Մարդու իրավունքների պաշտպան Անահիտ Մանասյանը խստորեն դատապարտում է Ազգային ժողովում պատգամավորների մասնակցությամբ տեղի ունեցած միջադեպը։
Պաշտպանը վերահաստատում է՝ խորհրդարանը պետք է ժողովրդավարական քննարկումների հարթակ լինի, այլ ոչ «մարտադաշտ»։
Բարձաստիճան պաշտոնատար անձանց, այդ թվում` պատգամավորների կողմից բռնության ցանկացած դրսևորում նպաստում է հասարակությունում բռնությունը որպես տարաձայնությունների լուծման միջոց ընկալելու և այն արդարացնելու մոտեցումների տարածմանը։
Հանրային խոսքում և վարքագծում բռնության բացառումը պետական իշխանության ներկայացուցիչների պատասխանատվությունն է։
Մարդու իրավունքների պաշտպանը պահանջում է բացառել ոչ միայն բռնություն ենթադրող վարքագիծն, այլ նաև բռնությունն արդարացնող ցանկացած խոսք:
Միջադեպը պետք է օրենքով սահմանված կարգով դառնա պատշաճ քննության առարկա:
Նման միջադեպերն էլ ավելի են խորացնում բռնությունն արդարացնող այն մոտեցումները, որոնց անընդունելիությանն այսօր Մարդու իրավունքների պաշտպանն անդրադարձել էր ընտանեկան բռնության կանխարգելման թեմայով հրապարակային քննարկումների առնչությամբ տարածած հայտարարությունում։
Ազգային ժողովի դահլիճում այսօր՝ հոկտեմբերի 29–ին, տեղի ունեցած ծեծկռտուքի ինչ–որ պահի ՔՊ–ական պատգամավոր Արթուր Հովհաննիսյանը շիշը շպրտեց ընդդիմադիր պատգամավորների ուղղությամբ։ Իսկ արդեն միջանցքում բղավեց. «Ես քո ոտերն առանձին եմ ջարդելու»։
Հիշեցնենք, որ ԱԺ–ում այսօր ծեծկռտուք է տեղի ունեցել ՔՊ–ի եւ «Ուժեղ Հայաստանի» պատգամավորների միջեւ։ Ի սկզբանե իրավիճակը լարեց ՔՊ–ական Տարոն Չախոյանը, որի ելույթի ժամանակ լեզվակռիվ սկսվեց խորհրդարանում։ Լեզվակռիվը վերածվեց իսկական ծեծկռտուքի։ ԱԺ փոխխոսնակ Վահագն Ալեքսանյանը աթոռ նետեց ընդդիմադիրների ուղղությամբ։
«Ուժեղ Հայաստանի» պատգամավոր Անդրանիկ Գևորգյանի քթից արյուն էր հոսում, Ռուբեն Մխիթարյանի հագուստը պատառոտված է։ Շտապօգնություն է ժամանել խորհրդարան։
Ռուբինյանը, որի ուղիղ պարտականությունն էր կարգուկանոն ապահովել ԱԺ դահլիճում, սկզբում մի քանի րոպե լուռ հետեւում էր ծեծկռտուքին, որից հետո միայն ընդմիջում հայտարարեց՝ ներս հրավիրելով անվտանգության աշխատակիցներին։
Պատգամավորները վիճաբանությունը շարունակեցին միջանցքում։ Հնչում էին հայհոյանքներ։
Մյունխենի «Բավարիայի» գլխավոր մարզիչ Վենսան Կոմպանին բուժման կուրս անցնելուց հետո դուրս է գրվել հիվանդանոցից ու վերադարձել տուն։ Այս մասին Գերմանիայի գավաթի խաղարկության՝ «Մագդեբուրգի» դեմ խաղից առաջ ARD հեռուստաընկերության եթերում հայտնել է մյունխենյան ակումբի սպորտային տնօրեն Մաքս Էբերլը։
«Բժիշկները հստակ պարզել են, թե ինչումն է խնդիրը։ Այս պահին Վենսանն արդեն տանն է և շարունակելու է վերականգնման գործընթացը։ Ես ավելի քան վստահ եմ, որ նա շատ շուտով կվերադառնա խաղադաշտի եզրագծի մոտ՝ պատրաստ լինելով100 տոկոսով», – նշել է Էբերլը։
Մյունխենյան գրանդի ղեկավարը նաև հատուկ ընդգծել է, որ Կոմպանիի առողջական խնդիրը որևէ կապ չունի մարզչական աշխատանքի ծանրաբեռնվածության կամ սթրեսի հետ. «Սա հիվանդություն է, և պետք է շատ հստակ տարանջատել այս ամենը։ Կատարվածը ոչ մի կապ չունի այն ճնշման հետ, որը մենք ունենք Բունդեսլիգայում»։
Չնայած հիվանդանոցից դուրս գրվելուն՝ Կոմպանիի անմիջական վերադարձը մարզչական աշխատանքի դեռևս չի քննարկվում, և նրա վերադարձի հստակ ժամկետները մնում են բաց։ Ակումբում շեշտել են, որ բելգիացու առողջությունն առաջնահերթություն է, և նրան կտրամադրվի այնքան ժամանակ, որքան անհրաժեշտ է լիարժեք ապաքինման համար։ Մինչ այդ թիմի մարզումներն ու խաղերը կշարունակի ղեկավարել նրա մարզչական շտաբը։
Գերմանիայի ընթացիկ առաջնությունում «Բավարիան» վաստակած 17 միավորով գլխավորում է մրցաշարային աղյուսակը։
Հիշեցնենք, որ հոկտեմբերի 23-ին՝ ուրբաթ օրը, 40-ամյա բելգիացի մասնագետն ակումբի մարզաբազայում հետևելիս է եղել «Բավարիայի» երկրորդ թիմի մարզմանը, երբ հանկարծակի կորցրել է գիտակցությունն ու շտապ հոսպիտալացվել։ Մինչ այդ միջադեպը Կոմպանին պայքարում էր վիրուսային վարակի դեմ։
armsport.am
Նախորդ անգամ ես խոսեցի արտահերթ ընտրությունների հնարավոր սցենարի մասին, սակայն երեկ՝ կառավարության հետ հարցուպատասխանից հետո, համոզվեցի, որ մեծ է հավանականությունը, որ բանն արտահերթ ընտրությունների չի հասնի։ Այս մասին հոկտեմբերի 29-ին լրագրողների հետ զրույցում հայտարարեց ՀՀ վարչապետ Նիկոլ Փաշինյանը։
Նա կրկնեց, որ դրա փոխարեն Սահմանադրության մասով կարվի այնպիսի առաջարկ, որից ընդդիմությունը չի կարողանա հրաժարվել։
«Երեկ՝ կառավարության հետ հարցուպատասխանի արդյունքներով, նրանք հնարավորություն տվեցին գործընթացն այնպես տանել, որպեսզի ընդդիմության նկատմամբ հանրային ուժեղ ճնշում գեներացվի, որպեսզի նրանք իրենց քվեարկությամբ հնարավոր դարձնեն նոր Սահմանադրության հանրաքվեի անցկացումը»,- նշեց Փաշինյանը։
Ընդ որում՝ նա պարզաբանեց, որ չի կարող երաշխավորել, թե կկարողանա ձևակերպել այդ առաջարկը. «Ավելին ասել չեմ կարող»։
Նրա գնահատմամբ՝ ընդդիմության հարցն այն է, թե արդյո՞ք սա խաղաղության գործընթացի վերջակետն է։
Թուրքիայի հարավ-արևելքում գտնվող Շըրնաք նահանգում ավտոբուսի և բեռնատարի բախման հետևանքով առնվազն 15 մարդ է տուժել, հաղորդում է IHA գործակալությունը։
