Շատ ցավալի բան է եղել: ՀՀ արդարադատության նախարար Սրբուհի Գալյանը լքել է (կամ ընդմիջել է) մամուլի ասուլիսը՝ հուզվելով, որ երկրում ամեն օր արձանագրվող մահերի…
Քաղաքական հետապնդումներ ու կալանավորումներ․ ՔՊ-ն մերժեց ընդդիմության հայտարարությունը
Այսօր Հայաստանում ժողովրդավարության վիճակի շուրջ թեժ բանավեճ ծավալվեց Ազգային ժողովի պետա-իրավական հարցերի մշտական հանձնաժողովի նիստում։ Ընդդիմադիր «Հայաստան» խմբակցությունն ահազանգ հնչեցրեց քաղաքական հետապնդումների, կալանքի լայն կիրառման և մարդու իրավունքների խախտումների մասին, մինչդեռ իշխող «Քաղաքացիական պայմանագիր» խմբակցության պատգամավորները վիճարկեցին այդ գնահատականները։
«Հայաստան» խմբակցության պատգամավոր Լիլիթ Գալստյանը հանձնաժողովին ներկայացրեց «Հայաստանում ժողովրդավարության նահանջի վերաբերյալ» հայտարարության նախագիծը։ Ըստ Գալստյանի՝ Հայաստանում ժողովրդավարության հետընթացի դրսևորումներից են կալանավորումները, քրեակատարողական հիմնարկներում մահվան դեպքերը, զանգվածային գաղտնալսումներն ու քաղաքական հետապնդումները։
Իր ելույթում ընդդիմադիր պատգամավորը հղում արեց նաև միջազգային իրավապաշտպան կազմակերպությունների զեկույցներին՝ նշելով, որ դրանցում խոսվում են Հայաստանում մարդու իրավունքների պաշտպանության, դատական համակարգի անկախության և ազատությունների սահմանափակման վերաբերյալ մտահոգություններ։
Իշխանական պատգամավորները, սակայն, չհամաձայնեցին ընդդիմության ներկայացրած գնահատականներին։ ՔՊ խմբակցության պատգամավոր Լիլիթ Մինասյանը Գալստյանից պահանջեց մատնանշել միջազգային զեկույց, որտեղ կոնկրետ անձ ճանաչվել է քաղբանտարկյալ։
«Մի միջազգային զեկույց ասեք, որտեղ քաղբանտարկյալի անուն կա»,- հարցրեց Մինասյանը։
Ի պատասխան՝ Լիլիթ Գալստյանը հիշատակեց ՀՀԿ փոխնախագահ Արմեն Աշոտյանի գործը՝ հղում անելով Եվրոպական ժողովրդական կուսակցության 2023 թվականի նոյեմբերի 14-ի բանաձևին, որում մտահոգություն էր արտահայտվել նրա կալանավորման վերաբերյալ։
Քննարկման ընթացքում անդրադարձ կատարվեց նաև Վանաձորի նախկին քաղաքապետ Մամիկոն Ասլանյանի և նոյեմբերի 10-ին «Նուբարաշեն» քրեակատարողական հիմնարկում մահացած, «Ուժեղ Հայաստան» կուսակցության ներկայացուցիչ Արսեն Գևորգյանի գործերին։
Բանավեճն ավելի սրվեց, երբ ՔՊ խմբակցության պատգամավոր Արման Եղոյանը Լիլիթ Գալստյանին հորդորեց ժողովրդավարության նահանջի փոխարեն խոսել «ծովից ծով Հայաստանի» մասին։
«Դուք այդ իրավունքը չունեք ինձ ասելու՝ ինչի մասին խոսեմ»,- հակադարձեց Գալստյանը՝ իշխանական պատգամավորի հորդորը գնահատելով որպես իր խոսքի թեման թելադրելու փորձ։
Երկարատև և բուռն քննարկումից հետո իշխող «Քաղաքացիական պայմանագիր» խմբակցության պատգամավորները դեմ քվեարկեցին ընդդիմության ներկայացրած հայտարարության նախագծին։ Այդուհանդերձ, «Հայաստան» խմբակցությունը չի պատրաստվում թեման հանել օրակարգից։ Խմբակցությունը Հայաստանում ժողովրդավարության նահանջի վերաբերյալ խորհրդարանական լսումներ է հրավիրել։
