julbaz.mediamonitoring.am

Այսօր՝ հոկտեմբերի 16-ին, Հայաստանում նշվում է Հայ մամուլի օրը՝ հայ լրագրության պատմությունը, խոսքի ազատությունն ու լրագրողների մասնագիտական առաքելությունը կարևորող օրը։

Ինչպե՞ս է սկսվել հայ մամուլի պատմությունը

Հայ մամուլի պատմության կարևորագույն էջերից մեկը գրվել է 1794 թվականի հոկտեմբերի 16-ին, երբ Հնդկաստանի Մադրաս քաղաքում լույս է տեսել հայերեն առաջին պարբերականը՝ «Ազդարար» ամսագիրը։
Հիմնադիր և խմբագիր՝ Հարություն քահանա Շմավոնյան։
Հրատարակման վայր՝ Մադրաս, Հնդկաստան։
Հրատարակման տարիներ՝ 1794–1796 թվականներ։

Ընդհանուր՝ հրատարակվել է 18 համար։

«Ազդարար»-ի էջերում տեղ են գտել նորություններ, թարգմանություններ, գրական ստեղծագործություններ և պատմական նյութեր։ Այն հիմք դրեց հայալեզու պարբերական մամուլի զարգացմանը։

Ինչո՞ւ ենք տոնը նշում հենց հոկտեմբերի 16-ին

Հայաստանի կառավարության 2004 թվականի ապրիլի 22-ի որոշմամբ հոկտեմբերի 16-ը սահմանվել է որպես Մամուլի աշխատողի օր՝ ի հիշատակ «Ազդարար»-ի առաջին համարի լույսընծայման։ Այն այսօր հայտնի է որպես Հայ մամուլի օր։
Հայաստանի Հանրապետության Կառավարություն

Հայ մամուլի դերն ու նշանակությունն այսօր

Մամուլը միայն նորություններ հաղորդելու միջոց չէ։ Այն նաև՝ տեղեկացնում է հասարակությանը կարևոր իրադարձությունների մասին, նպաստում է հանրային քննարկումների ձևավորմանը, պահպանում է ազգային հիշողությունն ու մշակութային ժառանգությունը, բարձրացնում է հասարակության իրազեկվածությունը, պատասխանատվություն է կրում փաստերի ճշգրտության և տեղեկատվության հավաստիության համար։
Թվային դարում այս առաքելությանը միացել են նաև առցանց լրատվամիջոցները, սոցիալական հարթակները և մուլտիմեդիա լրագրությունը։

Շնորհավոր Հայ մամուլի օրը

Այս օրը շնորհավորանքի ու գնահատանքի առիթ է բոլոր լրագրողների, խմբագիրների, լուսանկարիչների, օպերատորների և լրատվական ոլորտի աշխատակիցների համար, ովքեր իրենց ամենօրյա աշխատանքով հանրությանը հասանելի են դարձնում կարևոր տեղեկությունները։

Թող ճշմարտությունը լինի յուրաքանչյուր հրապարակման հիմքում, խոսքի ազատությունը՝ մամուլի ուժը, իսկ մասնագիտական ազնվությունը՝ լրագրողի գլխավոր սկզբունքը։

Ազդարարից մինչև թվային դար՝ հայ մամուլը շարունակում է իր ճանապարհը՝ արձանագրելով ժամանակը, պահպանելով հիշողությունն ու տեղեկացնելով հասարակությանը։

Կիլիան Մբապեն և նրա մայրն ու գործակալ Ֆայզա Լամարին ցուցմունք են տվել կոռուպցիայի վերաբերյալ քրեական գործի շրջանակներում։

Հետաքննությունը կապված է Ֆրանսիայի հավաքականի անվտանգության ծառայության նախկին ղեկավար Մոհամեդ Սանհաջիի գործունեության հետ։

Ինչպես հայտնում է L’Équipe-ը, ֆուտբոլիստը հարցաքննվել է սեպտեմբերի 30-ին, իսկ նրա մայրը՝ հոկտեմբերի 9-ին։ Լամարին, մասնավորապես, կասկածվում է չորս վիզա ստանալու հարցում Սանհաջիից օգնություն խնդրելու մեջ։ Քննությունն ունի կասկածներ նրա ներգրավվածության վերաբերյալ, սակայն պաշտոնական մեղադրանք առաջադրելու համար բավարար ապացույցներ դեռևս չկան։

Ինչ վերաբերում է Կիլիան Մբապեին, ապա քննիչներն ուսումնասիրում են ֆուտբոլիստի կողմից Սանհաջիին կատարված 60 300 եվրոյի չափով փոխանցումը, որը հատկացվել է ԱԱ-2022-ի պարգևավճարներից։ Այդ գործարքից մեկ ամիս անց անվտանգության նախկին ղեկավարն ուղեկցել է հարձակվողին Կամերուն կատարած ուղևորության ժամանակ, որտեղ ֆուտբոլիստն այցելել էր բարեկամներին: Իրավապահներն այժմ փորձում են պարզել այս իրադարձությունների հնարավոր կապը։

