julbaz.mediamonitoring.am

ՀՀ արդարադատության նախարարության «Գորիս» քրեակատարողական հիմնարկի պահպանության ապահովման և ուղեկցումների բաժնի ծառայողը տեսահսկման համակարգի միջոցով նկատել է, որ հիմնարկի արտաքին տարածքից ներնետում է կատարվել խցերից մեկի ուղղությամբ։ Այս մասին հայտնում է ՔԿԾ-ն։

«Քրեակատարողական ծառայողներն անմիջապես իրականացրել են նշված տեղանքի զննություն՝ միաժամանակ հսկողություն սահմանելով տվյալ խցի ներսում։

Զննության ընթացքում արգելագոտու տարածքում հայտնաբերվել է մեկ փաթեթ, ևս մեկ փաթեթ հայտնաբերվել է նշված խցի պատուհանագոգի արտաքին հատվածում։ Փաթեթներում առկա են եղել 8 բջջային հեռախոս, հեռախոսի 4 պատյան, 2 զույգ ականջակալ և լիցքավորման լար։

Բացի այդ՝ նշված խցում իրականացվել է խուզարկություն, որի ընթացքում հայտնաբերվել է 2 բջջային հեռախոս։

Դեպքի առթիվ ձեռնարկվել են համապատասխան միջոցառումներ»,- ասվում է հաղորդագրության մեջ։

«Գազպրոմ Արմենիա» ընկերությունից հայտնում են, որ պլանային աշխատանքներ իրականացնելու նպատակով՝ հոկտեմբերի 27-ին ժամը 10:00-ից մինչև հոկտեմբերի 28-ը ժամը 18:00-ն, կդադարեցվի Երևան քաղաքի Շենգավիթ վարչական շրջանի Արարատյան փողոցի թիվ 62, 62/1, 62/2, 64, 66 բազմաբնակարան շենքերի, ինչպես նաև Արտաշիսյան, Շարուրի, Շիրակի փողոցներով, Շիրակի 1-ին նրբանցքով պարփակված թաղամասի գազասպառողների, հարակից տարբեր նշանակության հանրային կազմակերպություների գազամատակարարումը։
  
Հոկտեմբերի 27-ին ժամը 13:00-ից մինչև հոկտեմբերի 28-ը ժամը 18:00-ն, կդադարեցվի Սյունիքի մարզի Կապան քաղաքի Բաղաբերդ թաղամասի թիվ 1, 2, 3, 4, 5, 1ա, 2ա, 3ա, 6, 7, 8, 9, 10, 11, 12 բազմաբնակարան շենքերի գազասպառողների և հարակից տարբեր նշանակության հանրային կազմակերպությունների գազամատակարարումը։
 
Հոկտեմբերի 27-ին ժամը 09:00-ից մինչև հոկտեմբերի 28-ը ժամը 21:00-ն, կդադարեցվի Լոռու մարզի Մեծ Պարնի, Փոքր Պարնի, Սարամեջ, Ծաղկաբեր, Կաթնաջուր բնակավայրերի գազասպառողների, նշված բնակավայերում գործող տարբեր նշանակության հանրային կազմակերպություների գազամատակարարումը։
 
Ընկերությունը հայցում է գազասպառողների ներողամտությունը և խնդրում պահպանել անվտանգության պահանջները։