«Ժամը 06։15-ի սահմաններում Հիլյալ գյուղի մոտ ուղևորատար ավտոբուսը բախվել է բեռնատարին։ Ավտոբուսը դուրս է թռել մայրուղուց և կանգ առել՝ բախվելով բնակելի տան տանիքին։ Տուժել է 15 մարդ, որոնցից մեկի վիճակը ծանր է», – հայտնել է գործակալությունը։
Տուժածները հոսպիտալացվել են։ Ավտոբուսը Անթալիայից ուղևորվում էր Հաքքարի։
Հին Հռոմում ասում էին․ «Խաղաղություն ես ուզում, պատրաստվիր պատերազմի»։ Հայաստանում բոլորն են խաղաղություն ուզում, պատերազմ ցանկացող չկա, սակայն հնարավոր պատե…
Անգլիայի Լիգայի գավաթի 2026/27 մրցաշրջանի 1/8 եզրափակչի կենտրոնական հանդիպման շրջանակում «Լիվերպուլը» սեփական հարկի տակ՝ «Էնֆիլդ» մարզադաշտում, հյուրընկալեց լոնդոնյան «Չելսիին» և լարված պայքարում նվաճեց քառորդ եզրափակչի ուղեգիր։
Դարեն Ինգլանդի սպասարկած հանդիպման հիմնական ժամանակն ավարտվեց ոչ-ոքի՝ 1:1 հաշվով, ընդ որում՝ երկու գոլերն էլ խփվեցին առաջին խաղակեսի վերջնամասում՝ 11-մետրանոց հարվածներից։
40-րդ րոպեին տուգանային հրապարակում Ռայան Գրավենբերխը խախտեց կանոնները Մոյսես Կայսեդոյի նկատմամբ, և նշանակված 11-մետրանոցն անվրեպ իրացրեց լոնդոնցիների հարձակվողական ոճի կիսապաշտպան Մորգան Ռոջերսը։ Սակայն «կապույտների» ուրախությունը երկար չտևեց. ընդամենը երեք րոպե անց՝ 43-րդ րոպեին, արդեն «Չելսիի» պաշտպան Ուեսլի Ֆոֆանան սեփական տուգանայինում խախտեց կանոնները, և Կոդի Գակպոն 11-մետրանոց նշակետից վերականգնեց հավասարակշռությունը։ Երկրորդ խաղակեսում դարպասի գրավումներ չարձանագրվեցին, և հաղթողին որոշելու համար թիմերը դիմեցին հետխաղյա 11-մետրանոցների օգնությանը։
Ֆուտբոլային վիճակախաղում իսկական դրամա ծավալվեց, որտեղ ավելի դիպուկ և սառնասիրտ գտնվեցին մերսիսայդյան ակումբի ֆուտբոլիստները՝ հաղթելով 6:5 հաշվով։ Տանտերերի կազմում իրենց հարվածները չիրացրեցին Կոնստանտինոս Ցիմիկասն ու Ռայան Գրավենբերխը, սակայն հյուրերի կազմում վրիպեցին միանգամից երեք ֆուտբոլիստներ՝ Վալենտին Բարկոն, Էմանուել Էմեգան և հանդիպման հակահերոսներից մեկը դարձած Ուեսլի Ֆոֆանան։
Այսպիսով, «Լիվերպուլը» դուրս եկավ մրցաշարի 1/4 եզրափակիչ, որտեղ իր մրցակցին կիմանա վիճակահանության արդյունքում։ Քառորդ եզրափակչի հանդիպումները կկայանան դեկտեմբերի 14-ից մեկնարկող շաբաթվա ընթացքում։
Հիշեցնենք, որ մրցաշարի գործող գավաթակիրը «Մանչեսթեր Սիթին» է, որը նախորդ խաղարկության եզրափակչում 2:0 հաշվով հաղթել էր «Արսենալին»։ Անգլիայի Լիգայի գավաթի պատմության ամենատիտղոսակիր ակումբը հենց «Լիվերպուլն» է (10 գավաթ), որին հաջորդում են «Մանչեսթեր Սիթին» (9) և «Մանչեսթեր Յունայթեդը» (6):
Գագիկ Խաչատրյանի կալանքը 2 ամսով երկարացվեց
Փաշինյանն աջակցում և ողջունում է ԱԺ-ում տեղի ունեցած ծեծկռտուքի ժամանակ ՔՊ-ի պահվածքը: «Դատապարտում եմ բռնությունը, սակայն աջակցում եմ ՔՊ-ի` այսօր ձեռնարկած…