Գառնի Մութաֆյան
Վեհափառի եղբորն ու եղբորորդուն դատարանը մեղավոր ճանաչեց (տեսանյութ)
«Պետբյուջեի հաշվին տուրիստական կայֆեր վայելելով՝ ուզում են ՔՊ-ական օրինագծերն անցկացնել»․ Ոսկան Սարգսյան (տեսանյութ)
Վեհափառի եղբայր Գևորգ Ներսիսյանին դատարանը նշանակեց երեք տարի ազատազրկում և պատիժը պայմանականորեն չկիրառեց՝ նշանակելով փորձաշրջան
Կաթողիկոսի եղբայր Գևորգ Ներսիսյանին դատարանը նշանակել է երեք տարի ազատազրկում և պատիժը պայմանականորեն չի կիրառել՝ նշանակելով փորձաշրջան։
Գարեգին Բ-ի եղբորորդի Համբարձում Ներսիսյանին դատարանը նշանակել է ազատազրկում երեք տարի հինգ ամիս ժամկետով և որոշել է պատիժը հետաձգել, մինչև նրա երեխան դառնա վեց տարեկան։
Հյուրանոցի նախասրահից՝ ոստիկանություն․ ինչով ավարտվեց Նուրմագոմեդովի և Դվալիշվիլիի բախումը
Արաբական Միացյալ Էմիրությունների մայրաքաղաք Աբու Դաբիում միջադեպ է տեղի ունեցել խառը մենամարտերի (MMA) աշխարհի հայտնի ներկայացուցիչների մասնակցությամբ։ Ոստիկ…
ՏԵՍԱՆՅՈՒԹ. Rate.Trading․ Խոշոր գործարքներ՝ փոխարժեքի ռիսկերի թվային կառավարմամբ
Անշարժ գույքի ձեռքբերումը հաճախ ուղեկցվում է բազմաթիվ կազմակերպչական հարցերով։ Սակայն խոշոր գործարքների դեպքում կարևոր է հաշվի առնել նաև փոխարժեքի տատանումները, որոնք նույնիսկ փոքր փոփոխության դեպքում կարող են էականորեն ազդել գործարքի վերջնական արժեքի վրա։
Իսկ ինչպե՞ս փոխարժեքի տատանումը խնդրից վերածել օգտակար գործիքի․ ահա 3 պարզ քայլ, որոնք կօգնեն ձեր միջոցներն օգտագործել հնարավորինս արդյունավետ:
- Մի՛ շտապեք․ խոշոր գումար փոխանակելիս կարևոր է հետևել փոխարժեքի փոփոխություններին և գործարքը կատարել՝ հաշվի առնելով ձեր ֆինանսական նպատակներն ու նախընտրած պայմանները։
- Խնայե՛ք ժամանակը․ խոշոր գումարների փոխանակման համար տարբեր մասնաճյուղեր այցելելու անհրաժեշտություն այլևս չկա։ Թվային հարթակների միջոցով կարող եք կառավարել արժութային գործարքները՝ առանց մասնաճյուղ այցելելու։
- Ուշադրությո՛ւն դարձրեք պայմաններին․ խոշոր գումարների փոխանակման դեպքում կարևոր է հաշվի առնել ոչ միայն փոխարժեքը, այլև գործարքի պայմաններն ու սպասարկման վճարները։
Այս բոլոր մոտեցումները գործնականում կիրառելու և խոշոր գործարքները շահավետ դարձնելու համար Rate.am-ն ու IDBank–ը համատեղ ստեղծել են Rate.Trading հարթակը․ հատուկ մշակված թվային միջավայր, որը լիովին փոխում է խոշոր ծավալի արտարժույթ փոխանակելու պատկերացումները։
Հարթակը թույլ է տալիս առաջարկել ձեր նախընտրած փոխարժեքը՝ ներկայացնելով արտարժույթի գնման կամ վաճառքի համապատասխան հայտ։ IDBank-ի կողմից հայտի հաստատման դեպքում գործարքը կատարվում է անմիջապես բանկի հետ։
Rate.Trading հարթակը հասանելի է Idram&IDBank հավելվածից կամ rate.am կայքից։ Բոլոր առևտրային հաշիվները բացվում և սպասարկվում են IDBank–ի կողմից։