Մոհամեդ Սանհաջիին դեռևս սեպտեմբերի 16-ին պաշտոնական մեղադրանք է առաջադրվել կոռուպցիայի, ազդեցության չարաշահման, խարդախության և փողերի լվացման կասկածանքով։

Իսպանիայի հավաքականի և «Տոտենհեմի» պաշտպան Պեդրո Պորոն կարող է վերադառնալ հայրենիք, որտեղ նրա ծառայություններով հետաքրքրված են «Բարսելոնան» և Մադրիդի «Ռեալը»։

Teamtalk-ի տվյալներով՝ «Տոտենհեմի» ղեկավարությունը պահանջում է աջ պաշտպանի դիրքի համար ռեկորդային գումար։
Որպեսզի «Տոտենհեմը» բաժանվի Պորոյից, գնորդը պետք է վճարի մոտ 89 միլիոն եվրո։

Նշենք, որ այս գումարը ռեկորդային կլինի աջ պաշտպանի դիրքում հանդես եկող որևէ ֆուտբոլիստի տրանսֆերի համար։ Ներկայիս ռեկորդը պատկանում է մարոկկացի Աշրաֆ Հակիմիին, որի համար ՊՍԺ-ն 2021 թվականին Միլանի «Ինտերին» վճարել է 67 միլիոն եվրո։

Երեկ՝ հոկտեմբերի 15-ին, ողբերգական դեպք է տեղի ունեցել Արարատի մարզում։ Ժամը 22:40-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Արարատի բաժնում օպերատիվ տեղեկություններ են ստացվել, որ «Mercedes» մակնիշի ավտոմեքենայով «Արարատ» բժշկական կենտրոն է տեղափոխվել 1.5 տարեկան երեխա, որտեղ բժիշկներն արձանագրել են նրա մահը։

Ինչպես հայտնում է ֆոտոլրագրող Գագիկ Շամշյանը, հիվանդանոց է մեկնել ոստիկանության Արարատի բաժնի օպերատիվ խումբը՝ բաժնի պետ Սերգեյ Մամիկոնյանի գլխավորությամբ։

Տեղում պարզվել է, որ ստացված օպերատիվ տեղեկությունը հավաստի է։

Արարատի ոստիկանները, հետո նրանց միացած ՀՀ ՆԳՆ ոստիկանության Պարեկային ծառայության Արարատի մարզի գումարտակի 2-րդ վաշտի պարեկները՝ գումարտակի հրամանատարի տեղակալ Հայկ Հակոբյանի, գումարտակի ծառայության ավագ տեսուչներ Սահակ Թադևոսյանի, Արթուր Կոծինյանի և օրվա պատասխանատու վաշտի հրամանատար Վահան Սանթելյանի գլխավորությամբ, պարզել են, որ մահացածը հիվանդանոց է տեղափոխվել Արարատ քաղաքի Աբովյան 9/59 հասցեի մոտից, ում անզգուշաբար հետընթաց կատարելիս վրաերթի է ենթարկվել Արարատի մարզի բնակիչ Պավել Ս.-ն։

Իրավապահները պարզել են նաև, որ մահացածը 1.5 տարեկան Անահիտ Ս.-ն է։

Դեպքի փաստով քննչական վարչությունում նախաձեռնվել է քրեական վարույթ, ավտոմեքենան էլ տեղափոխվել է ոստիկանության Արարատի բաժնի պահպանվող հատուկ տարածք։

Ֆոտոլրագրողի տեղեկություններով մահացած երեխան վարորդի աղջիկն էր։

Մանրամասները՝ սկզբնաղբյուրում:

Այլ կերպ քան վատնում, չի կարելի անվանել Երևանի քաղաքապետարանի կողմից կազմակերպված «Էրեբունի֊Երևան 2808» տոնակատարությունների շրջանակում կնքված պայմանագրերը։

Օրինակ՝ երգիչ Գոռ Սուջյանին, ընդամենը 35 րոպե երգելու համար վճարվել է 2 միլիոն դրամ։

Սուջյանն այդ 35 րոպեն պետք է երգեր հոկտեմբերի 10֊ին այգիներից մեկում տեղի ունեցող ռոք համերգի ժամանակ։

Համեմատության համար նշենք, որ օրինակ, Քոթանյանի անվան տնտեսագիտության ինստիտուտի 50֊60 հոգանոց անձնակազմի 2026 թվականի տարվա գնումների ողջ բյուջեն 5.9 միլիոն դրամ է։

Այն գումարային առումով հավասարազոր է երգչի 1.5 ժամանոց համերգին։