Մեծ Բրիտանիայում երեք օդանավակայան ենթարկվել է կիբերհարձակման։ Արդյունքում՝ գողացվել են ուղեւորների անձնական տվյալները։ Այս մասին հայտնում է Sky News-ը։ Հարձ…
ԱԲ-ն մտնում է կրթական համակարգ․ 50 հազար ChatGPT Edu բաժանորդագրություն՝ սեպտեմբերից
Նոր ուսումնական տարում առանցքային ուղղություններից է լինելու նաև արհեստական բանականության կրթական գործիքների կիրառման ընդլայնումը հանրակրթության և բարձրագույն կրթության համակարգերում։
Սեպտեմբերից նախատեսվում է հասանելի դարձնել ChatGPT Edu գործիքի 50 հազար բաժանորդագրություն։ Հանրակրթության համակարգում դրանցից կկարողանան օգտվել ավագ դասարանների սովորողները, ինչպես նաև բուհական համակարգի ներկայացուցիչները։ Ըստ նախարարի՝ ԱԲ գործիքները կարող են դպրոցների ղեկավարներին օգնել վերլուծել էլեկտրոնային մատյանում առկա տվյալները և բացահայտել առավել խոցելի ուղղությունները։ Ուսուցիչները, իրենց հերթին, հնարավորություն կունենան նվազեցնելու մեխանիկական աշխատանքի ծավալը՝ գործիքներն օգտագործելով առաջադրանքների, թեստերի կազմման և թեմատիկ պլանավորման համար։
«Կրթական համակարգը պետք է սովորի առնչվել արհեստական բանականության հետ։ Դա իրողություն է, որն այլևս մեր կյանքի մասն է։ Միայն գրագետ և մտածված լուծումների շնորհիվ կկարողանանք այդ գործիքակազմը ծառայեցնել ի նպաստ որակյալ կրթության»,- ընդգծել է նախարարը և հավելել, որ նախատեսվում են ուսուցիչների և տնօրենների վերապատրաստումներ։
Անդրադառնալով ԱԲ կրթության ծրագրերին՝ Ժաննա Անդրեասյանը նշել է՝ STEP AI ծրագիրն արդեն մի քանի տարի իրականացվում է 15 դպրոցում, իսկ «Արհեստական բանականության սերունդ» ծրագիրը սեպտեմբերից հասանելի կլինի 39 դպրոցում։
Ըստ նախարարի՝ ծրագրերը սովորողներին հնարավորություն են տալիս զարգացնել ժամանակակից աշխատաշուկայում անհրաժեշտ հմտությունները և ընդլայնել մասնագիտական կողմնորոշման հնարավորությունները։
Պաշտպանության նախարարը հետևել է ԱԹՍ-ների ստորաբաժանումների վարժանքներին (տեսանյութ)
ՀՀ պաշտպանության նախարար Սուրեն Պապիկյանը սոցիալական ցանցերի իր էջերում տեսանյութ է հրապարակել և հայտնել, որ դիտել է անօդաչու թռչող սարքերի (ԱԹՍ) ստորաբաժանումների պարապմունքը։
Նախարարի կողմից իրականացվող այս դիտարկումներն ու անակնկալ ստուգայցերը զորամասեր կրում են շարունակական բնույթ։ Դրանց նպատակն է անձամբ ծանոթանալ զինծառայողների մարտավարական պատրաստությանը, սահմանված օրվա կարգացուցակի կատարմանը և ստորաբաժանումների կառավարման արդյունավետությանը:
Դատավոր Սերժ Ռուշանյանի արածն ավելի վատ էր, քան՝ նախորդ դատավորի․ ինչու՞ Երևան
Դատավոր Սերժ Ռուշանյանի արածը, իմ կարծիքով, ավելի վատ էր, քան նախորդ դատավորի արածը։ Ընդդատության տեսությունը մի առանձնապես բարդ մաթեմատիկա չէ – գործն ըստ ըն…
Երբ մարդը երես է թեքում լույսից, լույսը չի անհետանում, նա ինքն է հայտնվում ստվերում․ Տեր Հեթում
Մենք հաճախ ասում ենք՝ «Աստված նեղանում է մեզանից»։ Բայց արդյո՞ք Աստծո «նեղանալը» կարելի է հասկանալ այնպես, ինչպես մարդու նեղանալը, նշում է Ախթալայի և հարակից…
ՌԴ-ն ծրագրում է 600 հազար մարդ մոբիլիզացնել․ Ուկրաինայի հետախուզություն
Ռուսաստանի զինված ուժերի գլխավոր շտաբը պատրաստել է 2026–2027 թվականներին 600 հազար մարդու լրացուցիչ զորահավաքի տարբերակը (տարեկան 300 հազարական մարդ): Այս մասին ասված է Ուկրաինայի պաշտպանության նախարարության հետախուզության գլխավոր վարչության և Արտաքին հետախուզության ծառայության հայտարարության մեջ։
«Ուկրաինան տեղեկություններ ունի, որ ռուսական Գլխավոր շտաբն արդեն պատրաստել է այս և հաջորդ տարի որոշակի ժամկետներում 600 հազար մարդու լրացուցիչ զորահավաքի տարբերակը:
Նախատեսվում է առաջին հերթին համալրել ուկրաինացիների դեմ կռվող զորամիավորումներն ու զորամասերը, ինչպես նաև ռուսական զորքերի նոր ձևավորվող ստորաբաժանումները», — նշված է հաղորդագրության մեջ։
Դպրոցական դասագրքերի համար ծնողները սոցիալական կրեդիտ ստանալու հնարավորության կունենան
Համընդհանուր եկամուտների հայտարարագրման համակարգի շրջանակում ծնողները դպրոցական դասագրքերի համար 3000 դրամի չափով սոցիալական կրեդիտ ստանալու հնարավորության կունենան: Հնարավորությունից կարող են օգտվել ավելի քան 300 հազար երեխաների ծնողներ։
Այս մասին տեղեկացրեց Հայաստանի կրթության, գիտության, մշակույթի և սպորտի նախարար Ժաննա Անդրեասյանը՝ հիշեցնելով, որ տարրական դասարանների աշակերտների համար դասագրքերն ամբողջությամբ անվճար տրամադրվում են պետության կողմից։
«Սոցիալական կրեդիտի այս ծրագիրը բերել է նրան, որ, ըստ էության, 5-րդ և 6-րդ դասարաններում սոցիալական կրեդիտի չափը համադրելի է վարձավճարի հետ և կարելի է ասել, որ դասագրքերի վարձավճարը զրոյանում է: Հավելեմ, որ դասագրքերի գնման ոլորտում կարգի և մրցակցային քաղաքականության փոփոխությունից հետո դրանց արժեքը միջինը նվազել է 26 տոկոսով։ Մնացած դասարաններում դասագրքերի վարձավճարները նվազել է ավելի քան 66 տոկոսով»,- ասաց Անդրեասյանը:
Նախարարը ծնողներին կոչ արեց չմոռանալ մասնակցել եկամուտների համընդհանուր հայտարարագրման համակարգին, քանի որ դրա միջոցով նրանք կարող են հետ ստանալ դասագրքերի համար վճարված գումարը։
Լեհաստանի դեսպանին կանչել են Ադրբեջանի ԱԳՆ
Լեհաստանի դեսպանը կանչվել է Ադրբեջանի ԱԳՆ, հաղորդում են տեղական ԶԼՄ-ները։
Նշվում է, որ հանդիպման ընթացքում խոր մտահոգություն է հայտնվել Ադրբեջանի դեմ ուղղված տեսանյութի վերաբերյալ, որը 2026 թվականի օգոստոսի 26-ին հեռարձակվել էր լեհական հանրային հեռուստաընկերության (TVP World) «Eastern Express» ծրագրով։
