Նիկոլ Փաշինյանն այսօր՝ ապրիլի 18-ին, Կառավարության նիստից հետո պատասխանեց լրագրողների հարցերին:
Oragir.News-ն իր հարցն ուղղեց Փաշինյանին, հետաքրքրվելով՝ կա երաշխիք, որ մի օր էլ չեք ասի՝ «իրական Հայաստանը» «արևմտյան Ադրբեջան» է:
Փաշինյանը նախ անդրադարձավ օրեր առաջ ասած իր հայտարարությանը՝ պսևդոդաշնակցական նախընտրական ծրագրի մասին:
«Մենք խոսում ենք ՀՀ միջազգայնորեն ճանաչված տարածքի մասին և ձեր ասածը հնարավոր չէ հնչեցնել», – ասաց Փաշինյանը:
«Ինչ վերաբերում է նախորդող շրջանին, ես 2 օր առաջ էլ ԱԺ-ում ունեցած ելույթում հիշատակեցի 2021-2026 թվականների Կառավարության գործունեության ծրագրում արձանագրվածը, որ խաղաղության դարաշրջան բացելը մեր մեծագույն պարտավորությունն է:
Պետության կառավարումը ունի առանձնահատկություն, որ երբեմն կանգնում ենք ընտրոթյան առաջ, քանի որ մեր մեծագույն պարտավորությունը եղել է խաղաղությունը, մենք գնացել ենք դա կատարելու ճանապարհով:
Գոյություն ունի կշեռք, կշեռքի մի նժարին դրվում է մի խնդիր, եթե կա հակասություն: Եթե չլիներ հակասություն, չէր առաջանա նաև էդ հարցը:
Երբ որ կա մի իրավիճակ, երբ դու հասկանում ես, որ դրանք համատեղելի չեն, պետք ա կատարել ընտրություն ու մենք կատարել ենք ընտրություն՝ ՀՀ ինքնիշխանության, տարածքային ամբողջականության ու պետության հարատևության օրակարգի օգտին:
2018 թվականից մենք անկեղծորեն գնացել ենք էդ օրակարգերը լուծելու ճանապահով ու դրա վկայությունը, որ մենք Ղարաբաղի հարցի բովանդակության մեջ ոչ մի բան չենք փոխել, բանակցային փաթեթի հրապարակումն է, բայց չե՞ք զգում՝ ուր գնացին էդ խոսակցությունները, որ նախկինում ասվում էր՝ բանակցություններին սենց ա եղել, նենց ա եղել. դրանք հօդս ցնդեցին, որովհետև հրապարակեցինք բանակցային փաթեթն ու այսօր յուրաքանչյուր քաղաքացի կարող է բացել ու կարդալ՝ ի՞նչ էր Ղարաբաղի հարցը և ինչի՞ շուրջ էին բանակցությունները», – եզրափակեց Փաշինյանը:
Մանրամասները՝ տեսանյութում:
