Հիմք ընդունելով ՀՀ Սահմանադրության 151-րդ հոդվածը և «Ազգային ժողովի կանոնակարգ» սահմանադրական օրենքի 33-րդ հոդվածի 8-րդ մասը` Կառավարության ծրագիրը քննարկելու նպատակով օգոստոսի 24-ին` ժամը 10.00-ին, տեղի կունենա իններորդ գումարման Ազգային ժողովի առաջին նստաշրջանի հերթական նիստը: Այս մասին տեղեկացնում են ԱԺ մամուլի ծառայությունից:
Պետական վերահսկողական ծառայությունը ՀՀ ԿԳՄՍ նախարարության Բարձրագույն կրթության և գիտության կոմիտեում իրականացված վերահսկողության արդյունքում պարզել է, որ 18 պետական բարձրագույն ուսումնական հաստատություններում 2023 թվականից մինչև 2026 թվականի օգոստոսը ուսումն ավարտած, հեռացված կամ ազատված շուրջ 4 500 ուսանողների վճարումների և տրամադրված փոխհատուցումների արդյունքում ձևավորվել է շուրջ 400 մլն դրամի գերավճար։
Գերավճարները հիմնականում առաջացել են ուսանողների կողմից կատարված ավելի վճարումների, ինչպես նաև պետության և տարբեր կազմակերպությունների կողմից ուսման վարձերի փոխհատուցումների արդյունքում։
Ծառայության առաջարկությամբ՝ բուհերը միջոցներ են ձեռնարկում գումարները քաղաքացիներին և ուսման վարձը փոխհատուցած կազմակերպություններին վերադարձնելու ուղղությամբ։
Արդյունքում՝ 2026 թվականի օգոստոսի դրությամբ, շուրջ 600 ուսանողների և տարբեր կազմակերպությունների վերադարձվել է շուրջ 67 մլն դրամ։
Վերահսկողական աշխատանքները շարունակվում են՝ մյուս բուհերում նմանատիպ դեպքերը բացահայտելու և գումարները իրական շահառուներին վերադարձնելու նպատակով։
Այժմ փրկարարական գործողություն է ընթանում Կրիվոյ Ռոգի առևտրի կենտրոնին հասցված հարվածից հետո։ Այս մասին գրել է Ուկրաինայի նախագահ Վլադիմիր Զելենսկին։
«Ռուսական մի քանի դրոնների հարված էր․ նպատակադրված, նենգ, մեկը մյուսի հետևից։
Ռուսների կողմից բացարձակ գազանություն է։ Ուղղակի տականքներ։ Անպայման պատասխան կտանք։
Կարևոր է, որ աշխարհը չլռի սրա մասին։ Այս ռուսական պատերազմին պետք է վերջ դրվի, և անհրաժեշտ է, որ աշխարհն օգնի մեզ»,- նշել է նա։
Նշենք, որ օգոստոսի 21-ին ռուսական զորքերն անօդաչու թռչող սարքերով երկու անգամ հարձակվել են Կրիվոյ Ռոգի առևտրի կենտրոնի վրա։ Այս մասին հայտարարել են Ուկրաինայի իշխանությունները, հաղորդում են տեղական ԶԼՄ-ները։
Նշվում է, որ հարվածների հետևանքով 14 մարդ է զոհվել, ևս 121 մարդը՝ վիրավորվել։ Տուժածների թվում կա 22 երեխա։
Հոկտեմբերի 25-ին կայանալիք Ստեփանավան խոշորացված համայնքի ՏԻՄ ընտրություններում «Քաղաքացիական պայմանագիր» կուսակցության ցուցակը կգլխավորի Լոռի Բերդ համայնքի գործող ղեկավար Արայիկ Ներսիսյանը։
Նրա թեկնածությունը, ինչպես հաղորդում է Լոռի Բերդ համայնքի պաշտոնական կայքը, հաստատվել է կուսակցության վարչության նախագահ, վարչապետ Նիկոլ Փաշինյանի և վարչության անդամների միաձայն որոշմամբ: Խոշորացված համայնքը ներառելու է մինչև այս գործող երեք համայնք՝ Ստեփանավան, Գյուլագարակ և Լոռի Բերդ:
Հանդիպման օրակարգային հարցերը վերաբերել են կամավոր ատեստավորման գործընթացի կազմակերպման մանրամասներին. կարևորվել է փորձառու մասնագետների ներգրավումը դրանում:
Քննարկվել են նաև հանրակրթության պետական չափորոշչին, դրա արդյունավետ կիրառմանը, նոր դասագրքերի շահագործմանը, աշխատանքային պատշաճ միջավայրի ապահովմանը վերաբերող մի շարք հարցեր:
Նշենք, որ ուսուցիչների հետ հանդիպումները շարունակական են. ընդունելությանը մասնակցելու համար անհրաժեշտ է հերթագրվել՝ լրացնելով դիմում:
#Ուղիղ․ ԱԺ-ում քննարկում են Լիանա Մանուկյանի թեկնածությունը
«Ճանապարհային դեպարտամենտ» հիմնադրամի աշխատակազմի ղեկավար Սաթենիկ Թովմասյանը, ՀՀ ՏԿԵՆ ճանապարհային ոլորտի քաղաքականության վարչության պետ Հարություն Սեդրակյանը հանդիպել են ճանապարհները սպասարկող այն ընկերությունների ղեկավարների հետ, որոնց սպասարկման տիրույթում են գտնվում ՀՀ վարչապետի հովանու ներքո օգոստոսի 29-30-ը կայանալիք «Սևանի շուրջ» սիրողական հեծանվային արշավի և սեպտեմբերի 10-13-ը կազմակերպվելիք «Tour of Armenia» միջազգային հեծանվավազքի երթուղիները։
Անդրադարձ է եղել ճանապարհների տեխնիկական վիճակին, հեծանվորդների համար ճանապարհային նշանների տեղակայմանը և այլն։
Նշենք, որ սեպտեմբերի 10-13-ն անցկացվելիք հեծանվավազքի մասնակիցներն ընդհանուր առմամբ կանցնեն շուրջ 500 կմ ճանապարհ։
Ճանապարհները սպասարկող կազմակերպությունների ներկայացուցիչներին հանձնարարվել է նշված երթուղիներով հեծանվորդների համար ապահովել անխոչընդոտ մրցավազք։
Սաթենիկ Թովմասյանը ՀՀ միջպետական և հանրապետական նշանակության ավտոճանապարհների պահպանման աշխատանքներն իրականացնող կազմակերպությունների ղեկավարների հետ քննարկել է նաև ճանապարհների սպասարկման հետ կապված ընթացիկ հարցեր։
Հատկապես առանձնացվել են ընկերությունների մեքենատեխնիկական պարկին, ձմեռային սպասարկման նախատապրաստմանն առնչվող թեմաներ։
Աշխարհի չեմպիոն և «Ոսկե գնդակի» դափնեկիր Ռոնալդինյոն 46 տարեկանում միացել է իտալական «Ռավեննա» ակումբին, որը հանդես է գալիս «Սերիա C»-ում։
Բրազիլացին ակումբում կլինի ներդրող, միջազգային դեսպան և ֆուտբոլիստ։ Նա նախատեսում է մասնակցել առնվազն մեկ պաշտոնական հանդիպման՝ կարիերայի վերջին գոլը խփելու համար։
Ակումբի սեփականատեր Ինյացիո Չիպրիանին ընդգծել է, որ նախագիծը միայն մարկետինգային քայլ չէ։ Ռոնալդինյոյի՝ խաղադաշտ վերադառնալու կոնկրետ ամսաթիվը դեռ հայտնի չէ։