Օգոստոսի 22-ին՝ ժամը 21։29-ին, Տավուշի մարզային օպերատիվ կառավարման կենտրոն ահազանգ է ստացվել, որ Ներքին Գոշ բնակավայրի Մխիթար Գոշ փողոցի տներից մեկի մոտակայքում քաղաքացին ընկել է Գետիկ գետը։ Այդ մասին հայտնում են ՆԳՆ ՓԾ-ից։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ քաղաքացին մոտ 6 մետր բարձրությունից ընկել է գետափնյա հատված։
Փրկարարները պարանի և պատգարակի օգնությամբ քաղաքացուն դուրս են բերել գետափնյա հատվածից և մոտեցրել շտապօգնության ավտոմեքենային։ Տուժածը հոսպիտալացվել է։
Ուկրաինայի հետախուզության բարձրաստիճան պաշտոնյաներից մեկի խոսքով՝ Հյուսիսային Կորեան Ռուսաստան է ուղարկել լրացուցիչ 8500 զինծառայող․ գրում է CNN-ը։
Ուկրաինայի պաշտպանական հետախուզության պետի տեղակալ, գեներալ-մայոր Վադիմ Սկիբիցկին նշել է, որ հյուսիսկորեական զորքերի նոր խումբը ներառում է անօդաչու սարքերի կառավարմամբ զբաղվող ստորաբաժանում, որը կարող է հարվածներ հասցնել Ուկրաինայի տարածքում գտնվող թիրախներին։
Նշվում է, որ Հյուսիսային Կորեան երկու տարի առաջ Ռուսաստանի հետ կնքել է փոխադարձ պաշտպանության մասին համաձայնագիր, որի համաձայն՝ 2024 թվականի վերջից զորքեր է ուղարկում՝ Կիևի դեմ Մոսկվայի ռազմական գործողություններին աջակցելու համար։
Սկիբիցկիի խոսքով՝ սեպտեմբերին կայանալիք հանդիպման ժամանակ ՌԴ նախագահ Վլադիմիր Պուտինը հնարավոր է՝ իր հյուսիսկորեացի գործընկերոջից խնդրի ևս 50․000 զինծառայող ուղարկել Ռուսաստան։
Պաշտոնյան նշել է, որ արդեն իսկ ՌԴ-ում տեղակայված հյուսիսկորեական զորքերը հիմնականում գտնվում են Կուրսկի մարզում, նրանց կազմում է շուրջ 1000 ինժեներ և ականազերծող մասնագետ։ Կա նաև անօդաչու սարքերի 400 օպերատոր։
Ես չեմ մոռացել, քավ լիցի, չեմ մոռացել, որ ասել եմ՝. «Արցախը Հայաստան է և վերջ»։ Բայց վերջին տարիներին տասնյակ անգամներ անդրադարձած լինելով այս թեմային, ուզում եմ ամփոփել մեկընդմիշտ: Հայաստանյան ավագ և միջին սերնդի քաղաքական, ըստ էության, բոլոր գործիչների քաղաքական ծագումնաբանությունը հանդիսացած Ղարաբաղյան շարժմանը և Ղարաբաղը Հայաստան տեսնելու գաղափարին անմնացորդ նվիրումն է, որ ինձ ու իմ գործընկերներին համարձակություն է տվել առաջ գնալ, բացել վարագույրը և տեսնել, թե ինչ կա Ղարաբաղի շարժման հետևում։ 35 տարի Հայաստանը ոչինչ չի խնայել Ղարաբաղի համար, բացարձակապես ոչինչ։ Մեր կառավարությունը ոչինչ չի խնայել Ղարաբաղի համար։ Մեր կառավարման տարիներին նախորդող նույն ժամանակահատվածի համեմատ մեկ միլիարդ դոլարից ավել ֆինանսավորում ենք հատկացրել Ղարաբաղին։ Սա այն գումարն է, որը հաշվարկվում է հավելյալ նախորդող նույն ժամանակահատվածի համեմատ։
Եվ ի վերջո մենք վարագույրը բացելու և տեսնելու համարձակություն ենք ունեցել, որ Ղարաբաղյան շարժումը ոչ այլ ինչ է, քան Հայաստանի պետականություն ու ապագան զրոյացնելու նախագիծ, ու մենք ժողովրդի տված մանդատով փակել ենք այդ նախագիծը, Հայաստանի պետականության հարատևության համար, բացելով անսահմանափակ հնարավորություններ։ Կօգտվենք մենք այդ հնարավորությունից, թե ոչ, ուրիշ հարց է։
Մենք ոչ միայն Ադրբեջանում, այլև Թուրքիայում չպետք է Հայաստան փնտրենք, Իրանում չպետք է Հայաստան փնտրենք, Վրաստանում չպետք է Հայաստան փնտրենք, երկու հիմնական ռացիոնալ պատճառով:
«Առաջինը, երբ Հայաստանից դուրս Հայաստան ենք փնտրում, տեսադաշտից և ուշադրությունից դուրս ենք թողնում Հայաստանի Հանրապետությունը, նրա կարիքներն ու շահերը, նրա համար հոգ տանելու մեր պատասխանատվությունը և պարտավորությունը, և երկրորդ, ոչ պակաս կարևոր պատճառը, երբ մենք հայրենիք ենք փնտրում մեր չորս հարևանների միջազգային ճանաչված տարածքներում, բացում ենք այն դուռը, որով նրանք իրենց հայրենիքն են փնտրում Հայաստանի Հանրապետության միջազգայնորեն ճանաչված տարածքներում։ Եվ ստացվում է, որ մենք փնտրում ենք չորս տեղ, իրենք չորսով փնտրում են մի տեղ՝ մեր երկրում, մեր պետությունում, մեր հայրենիքում, ու մենք հայտնվում ենք «մեկն ընդդեմ չորսի» կարգավիճակում։
Ու երբ հայտնվում ենք մեկը ընդդեմ չորսի կարգավիճակում, անխուսափելիորեն հասկանում ենք, որ չենք կարող նման հարևանության մեջ ապրել առանց արտաքին օգնության, իսկ նա, ով գալիս է մեզ օգնելու, որ մենք մեր հարևանության մեջ կարողանանք ապրել, պարզվում է, ինքն էլ իր հայրենիքն է փնտրում այստեղ և նույնիսկ վիրավորվում է, որ մենք մեզ, մեր պետության ու անկախությանը լուրջ ենք վերաբերվում, և չենք հասկանում, որ ընդամենը տեղապահ ենք, ժամանակավոր տեղապահ և գործիք պատմական արդարության, իր պատմական արդարության վերականգնման համար։
Այս սոցիալ հոգեբանության շաղվիղներում պատմության այս տրամաբանության ընթացքի մեջ է, որ հայ ժողովուրդը ենթարկվել է կոտորածների ու ցեղասպանության, ինքն էլ չհասկանալով, թե ինչու է դա մեզ հետ տեղի ունենում։ Եվ «Արցախը, Հայաստանը և վերջը» ծառայել է այս նպատակին, որ ի վերջո բացենք մեր պատմության վարագույրը, մտնենք մեր պատմության և իրականության կուլիսներ և տեսնենք, թե ինչ է կատարվում, որ լսենք ի վերջո պատմական Հայաստանի ուղերձը, որը մեզ ասում է՝ «Մի գնացեք իմ ճանապարհով, մի դարձրեք հերթական պատմական Հայաստանը», որ լսենք մեր պատմության ուղերձները, որը մեզ ասում է՝ «մի կրկնեք ինձ և «Արցախը Հայաստան է և վերջը» այն շրջադարձային կետն է, որը պիտի հանգեցներ մեր պատմության ընթացքի փոփոխությանը և մենք պատմության փակուղուց պիտի դուրս գայինք ու հայտնվեինք ապագայի խաչմերուկում ու մենք այսօր հայտնվել ենք ապագայի խաչմերուկում ու ապագան այսօր է։
Խաչմերուկը այստեղ է, Հայաստանի Հանրապետությունում։ Բայց սա այս ճանապարհի վերջը չէ։ Այս նոր ճանապարհի առանձնահատկությունն է սա, այն չունի և չի ունենում վերջ։ Վերջ ունենում է պատմության այն նախորդ տրամաբանությունը, որի մեջ գտնվել ենք մինչև 2024 թվականը։ Իսկ այս նոր պատմությունը վերջ չի ունենում, եթե ինքներս մեզ չենք առաջնորդում դեպի փակուղի։ Եվ Հայաստանի Հանրապետության ժողովրդի համախմբումը իրական Հայաստանի գաղափարախոսության շուրջ մեզ հիմք է տալիս համոզված լինելու, որ մենք այլևս չենք մտնի փակուղի»,–ասաց նա։
Խաղաղությունն անշրջելի և հարատև դարձնելու համար անհրաժեշտություն է Հայաստանում Լեռնային Ղարաբաղի հայերի վերադարձի և Ադրբեջանից հայ փախստականների վերադարձի իրավունքի մասին, իսկ Ադրբեջանում արևմտյան Ադրբեջանի և արևմտա-ադրբեջանցիների վերադարձի իրավունքի մասին խոսույթները չշարունակելը, այդ խոսույթներին վերջ դնելը։ Այս մասին, այսօր՝ օգոստոսի 24–ին, ԱԺ–ում կառավատության առաջիկա 5–ամյակի ծրագիրը ներկայացնելիս հայտարարեց ՀՀ վարչապետ Նիկոլ Փաշինյանը։
