julbaz.mediamonitoring.am

«Մենք միջազգային պարտավորություններից չենք հրաժարվելու»,- այս մասին այսօր կայացած ասուլիսում հայտարարեց ԲՀԿ ցուցակով 2026 թվականի խորհրդարանական ընտրություններին մասնակցող Սուրեն Սուրենյանցը։

«Նման արկածախնդրություն իրեն թույլ է տվել միայն Նիկոլ Փաշինյանը, ով գալով իշխանության 2018-ին թվականին, հայտարարեց, որ սկսում է բանակցությունները զրոյական կետից։ Միջազգային երաշխիքների և միջնորդների ներգրավումը խաղաղության գործընթացն ուժեղացնելու, ինստիտուցիոնալ հիմքերով օժտելու առաքելություն ունի և ոչ թե ռևիզիայի․․․ Դուք ասում եք, որ Ադրբեջանը չի համաձայնվի, բայց մենք գիտենք, որ շատ դեպքերում Հայաստանի ձեռքով կամ պարտադրանքի միջոցով են միջազգային միջնորդներից և միջազգային ձևաչափերից հրաժարվելու գործընթացները տեղի ունեցել։ Ադրբեջանը շատ բանի չի համաձայնվում․․․ Ադրբեջանը չի հաշտվում նաև ՀՀ գոյությանը այս տարածքային պարամետրերով, բայց դա ոչ մի տեղ չտանող ճանապարհ է, որը բերելու է մեր պետականության ոչնչացմանը։ Ես հեռու եմ այն մտքից, որ «Մենք ենք մեր սարերը» կինոնկարի մոտիվներով աշխարհի մասին պատկերացում պիտի ունենանք․․․ Ադրբեջանը ամենակարող չէ, որպեսզի կարողանա միջազգային, տարածաշրջանային կոնտեքստին հակադրվել։ Բավարար է, որ Հայաստանում լինի իշխանություն, որը մի քիչ սկզբունքային քաղաքականություն վարի և կարմիր գծեր ունենա, որպեսզի մեր այս շատ իրատեսական թեզը դառնա իրականություն»,- նշեց Սուրենյանցը։

«Գեղարդ» գիտավերլուծական հիմնադրամը դիմում-նամակ է հղել միջազգային մշակութային ու կրոնական կառույցներին՝ ՅՈՒՆԵՍԿՕ-ին, Եկեղեցիների համաշխարհային խորհրդին, Հուշարձանների և վայրերի միջազգային խորհրդին (ԻԿՕՄՕՍ), Կաթոլիկ եկեղեցու հովվապետին, Համայն Ռուսիո պատրիարքին՝ Ադրբեջանի Հանրապետության կողմից հայկական պատմամշակութային ժառանգության համակարգված ոչնչացմաhttps://drive.google.com/drive/folders/18D3uSpMATHfOXr8K9UjvByUngnn8HSoLն առնչությամբ։

Արձանագրելով, որ Ադրբեջանը վերոնշյալ միջազգային կառույցների (և ոչ միայն) մասնակից-պետություն է, հիմնադրամը հիշեցնում է, որ 2020 թվականից ի վեր ադրբեջանական իշխանությունները միտումնավոր ոչնչացնում են հայկական նյութական ու հոգևոր մշակույթն Արցախում, ինչը միջազգային մի շարք կոնվենցիաների ու հռչակագրերի կոպիտ խախտում է։

Հղում անելով միջազգային մի շարք կոնվենցիաներին ու հռչակագրերին, որոնց միացել է նաև Ադրբեջանը, Հիմնադրամը կոչ է անում միջազգային հիշյալ կառույցներին անհապաղ ձեռնարկել անհրաժեշտ միջոցներ՝ վերջ դնելու Ադրբեջանի Հանրապետության կողմից համակարգված ձևով իրականացվող հայկական մշակութային վանդալիզմին։
     Նամակները` հղումով: