Վաղ առավոտյան հարկային մարմինները կապարակնքել են «Toyota» ընկերության երևանյան գրասենյակը ԱԺ–ում երեկվա Լևոն Քոչարյանի և Նիկոլ Փաշինյանի միջև տեղի ունեցած լեզվակռվից հետո։
Հավելենք, որ «Toyota» ընկերության բաժնետերերից մեկը Ռոբերտ Քոչարյանի ավագ որդին է` Սեդրակ Քոչարյանը։
Նշենք, որ Նիկոլ Փաշինյանը երեկ իրավապահներին հրահանգեց ունեզրկել ՀՀ երկրորդ նախագահ Ռոբերտ Քոչարյանին և ՀՀ երրորդ նախագահ Սերժ Սարգսյանին։
Իրավապաշտպան Ռուբեն Մելիքյանը ֆեյսբուքյան իր էջում գրել է․
Դե ֆակտո ազգային ժողովում կառավարության դե ֆակտո ղեկավարին «պիղծ» անվանելու հաջորդ իսկ լուսաբացին Լևոն Քոչարյանի տանը «պատժողական» խուզարկության կատարումը բերում է մի քանի հետևության՝
1) այս փաստն ինքնին բավարար է՝ փաստելու, որ «իրավապահ» կոչվող մարմինները բացահայտ դուրս են եկել օրինականության տիրույթից։
2) խուզարկությունը թույլատրելու որոշում կայացրած դատավորը (չգիտեմ էլ ով է) առերևույթ կատարել է հանցանք։
3) Լևոն Քոչարյանի հնչեցրած բնութագիրը ճիշտ էր. ժողովրդավարության պղծումը հո պոզով-պոչով չի՞ լինում։
Մեր տեղեկություններով վաղ առավոտյան ՀՀ երկրորդ նախագահ Ռոբերտ Քոչարյանին տարել են Հակակոռուպցիոն կոմիտե։
Հակակոռուպցիոն կոմիտեից հայտնել են, որ Ռոբերտ և Լևոն Քոչարյանների տներում խուզարկություններ են կատարվում: «Ի պատասխան հայտնում ենք, որ ՀՀ հակակոռուպցիոն կոմիտեում կոռուպցիոն բնույթի հանցագործությունների դեպքերով քննվող քրեական վարույթի շրջանակում մի քանի տասնյակ հասցեներում կատարվում են խուզարկություններ և վարութային այլ գործողություններ»,- ասել է ՀԿԿ խոսնակ Մարինա Օհանջանյանը:
Անհրաժեշտության դեպքում կտրվի լրացուցիչ տեղեկատվություն:
Հիշեցնենք, որ օգոստոսի 24-ին ԱԺ-ում կառավարության ծրագիրը ներկայացնեուց հետո պատգամավորնեւի հարցերին պատասխանելիս ՀՀ վարչապետ Նիկոլ Փաշինյանը իրավապահներին հրահանգեց ունեզրկել ՀՀ երկրորդ նախագահ Ռոբերտ Քոչարյանին և ՀՀ երրորդ նախագահ Սերժ Սարգսյանին։
Ժողովուրդը մեզ ասում է՝ «էդ պիղծ դավաճանը ինչու է դեռ մնում»․ Քոչարյանը՝ Փաշինյանին
44֊օրյա պատերազմի տխրահռչակ հերոս Արծրուն Հովհաննիսյանը վերջերս նշանակվել էր ՊՆ ազգային հետազոտական համալսարանի պետ, սակայն դրան զուգահեռ վերջինս մասնավոր հատվածում ուշագրավ գուրծունեություն է ծավալում։
Վարձատրվելով «Արգար ինժեներինգ» ՍՊԸ֊ից` Հովհաննիսյանը ըստ երևույթին օգտագործել է իր բարիդրացիական հարաբերությունները իշխանությունների հետ, քանզի անհնար է պատկերացնել, որ մի քանի ամիս առաջ գրանցված ընկերությունը ԲՏԱ նախարարությունից ստանար քաղաքացիական զենք արտադրելու լիցենզիա։
Ավելին` չի բացառվում որ առաջիկայում ՀՀ֊ում ավելի կազատականացվի զենքի վաճառքը։