Նա, մասնավորապես, նշեց. «Սա հարց է, որը թե Հայաստանում, թե Ադրբեջանում հասցեագրելու անհրաժեշտություն կա հանուն մեր սերունդների խաղաղ համակեցության իրավունքի։ Հայաստանի և Ադրբեջանի ժողովուրդների խաղաղությունն ու խաղաղ համակեցությունն է այն իրավունքը, որ մենք այսօր պետք է առարկայացնենք և հետապնդենք և պետք է կարողանանք հաղթահարել սրան հակասող որևէ խոսույթ և գործողություն։ Մենք պետք է դադարենք Ադրբեջանում Հայաստան փնտրել, Ադրբեջանը պետք է դադարի Հայաստանում Ադրբեջան փնտրել»։
Ազգային ժողովում վարչապետ Նիկոլ Փաշինյանի ելույթի ընթացքում լարված իրավիճակ է ստեղծվել։ Երբ նա Վեհափառի մասին խոսելիս հիշատակել է նրա աշխարհիկ անունը, ընդդիմադիր պատգամավորները դժգոհություն են արտահայտել՝ սկսելով հարվածել խորհրդարանի դահլիճի սեղաններին։
Կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։ Բոլոր լրատվական հրապարակումները անհատական օգտագործման համար են։
Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։
Ուկրաինայի նախագահ Վլադիմիր Զելենսկին հայտարարել է, որ երկիրն այսօր կանգնած է «երկու գլոբալ խնդրի» առաջ. դրանք են՝ ռուսական բալիստիկ հրթիռների հարվածները և պաշտպանության ոլորտի ֆինանսավորումը։ Այս մասին նա գրել է իր տելեգրամյան ալիքում կիրակի՝ օգոստոսի 23-ին։
Խոսելով ֆինանսական դժվարությունների մասին՝ Զելենսկին նշել է, որ Ուկրաինան Եվրամիությունից ակնկալում է 30 միլիարդ եվրո, որը պետք է հատկացվի երկու տարվա համար նախատեսված 90 միլիարդանոց վարկային ծրագրի շրջանակում։
Նրա խոսքով՝ այս գումարի ստացումը կապված է «համապատասխան օրենքների ընդունման» հետ։ «Այստեղ չափազանց կարևոր է, որ խորհրդարանն աշխատի լիարժեք կազմով՝ ներառյալ ընդդիմությունը։ Այդ 30 միլիարդը չկա ո՛չ իշխանության, ո՛չ էլ ընդդիմության գրպանում. դրանք անհրաժեշտ են ամբողջ երկրի պաշտպանության համար»,- ընդգծել է նա։
Զելենսկին նաև հայտնել է, որ Պաշտպանության նախարարության բյուջեում 27 միլիարդ դոլարի (ավելի քան 23,1 միլիարդ եվրո) դեֆիցիտ է առաջացել, քանի որ տարվա առաջին կիսամյակում նախատեսվածից ավելի շատ գումար է ծախսվել։ Նրա փոխանցմամբ՝ 8-10 միլիարդ դոլար անհրաժեշտ է բանակը 2027 թվականի հունվարին նախապատրաստելու համար, իսկ մոտ 20 միլիարդը՝ զինվորականների աշխատավարձերն ու զոհվածների ընտանիքների վճարումները ծածկելու համար։
«Մեծ գումարների կարիք կա։ Այս հարցով հիմա աշխատում եմ Ֆրանսիայի և Գերմանիայի հետ։ Ըստ էության, պետք է արագացնենք Ուկրաինայի համար նախատեսված եվրոպական միջոցների երկրորդ մասի հատկացումը, ինչը չափազանց բարդ խնդիր է»,- հավելել է Ուկրաինայի ղեկավարը։
Զելենսկու այս հայտարարությունը հնչել է այն օրը, երբ Կիև են ժամանել «Հյուսիս-բալթյան ութնյակի» (NB8) անդամ վեց երկրների՝ Դանիայի, Լատվիայի, Լիտվայի, Նորվեգիայի, Ֆինլանդիայի և Էստոնիայի ղեկավարները։ Նրանց այցը համընկել է Ուկրաինայի Անկախության օրվա նախաշեմի հետ, որը նշվում է օգոստոսի 24-ին։
Ուկրաինայի արտաքին գործերի նախարար Անդրեյ Սիբիգան հայտնել է, որ բարձրաստիճան հյուրերը Զելենսկու հետ կունենան երկկողմ ու բազմակողմ հանդիպումներ. «Կընդունվեն կարևոր որոշումներ և կարվեն ծանրակշիռ հայտարարություններ»։
Մասնավորապես, Նորվեգիայի վարչապետ Յոնաս Գար Ստյորեն արդեն իսկ հայտարարել է, որ երկրի կառավարությունը կդիմի խորհրդարանին (Ստորտինգին)՝ առաջարկելով 2027 թվականին Ուկրաինային հատկացնել 85 միլիարդ կրոն (մոտ 8 միլիարդ եվրո)։ Նույնքան գումար Օսլոն Կիևին տրամադրել էր նաև 2026 թվականին։