փոփոխությունները կարելի է ոչ թե ընտրությունների նախաշեմին իրականացնել, այլ այս քաղաքական ուժը շուրջ 8 տարի ուներ նման փոփոխությունների համար», – ասաց նա։
Մելոյանի գնահատմամբ՝ ընտրությունների նախաշեմին սոցիալական վճարների փոփոխությունները կարող են ազդեցություն ունենալ ընտրողների կամքի վրա։
Նա անդրադարձավ նաև Հանրային հեռուստաընկերության լուսաբանմանը՝ պնդելով, որ զեկույցում արձանագրվել են ընդդիմության ոչ համաչափ լուսաբանման և թիրախավորման դեպքեր։
Բեռլինում տղամարդուն վիրավորել են ոստիկանական բաժանմունքի մոտ. հարձակումը կապում են թուրքական խմբավորումների հետ
Բեռլինի կենտրոնական Մոաբիթ շրջանում 22-ամյա տղամարդը հրազենային վիրավորում է ստացել ոտքին՝ ուղիղ ոստիկանական բաժանմունքի դիմաց։ Նախնական վարկածով՝ միջադեպն, ըստ ամենայնի, կապված…
Մարգարիտա Սիմոնյանը վիրահատվել է՝ ճառագայթային թերապիայի կողմնակի ազդեցությունները վերացնելու համար
«Ռոսիա սեգոդնյա» միջազգային մեդիախմբի և RT հեռուստաալիքի գլխավոր խմբագիր Մարգարիտա Սիմոնյանը հայտնել է, որ վիրահատության է ենթարկվել։ Իր Telegram-ալիքում նա հիվանդանոցից լուսանկար է հրապարակել և խնդրել աղոթել իր համար։
«Երեկ ուշ երեկոյան ավարտվեց իմ վիրահատությունը, փառք Աստծո։ Շնորհակալություն բոլորին, ովքեր աղոթել են։ Ես դեռ հիվանդանոցում եմ, մի փոքր էլ աղոթեք», – դիմել է նա հետևորդներին:
Լրագրողն ավելացրել է, որ իրեն վիրահատել են ճառագայթային թերապիայի կողմնակի ազդեցությունները վերացնելու համար։
Սեպտեմբերի 9-ին Սիմոնյանը հայտարարել էր, որ գտնվում է ռեմիսիայի մեջ։ Նրա խոսքով՝ վերջին հետազոտության ժամանակ իր մոտ չեն հայտնաբերել նոր չարորակ գոյացությունների նշաններ։ Ընդ որում, ինչպես ընդգծել է լրագրողը, դա դեռ չի նշանակում հիվանդության նկատմամբ հաղթանակ։
Այն մասին, որ Սիմոնյանի մոտ քաղցկեղ են հայտնաբերել, հայտնի էր դարձել 2022 թվականի սեպտեմբերին։ Լրագրողին վիրահատություն են կատարել, որի ընթացքում հեռացրել են կրծքագեղձը։ Նա նաև անցել է քիմիաթերապիա, ճառագայթային թերապիա և հորմոնալ թերապիա։
Գդալը ուտելու վարքի փոքր «դիզայներ»
Գդալի ձևը կարող է ազդել՝ որքան ես ուտում — ու սա պարզապես «գեղեցիկ գդալի» պատմություն չէ։
2026-ի նոր հետազոտությունը ցույց է տվել, որ նույնիսկ գդալի բռնակի երկարությունը, երբ գդալի աշխատանքային մասը նույն չափի է մնում, կարող է փոխել մարդու ընկալումը՝ որքան արագ ու հեշտ է ուտելը։ Հետազոտությունը ներառել է 7 հիմնական և 3 լրացուցիչ փորձ՝ ընդհանուր 2,506 մասնակցով։