«Սյուժեում տեղ են գտել ադրբեջանական պետության և նրա ղեկավարության հասցեին կողմնակալ, ոչ օբյեկտիվ և բացարձակ անընդունելի պնդումներ։ Բացի այդ, նշվել է հաղորդավարի սադրիչ վարքագիծը։
Այս կապակցությամբ լեհական կողմին հանձնվել է բողոքի նոտա։
Լեհաստանի կառավարության կողմից ֆինանսավորվող հանրային հեռարձակողի եթերում Ադրբեջանի նկատմամբ բացասական բովանդակության հեռարձակումը գնահատվել է որպես ոչ բարեկամական քայլ, որը հակասում է երկու երկրների միջև գործընկերային հարաբերությունների ոգուն և կարող է լուրջ վնաս հասցնել երկկողմ կապերին։
Լեհական կողմին կոչ է արվել անհապաղ և արդյունավետ միջոցներ ձեռնարկել՝ Ադրբեջանի դեմ ուղղված նման սադրիչ արշավները դադարեցնելու համար», — նշել են Բաքվում։
Ջերմուկը՝ COP17-ին ընդառաջ – Ecolur
Հանքային ջրերը, լեռնային լանդշաֆտները, անտառները, գետերը, հարուստ կենսաբազմազանությունն ու առողջարանային ներուժը ձևավորել են Ջերմուկի ինքնությունն ու զբոսաշրջային գրավչությունը։ Այս բնական ժառանգության պահպանությունն ու կայուն օգտագործումը համայնքի ապագայի կարևոր նախապայմաններից են։
Այս տարի հոկտեմբերին կայանալիք ՄԱԿ-ի Կենսաբազմազանության մասին կոնվենցիայի կողմերի 17-րդ համաժողովին (COP17) ընդառաջ «Էկոլուր» տեղեկատվական ՀԿ-ն իրազեկման հանդիպում անցկացրեց Ջերմուկ համայնքում։ Հանդիպման նպատակն էր քննարկել Ջերմուկի կենսաբազմազանության պահպանությունը, բնապահպանական առաջնահերթություններն ու համայնքի մասնակցությունը COP17-ին։
Վայոց ձորի մարզպետի աշխատակազմի գյուղատնտեսության և շրջակա միջավայրի պահպանության վարչության պետ Գեղամ Մարգարյանի գնահատմամբ՝ COP17-ը համայնքների համար նոր հնարավորություններ է ստեղծում միջազգային օրակարգում ներկայացնելու իրենց խնդիրներն ու առաջնահերթությունները։
Նրա խոսքով՝ մարզում առաջնահերթ խնդիրներից է ջրային ռեսուրսների արդյունավետ կառավարումը։ Մարզի տարածքով անցնում են Արփա և Եղեգիս գետերի ջրահավաք ավազանները, սակայն առկա ջրային պաշարների օգտագործման մակարդակը ցածր է, իսկ ջուրը կուտակելու և արդյունավետ օգտագործելու համար անհրաժեշտ ենթակառուցվածքները բավարար չեն։
«Կլիմայի փոփոխությունը բերում է նրան, որ ջրային ռեսուրսներն ապագայում խիստ սահմանափակ են լինելու, և մենք արդեն այսօր պետք է խնամքով վերաբերվենք մեր ունեցածին, օգտագործենք ու պահպանենք խնայողաբար»,- ասաց նա։
Գեղամ Մարգարյան
Մարզի տնտեսական զարգացման հեռանկարները, ըստ Գեղամ Մարգարյանի, սերտորեն կապված են գյուղատնտեսության և զբոսաշրջության հետ։ Զբոսաշրջային ներուժը կապված է բնական միջավայրի պահպանության հետ։