Հավելենք, որ Հովհաննիսյանը նշանակումից 5 օր առաջ ձեռք է բերել բեռնատար «Ֆորդ» մակնիշի մեքենա` հավանաբար բիզնեսի մեջ ներդնելու նպատակով։
«Հայաքվե» ազգային քաղաքացիական միավորման անդամ Մենուա Սողոմոնյանը ֆեյսբուքյան իր էջում գրել է․
Եւ եւս խաղաղության զՏէր աղաչեսցուք…
Մարդ ինչքան ստոր լինի, որ աղոթքներում հնչող արտահայտությունները նույնիսկ օգտագործի հօգուտ իր թրքահաճ թեզերի։ Այսօր ԱԺ-ում հայտարարում է, որ, իբրև թե, Պատարագի կամ տարբեր ծիսակատարությունների ժամանակ հնչող աղոթքը (եւ եւս խաղաղութեան զՏէր աղաչեսցուք) և Արցախի հիշատակումը հակասում են իրար։ Իբրև թե Արցախի հիշատակումը խոչընդոտում է խաղաղության օրակարգը։
Սա իր էս հալով անգամ մեր աղոթքն ու պատարագն է ուզում ուղղորդել։ Բայց թող սրա կործանիչ քարոզներին հավատացողներն իմանան, որ դարեր շարունակ մեր Եկեղեցու հայրերը շատ էլ լավ հասկացել են, որ խաղաղությունը միայն Աստծուց խաղաղություն աղերսելով չի լինում, այլ դրա հետ մեկտեղ զորանալով ու իմաստնանալով է լինում, քանի որ Աստծու կամքը նախապայմանն է, իսկ զորանալը այդ կամքը կյանքի կոչելու հնարավորությունն է։
Ու մեր հայրերը դարեր շարունակ չեն մտածել, որ խաղաղությունը անվերջ ու ստորացուցիչ զիջումների շարքն է։ Իսկ Արցախի Հանրապետությունը մեր զորանալու, հետևապես խաղաղ ապրելու առհավատչյան էր։
ԱՄՆ-ում գնորդները նոր մտահոգություն ունեն․ պիտանելիության ժամկետները ստուգելու փոխարեն մարդիկ սոցցանցերում զանգվածաբար ուսումնասիրում են սուպերմարկետների ապրանքները՝ կեղծիքներ գտնելու ակնկալիքով։ NYP-ի փոխանցմամբ՝ միլիոնավոր դիտումներ են հավաքում այն տեսանյութերը, որոնցում ցուցադրվում են ռետինե մրգեր, ձգվող միս կամ անբնական առաձգական հաց։
Տեսանյութերի հեղինակները պնդում են, թե ամերիկյան սնունդը դարձել է արհեստական ու նույնիսկ վնասակար։ Այնուամենայնիվ, փորձագետները հորդորում են խուճապի չմատնվել․ մթերքի անսովոր հյուսվածքը հաճախ լիովին բնական ու գիտական բացատրություն ունի։
Որտե՞ղ է թաքնված սուպերմարկետների «մուտանտների» գաղտնիքը
Մասնագետների պնդմամբ՝ մթերքի անսովոր տեսքն ու պահվածքը միշտ չէ, որ վկայում են քիմիկատների կամ վտանգի մասին․
Սառցային շոկ․ եթե ձմերուկը երկար պահվի 7°C-ից ցածր ջերմաստիճանում, սառցային վնասվածք է ստանում, ինչի պատճառով միջուկը դառնում է ջրալի կամ ալրանման։ Նույն կերպ փոխվում է նաև բանանը։
Մշակման տեխնոլոգիա․ արտադրողները ավելացնում են օսլա, յուղեր, էմուլգատորներ ու կոնսերվանտներ՝ ապրանքի համն ու տեսքը բարելավելու, ինչպես նաև պահպանման ժամկետը երկարացնելու համար։
Փոխարինող մթերքներ․ օրինակ՝ ծովախեցգետնի ձողիկները պատրաստվում են մշակված սպիտակ ձկից։ Սա գիտակցված փոխարինում է, այլ ոչ թե խաբեություն։
Ուլտրամշակված սննդի իրական խնդիրը