Օգտվե՛ք Rate.Trading-ի հնարավորություններից՝ արժութային գործարքներն առցանց իրականացնելու և փոխարժեքի ռիսկերն ավելի արդյունավետ կառավարելու համար։
ԲԱՆԿԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ
ԿԱՐԴԱՑԵՔ ՆԱԵՎ
«Գողակա՞ն ես դու, ա՛յ տղա, թե՞ խուժան»․ Բագրատ Սրբազան (տեսանյութ)
Վահափառի եղբայրն ու եղբորորդին դատապարտվեցին
Արմավիրի մարզի ընդհանուր իրավասության դատարանը՝ դատավոր Գևորգ Մանուկյանի նախագահությամբ, Վեհափառ Հայրապետի եղբորը դատապարտեց 2 տարի 5 ամիս ժամկետով ազատազրկման, բայց որոշեց պատիժը պայմանականորեն չկիրառել՝ սահմանելով փորձաշրջան։
Իսկ Վեհափառի եղբորորդուն՝ Համբարձում Ներսիսյանին, դատապարտեց 3 տարի 5 ամիս ժամկետով ազատազրկման, սակայն պատժի կիրառումը հետաձգեց՝ սահմանելով փորձաշրջան։
Ի՞նչ ապացուցեցիք, ի՞նչ եք պարզել, ասեք, քաղաքացիներն իմանան․ Բագրատ սրբազանի հարցն ու դրան հաջորդած բանավեճը
Բագրատ սրբազանի և աջակիցների գործով հերթական դատական նիստի ժամանակ Սրբազանի ու հանրային մեղադրող դատախազի միջև բանավեճ ծավալվեց՝ կապված գործի շրջանակում իրականացված հետազոտությունների արդյունքների ներկայացման հետ։
Բագրատ սրբազանը, դիմելով դատախազին, հետաքրքրվեց՝ ի՞նչ արդյունքներ են տվել այս փուլում իրականացված հետազոտությունները, ի՞նչ են դրանք փաստել և ի՞նչ նշանակություն ունեն գործի հանգամանքների պարզաբանման համար։
«Հիմա այս հետազոտություններն ի՞նչ ցույց տվեցին, ուզում եմ, որ հանրությունն էլ լսի դրա մասին, ի՞նչ փաստեցին, ի՞նչ վկայություն տվեցին, ինչպե՞ս առնչվեց այս ամբողջ պատմության հետ»,- հարցրեց նա։
Սրբազանի խոսքով՝ դատավարության առաջին իսկ օրվանից իրենք բարձրացրել են այդ հարցը, սակայն իրենց պատասխանել են, որ դրա մասին կխոսեն եզրափակիչ խոսքում։
Նա նշեց, որ հետազոտությունների մի փուլն արդեն ավարտվել է, մի քանի նիստ է հատկացվել դրանց քննարկմանը, և հանրությունը պետք է տեղեկանա դրանց արդյունքների մասին։
«Այսպես ասել-անցնելը նշանակում է ասելիք չունենալ։ Սա չի նշանակում ասելիք ունենալ՝ ծանրակշիռ»,- հայտարարեց Բագրատ սրբազանը։
Դատախազն, իր հերթին, հակադարձեց՝ նշելով, որ դեմ է դատական նիստերի ընթացքում, իրենց որակմամբ, «մերկապարանոց և սադրիչ» հայտարարություններին։
Սրբազանն ասաց՝ արդյոք չե՞ն վիրավորում իրեն՝ հնչեցրած հարցը «մերկապարանոց հայտարարություն» կոչելով։ Նա անհիմն կոչեց դատախազի գնահատականը։
Այնուհետև կրքերը լարվեցին, երբ հանրային մեղադրողը, դիմելով Սրբազանին, ասաց՝ «շնորհակալություն, որ վերցիր վրեդ»։
Արդեն դատարանի բակում լրագրողների հետ զրույցում Բագրատ սրբազանը վրդովմունք հայտնեց դատախազի պահվածքի կապակցությամբ։
«Շնորհակալություն, որ վերցիր վրեդ»․ սա հանրային մեղադրող դատախազի խո՞սք է, ձեզ եմ հարցնում։ Սա խուլիգանի, փողոցայինի արտահայտությո՞ւն է, թե՞ ոչ, սա դատախազի խո՞սք է։ Քանի որ բան չունեն ասելու, հետևաբար՝ այս վարքը պիտի դրսևորեն»,- վրդովված ասաց նա։
Անի Աբաղյան