Մարզի զբոսաշրջային կենտրոնն է Ջերմուկը։ «Վիզիթ Ջերմուկ» զբոսաշրջային տեղեկատվական հարթակի հիմնադիր տնօրեն Նարեկ Միրզոյանը նշեց՝ Ջերմուկի զբոսաշրջային գրավչության հիմքում են բուժիչ հանքային ջրերը, բացառիկ բնությունը և կենսաբազմազանությունը։ Եվ բնության պահպանությանն ուղղված ցանկացած քայլ միաժամանակ ներդրում է կայուն զբոսաշրջության զարգացման գործում։
«Ջերմուկը Հայաստանի ամենաճանաչված առողջարանային և զբոսաշրջային ուղղություններից մեկն է, որի գլխավոր արժեքը ոչ միայն բուժիչ հանքային ջրերն ու բնական ռեսուրսներն են, այլև բացառիկ կենսաբազմազանությունն ու անաղարտ բնությունը։ Մեր քաղաքի զբոսաշրջային գրավչությունն անմիջականորեն կապված է շրջակա միջավայրի պահպանության հետ, և հենց այդ պատճառով բնության պահպանությանն ուղղված յուրաքանչյուր նախաձեռնություն նաև ներդրում է կայուն զբոսաշրջության զարգացման գործում։
COP17-ին ընդառաջ կազմակերպվող այս հանդիպումը կարևոր հարթակ է՝ քննարկելու, թե ինչպես կարող են տեղական ինքնակառավարման մարմինները, քաղաքացիական հասարակությունը, մասնավոր հատվածը և համայնքի բնակիչները համատեղ նպաստել Ջերմուկի բնական ժառանգության պահպանմանը և դրա արժևորմանը», – ասաց Նարեկ Միրզոյանը։
Նա նշեց, որ շուտով նախատեսվում է «Վիզիթ Ջերմուկ» հարթակի եռալեզու կայքի գործարկումը, որտեղ այցելուները հնարավորություն կունենան տեղեկություններ ստանալ մարզի տեսարժան ու հետաքրքիր վայրերի մասին և ընտրել իրենց այցելության ուղղությունները։
Մակեդոն Ալեքսանյանը և Նարեկ Միրզոյանը
Ջերմուկի բնակիչ Մակեդոն Ալեքսանյանը քաղաքի մասին իր հիշողություններն ամփոփել է գրքում։ Ըստ նրա՝ տարիների ընթացքում քաղաքի բնապատկերը զգալիորեն փոխվել է․ «Այսօր մանկությանս պատկերները չկան։ Գնում եմ, չեմ ճանաչում՝ որտեղ ինչ էր։ Շատ բան է փոխվել»։
Նրա հիշողություններում Ջերմուկը գորտերի կռկռոցով, ծիծեռնակների բներով և գիշերային լուսատիտիկներով լի բնություն ուներ։ Այսօր այդ պատկերներից շատերը, նրա խոսքով, այլևս չկան․ «Դրանք հիմա չկան։ Այս սերնդի համար դրանք կարող են դինոզավրերի նման լինել՝ միայն պատմությունից իմանան, որ եղել են»։
Մակեդոն Ալեքսանյանը նշեց, որ Ջերմուկի բնության պահպանության համար դեռ վաղուց պետք էր ստեղծել «Ջերմուկ» ազգային պարկը, քանի որ Ջերմուկի բնական հարստությունը՝ ջրերը, անտառները, կիրճերը, ջրվեժներն ու մյուս բնական արժեքները պահանջում են առավել համակարգված պահպանություն։
Մակեդոն Ալեքսանյանը Ջերմուկի համար կարևոր բնապահպանական ռիսկերից մեկը համարեց Ամուլսարի ոսկու հանքավայրի շահագործումը․ «Ամուլսարը շատ մեծ վտանգ է Ջերմուկի համար։ Այնտեղ Կարմիր գրքում ընդգրկված բուսականություն կա։ Չգիտեմ՝ ինչպես են նախատեսում դրանք տեղափոխել, բայց վտանգն իրական է»։
Նրա խոսքով՝ այսօր առաջնային է ոչ միայն նոր պահպանվող տարածքներ ստեղծելը, այլև արդեն գոյություն ունեցող բնական արժեքները չկորցնելը․ «Ջերմուկը կարող է ներկայանալ COP17-ին իր օրակարգով։ Հիմա պետք է գոնե եղածը պահպանենք»։