Իսկ ո՞նց է դա աշխատում
Գաղափարը մոտավորապես սա է. գդալի դիզայն → ուտելու շարժման ընկալում → սպասվող արագություն → հնարավոր քանակ։
Երկար բռնակով գդալը որոշ իրավիճակներում մարդկանց մոտ ստեղծել է ավելի դանդաղ ուտելու և ավելի քիչ քանակ սպառելու սպասում։ Էֆեկտը հատկապես նկատելի էր, երբ մարդը ժամանակի ճնշման տակ էր, և որոշ դեպքերում՝ առողջ սննդի դեպքում։ Հետազոտողները նաև մեկ լաբորատոր փորձով ուսումնասիրել են ոչ միայն մարդկանց սպասումները, այլև իրական սպառումը։
Բայց գդալի չափը նույնպես կարևոր է
Սա նոր գաղափար չէ. ավելի վաղ վերահսկվող փորձերում փոքր և մեծ գդալները համեմատելիս մեծ գդալով մարդիկ վերցրել են ավելի մեծ պատառներ և ավելի արագ են կերել։ Մի փորձի տվյալներով՝ միջին պատառը մոտ 10.5 գ-ից հասել է 13.7 գ-ի, իսկ ուտելու արագությունը՝ մոտ 92 գ/րոպե-ից 108 գ/րոպե մեծ գդալ օգտագործելիս։
Այսինքն՝ գդալի բռնակը, գլխիկի չափը, խորությունը և ընդհանուր ձևը կարող են դառնալ ուտելու փորձի փոքր, բայց իրական «դիզայներական ազդանշաններ»։
Ամենահետաքրքիր մասը
Գիտնականները սա դիտարկում են որպես ավելի լայն գաղափարի մաս՝ ուտելու միջավայրը կարող է ազդել մեր վարքի վրա։ Այսինքն՝ ոչ միայն ինչ ենք ուտում, այլև ինչ ափսեով, ինչ գդալով և ինչ ձևով ենք ուտում, կարող է փոխել մեր ընկալումն ու որոշ դեպքերում՝ վարքը։
Բայց սա չի նշանակում, որ «երկար բռնակով գդալ = հաստատ քիչ կուտես»։ Էֆեկտը կախված է իրավիճակից, սննդից և կոնկրետ դիզայնից, ու հետազոտությունը չի տալիս ունիվերսալ «ճիշտ գդալի» կանոն։
Կարճ ասած՝ գդալը կարող է լինել ոչ միայն ուտելու գործիք, այլ նաև ուտելու վարքի փոքր «դիզայներ»։
Գիտական աղբյուր՝ Wiley / Psychology & Marketing-ի։
Ճանապարհատրանսպորտային պատահարների թիվն աճել է. Ի՞նչ պատկեր է հունվար-հուլիսին. ԻՆՖՈԳՐԱՖԻԿԱ
2026 թ․ հունվար–հուլիսին Հայաստանում գրանցվել է 2,642 ՃՏՊ, ինչը 5.7%-ով ավելի է, քան 2025 թ․ նույն ժամանակահատվածում։
Պատահարների աճին զուգահեռ ավելացել են նաև դրանց հետևանքով տուժածների թվերը։ Յոթ ամսում ճանապարհատրանսպորտային պատահարների հետևանքով զոհվել է 145 մարդ, ինչը նախորդ տարվա նույն ժամանակահատվածի համեմատ 2.8%-ով ավելի է, իսկ վիրավորների թիվը հասել է 3,819-ի՝ աճելով 4.2%-ով։
Պարզ ներդրումային հնարավորություն Ամիօ բանկից՝ 9.5% եկամտաբերությամբ
Հուլիսի տվյալներն ավելի ընդգծված վատթարացում են ցույց տալիս․
Միայն մեկ ամսում գրանցվել է 483 ՃՏՊ, ինչը 2025 թ․ հուլիսի համեմատ 12.9%-ով ավելի է։ Նույն ժամանակահատվածում մահացել է 29 մարդ. տարեկան կտրվածքով աճը կազմել է 26.1%, իսկ վիրավորվել է 686 մարդ, ինչը 10.1%-ով գերազանցում է նախորդ տարվա հուլիսի ցուցանիշը։