Այդուհանդերձ, սպառողների մտահոգությունն ամբողջովին անհիմն չէ։ CDC-ի վերջին տվյալներով՝ ուլտրամշակված մթերքները կազմում են 1 տարեկանից բարձր ամերիկացիների օրական կալորիաների գրեթե կեսը։ Այս ցանկում առաջատար են սենդվիչները, բուրգերները, թխվածքները, աղի ու քաղցր խորտիկները և քաղցր ըմպելիքները։
Սննդաբանները խորհուրդ են տալիս սնունդը չբաժանել «լավի» ու «վատի» և ծայրահեղության մեջ չընկնել։ Չափավոր վերամշակված մթերքները (օրինակ՝ սառեցված բանջարեղենը կամ պահածոյացված լոբին) կարող են շատ օգտակար լինել։
Գլխավոր գաղտնիքը ոչ թե այն է, թե մթերքը ծռվո՞ւմ է, թե՞ սեղանից հետ է թռչում, այլ սննդակարգի ընդհանուր հավասարակշռությունը։ Փորձագետները խորհուրդ են տալիս սննդի հիմքը կառուցել ամբողջական մթերքների վրա, կիսապատրաստ սնունդն ու խորտիկներն օգտագործել չափավոր քանակությամբ և դրանք լրացնել բջջանյութով ու սպիտակուցային սննդով։
Թուրքիայի պաշտպանության նախարարությունը (ՊՆ) հայտնել է, որ սույն թվականի օգոստոսի 17-ից 21-ը Թուրքիան ու Բոսնիա և Հերցեգովինան համատեղ դիտորդական թռիչքներ են իրականացրել Վրաստանի օդային տարածքում։ Թռիչքներն իրականացրել են Բաց երկնքի պայմանագրի (OST) շրջանակներում։
Դիտորդական թռիչքի նպատակն է բարձրացնել երկրների վստահությունը և թափանցիկությունը, ինչպես նաև աջակցել տարածաշրջանային խաղաղությանը։
ՊՆ հայտարարության մեջ նաև նշվել է, որ Թուքրիան աջակցում է միջազգային խաղաղությանը և նպաստում է ռազմական կանխատեսելիությանը։
Ermenihaber
Եվրոպական վեց երկրներ առաջարկել են նոր հարկատեսակ սահմանել նավթային ընկերությունների համար։ Պատճառը՝ նավթի թանկացման ֆոնին նրանց եկամուտների զգալի աճն է։ Այս մասին հայտնում է AFP-ն։ Համաձայն տեղեկությունների, նման առաջարկով հանդես են եկել՝ Ավստրիան, Գերմանիան, Իսպանիան, Լեհաստանը եւ Պորտուգալիան։
Այս երկրների Ֆինանսների նախարարները համապատասխան գրություններ են ուղարկել Իռլանդիայի Ֆինանսների նախարարին, որպես ԵՄ նախագահող երկրի։ Առաջարկը ցանկանում են ներառել ԵՄ անդամ երկրների Ֆիննախների հանդիպման ժամանակ, որը տեղի է ունենալու առաջիկա սեպտեմբերին՝ Դուբլինում։
Թուրքիայի արևելյան հատվածում գտնվող Վանա լիճը ամառային արձակուրդների ընթացքում դարձել է ափամերձ շրջաններում բնակվող երեխաների առօրյայի մի մասը։ Նրանք երկար ժամանակ են անցկացնում լճում։ Սոդայով հարուստ Վանի ջրում երկար ժամանակ մնալուց հետո երեխաների մազերի գույնը սկսել է դեղնել։
Երեխաները պատմում են, որ իրենց շատ է դուր գալիս այդ փոփոխությունը, թեև դպրոցում ուսուցիչները հաճախ կարծում են, թե նրանք ներկել են մազերը։ Մազերի դեղնացումը ժամանակավոր բնույթ է կրում. ձմռան ամիսներին երեխաների մազերը կրկին ստանում են իրենց բնական սև գույնը։ Գույնի լիարժեք վերականգնումը տեղի է ունենում մի քանի ամսում՝ մազերը կտրելուց հետո։