Հանդիպման մասնակիցները նշեցին, որ Ջերմուկի համար COP17-ը հնարավորություն է միջազգային հարթակում ներկայացնելու ոչ միայն իր բնության հարստությունը, այլև այն, թե ինչպիսի զարգացման մոդել է ցանկանում ընտրել համայնքը՝ պահպանելով իր բնական կապիտալը նաև հաջորդ սերունդների համար։
Հանդիպումն անցկացվեց «Քաղաքացիական հասարակության առաջնորդության և կենսաբազմազանության կառավարման ամրապնդումը՝ Հայաստանում կայանալիք COP17-ի նախօրեին» ծրագրի շրջանակում, որն իրականացնում է «Էկոլուր» տեղեկատվական ՀԿ-ն՝ Հայնրիխ Բյոլ հիմնադրամի հայաստանյան մասնաճյուղի աջակցությամբ։
Այս հոդվածում արտահայտված մտքերը հեղինակինն են և չեն արտահայտում Հայնրիխ Բյոլ հիմնադրամի Հարավային Կովկասի տարածաշրջանի երևանյան գրասենյակի տեսակետը։
Օգոստոս 28, 2026 at 19:18
Հայաստանում Հնդկաստանի շուրջ 50,000 քաղաքացի է աշխատում․ New Delhi Television
Հայաստանը դարձել է Հնդկաստանից սպառազինություն գնող ամենախոշոր երկիրը, ինչը լուրջ խթան է հանդիսացել հնդկական ռազմարդյունաբերության համար։ Հայաստանը 2 միլիարդ դոլարի զենք է ձեռք բերել Հնդկաստանից։ Այդ մասին նշվում է New Delhi Television-ի հոդվածում։
Հնդկաստանը նպատակ ունի ավելացնել ռազմական արտադրանքի արտահանումն ու զենք վաճառող խոշոր երկիր դառնալ, ուստի այս գործարքները բարձրացնում են Հայաստանի դերը Նյու Դելիի ռազմավարական ծրագրերում։
Հայաստանը կարող է հնդկական ռազմական ապրանքների արտահանման հանգույց դառնալ ինչպես տարածաշրջանի երկրների, այնպես էլ Արևելյան Եվրոպայի համար։
Վերջին իրադարձությունները ցույց են տվել, որ Սուեզի ջրանցքով անցնող առևտրային երթուղիներին այլընտրանքներ են պետք։ Այս ամենը «Հյուսիս-Հարավ» (INSTC) տրանսպորտային միջանցքի գաղափարի առաջ մղման կարևորագույն պատճառներից է։
Հնդկաստանի համար սա առանցքային նշանակություն ունի։ Դեպի Սև ծով, Հարավային ու Արևելյան Եվրոպա ամենակարճ ճանապարհն անցնում է Իրանի Չաբահար նավահանգստով դեպի Հայաստան՝ միանալով հայկական «Հյուսիս-Հարավ» ճանապարհին։ Այնուհետև երթուղին անցնում է Վրաստանով՝ դուրս գալով Բաթումիի ու Փոթիի նավահանգիստներ, իսկ այնտեղից՝ դեպի Միջերկրական ծով և Եվրոպա։
Բացի այդ, Հայաստանի հետ համագործակցության այլ հնարավորություններ էլ կան՝ առևտուր, հնդկական ընկերությունների համար արտադրական բազաների ստեղծում և աշխատանքային միգրացիա։ Այսօր Հայաստանում Հնդկաստանի շուրջ 50 000 քաղաքացի է աշխատում։
Այս ամենի հիմքում ընկած է նաև երկու հնագույն ժողովուրդների՝ հայերի և հնդիկների դարավոր բարեկամությունը։ Հնդկաստանը հայերի ընկալումներում առանձնահատուկ տեղ ունի, ինչն էլ իր հերթին լրացուցիչ առավելություն է տալիս Նյու Դելիին։