Հունիսի համեմատ պատահարների թիվը նույնպես աճել է 10.5%-ով, իսկ վիրավորներինը՝ 9.6%-ով։ Միաժամանակ զոհերի թիվը հունիսի նկատմամբ նվազել է 6.5%-ով։
- Այս վիճակագրությունը փաստում է, որ 2026 թվականին ճանապարհային անվտանգության խնդիրը շարունակում է մնալ մտահոգիչ․ պատահարների աճն ուղեկցվում է ոչ միայն վիրավորների, այլ նաև զոհերի թվի ավելացմամբ։
Անգամ Եվրոպան չի ուզում Նիկոլ Փաշինյանին ու ՔՊ–ին պաշտպանել. «Ուժեղ Հայաստանը»՝ ԵԽՎՎ զեկույցի մասին
Հայաստանը չպետք է հակադրությունների հարթակ լինի, պիտի համագործակցության հարթակ լինի։ Այս մասին այսօր հրավիրված մամուլի ասուլիսում հայտարարել է «Ուժեղ Հայաստան» խմբակցության…
«Չաղ Ռուստամի» մարդիկ ճռռիկներ են անում դատարանի դիմաց
«Չաղ Ռուստամի» մարդիկ ճռռիկներ են անում դատարանի դիմաց
Ռուսաստանը 20 մլն դոլարի պարգև է նշանակել Ուկրաինայի ԶՈՒ անօդաչու համակարգերի հրամանատար «Մադյարին» բռնելու համար. WSJ
Ռուսաստանի իշխանությունները, հետխորհրդային տարածքում գործող հանցավոր ցանցերի միջոցով, 20 միլիոն դոլարի պարգևավճար են առաջարկել տեղեկատվության համար, որը կօգնի հայտնաբերելու Ուկրաինայի ԶՈՒ անօդաչու համակարգերի ուժերի հրամանատար Ռոբերտ «Մադյար» Բրովդիին: Այս մասին The Wall Street Journal-ին հայտնել են ստորաբաժանման ներկայացուցիչները:
Բրովդին պարբերականին պատմել է, որ անօդաչու զորքերին բաժին է ընկնում վերջին մեկ տարվա ընթացքում ռազմաճակատում ռուսական բոլոր կորուստների մոտ մեկ երրորդը: Նրա խոսքով՝ պատերազմի սկզբից ի վեր իր ստորաբաժանումները կորցրել են 79 մարտիկ, իսկ յուրաքանչյուր զոհվածի դիմաց վիրավորել կամ սպանել են 656 ռուս զինվորականի:
Ռոբերտ Բրովդին ծագումով հունգարացի է`Ուժգորոդի բնակիչ։ Պատերազմից առաջ նա զբաղվել է հացահատիկի բիզնեսով, իսկ ռուսական բանակի ներխուժումից հետո կամավոր գնացել է պատերազմ։ 2022 թվականի մայիսին Բրովդին ստեղծել է «Մադյարի թռչուններ» օդային հետախուզության ստորաբաժանումը, որը ժամանակի ընթացքում վերաճել է 414-րդ առանձին անօդաչու համակարգերի բրիգադի։ 2025 թվականին Բրովդին գլխավորել է անօդաչու համակարգերի ուժերը։
Ռուսաստանում Մադյարին հեռակա կարգով դատապարտել են ցմահ ազատազրկման։ Նրան մեղադրանք է առաջադրվել 46 հանցագործության համար, այդ թվում՝ «ահաբեկչական հարձակումների, որոնք հանգեցրել են քաղաքացիական անձանց մահվան և զգալի գույքային վնասի»։