Տեղի բնակիչները նշում են, որ այս երևույթը նկատվում է միայն այն երեխաների մոտ, ովքեր լճից դուրս գալուց հետո մազերը չեն լվանում։ Նրանք, ովքեր լողալուց հետո մազերը անմիջապես լվանում են քաղցրահամ ջրով, խուսափում են գույնի փոփոխությունից։
Նշենք, որ Վանա լիճը գտնվում է ծովի մակարդակից 1700մ բարձրության վրա, ունի 3713 քկմ տարածք և տեղ-տեղ հասնում է մինչև 451մ խորության: Լիճը հայտնի է իր բնական գեղեցկությամբ և սոդայով հարուստ ջրով։
Աղբյուր՝ Ermenihaber
Աշխարհահռչակ բնական հուշարձանը վտանգի տակ է հայտնվել անփույթ զբոսաշրջիկների պատճառով։ Բնապահպաններից 200 ժամ մանրակրկիտ աշխատանք է պահանջվել, որպեսզի բազալտե սյուների միջից դուրս բերեն «հաջողության համար» թողնված հազարավոր մետաղադրամներ, գրում է The Post-ը։
Հյուսիսային Իռլանդիայի Անտրիմ կոմսությունում գտնվող «Հսկաների ճանապարհը» ավելի քան 40000 հսկայական բազալտե սյուներից կազմված եզակի տարածք է։ Այս լանդշաֆտը ձևավորվել է մոտ 60 միլիոն տարի առաջ՝ լավայի սառչելու արդյունքում։ Սակայն միլիոնավոր տարիներ դիմացած բնության այս հրաշքը բախվել է նոր խնդրի․ այցելուների հոսքը հնագույն ժայռերը վերածել է ցանկությունների հսկայական շատրվանի։
Զբոսաշրջիկները տարիներ շարունակ մետաղադրամներ են խցկում սյուների ճեղքերը։ Ծովային խոնավ ու աղի օդի պատճառով այս սովորույթը վերածվել է բնապահպանական աղետի․ մետաղը ժանգոտվում է, քարի ներսում ուռչում և քայքայիչ ճնշում գործադրում եզակի ապարի վրա։
Հյուսիսային Իռլանդիայի Երկրաբանական ծառայության տագնապալի զեկույցից հետո Ազգային հիմնադրամը սկսել է լայնածավալ փրկարարական աշխատանքներ իրականացնել։ Գործին ներգրավել են մասնագետ քարագործ Նաթան Մորրոուին, որն աշխատել է հատուկ աքցաններով ու բռնիչներով։
Որոշ մետաղադրամներ հեշտությամբ էին դուրս գալիս, սակայն խորը խրվածների վրա երբեմն ծախսվում էր մինչև 20 րոպե։ Ընդհանուր առմամբ ժայռերից հեռացվել է շուրջ 10000 մետաղադրամ՝ մոտ 20 կգ մետաղական աղբ։
Այնուամենայնիվ, այս «գանձը» ֆինանսական որևէ օգուտ չի բերել․ ծովի աղի պատճառով դուրս բերված փողի 95%-ը վերածվել էր անպետք ժանգոտ մետաղի։ Հայտնաբերված ամենահին մետաղադրամը 1999 թվականի էր։
Իրավիճակն ավելի է բարդանում նրանով, որ բոլոր մետաղադրամները հեռացնելն անհնար է․ դրանց մի մասը չափազանց խորն է խրվել, և դրանք հանելու փորձերը կարող են վնասել ՅՈՒՆԵՍԿՕ-ի հուշարձանը։
Բացի այդ, զբոսաշրջիկները շարունակում են վնասել տեսարժան վայրը․ մեծ մաքրումից ընդամենը մեկ ամիս անց աշխատակիցները ճեղքերում գտել են ևս 42 նոր մետաղադրամ։ Այժմ հիմնադրամի վարչակազմը տեղադրել է նախազգուշացնող ցուցանակներ և կոչ է անում ճանապարհորդներին գումարը գցել բարեգործական արկղերի մեջ, այլ ոչ թե խրել բնության քարերի մեջ։