Օգոստոսի 30-ին՝ ժամը 09։23-ին, ՆԳՆ 112 օպերատիվ կառավարման կենտրոն ահազանգ է ստացվել, որ Երևանի Բագրատունյաց փողոցի շենքերից մեկի 5-րդ հարկի բնակարանի պատշգամբը փլուզվել է, ինչի հետևանքով երկու քաղաքացի ընկել է 4-րդ հարկ․ հայտնում է Փրկարար ծառայությունը։
Դեպքի վայր են մեկնել ՆԳՆ փրկարար ծառայության տարբեր ստորաբաժանումների ծառայողներ։
Փրկարարների օգնությամբ երկու անձ դուրս է բերվել վտանգավոր տարածքից։ Մեկ անձ հոսպիտալացվել է։
ԱՄՆ-ի USS Abraham Lincoln ավիակիրը կիրակի վաղ առավոտյան անցել է Սինգապուրի կողքով՝ ուղևորվելով դեպի ԱՄՆ՝ Մերձավոր Արևելքում երկարատև տազմական տեղակայումից հետո, հաղորդում է Associated Press-ը։
Ակնկալվում է, որ բազա վերադառնալուց առաջ նավը կկանգնի Թաիլանդում։
Associated Press-ի լրագրողներն ավիակիրը նկատել են Ինդոնեզիայի Բատամ կղզու մոտ, որը գտնվում է Սինգապուրի նեղուցի դիմաց։ USS Abraham Lincoln-ը Սինգապուրի մերձակայքով անցել է տեղական ժամանակով մոտ 01:00-ին։
Ավիակիրը մասնակցել է Իրանի դեմ ամերիկյան ռազմական գործողությանը։ Նրա տեղակայումը ռեկորդային է դարձել ծովում անընդմեջ գտնվելու տևողությամբ՝ նավը ավելի քան 250 օր անցկացրել է առանց նավահանգիստ մտնելու։
Այսքան երկար ծառայությունը մտահոգություն է առաջացրել անձնակազմի վիճակի վերաբերյալ։ Ավելի վաղ հաղորդվում էր զինծառայողների հոգեբանական վիճակի վատթարացման, ինչպես նաև որոշ պաշարների, այդ թվում՝ սննդամթերքի և հիգիենայի միջոցների պակասի մասին։
Թաիլանդի իշխանությունները հայտնել են, որ USS Abraham Lincoln-ը կանգ կառնի Թաիլանդում անձնակազմի հանգստի և վերականգնման համար, որից հետո կշարունակի ճանապարհը դեպի ամերիկյան բազա։
ՀՀ նախագահ Ռոբերտ Քոչարյանի նախկին խորհրդական Արամ Սարգսյանի՝ Ադրբեջանի նախկին արտգործնախարար Թոֆիգ Զուլֆուգարովի վերաբերյալ հայտարարությունը լայն հետաքրքրու…
Մերձավոր Արեւելքի երկրներում ծառայություն իրականացնող ամերիկացի դիվանագետները, ովքեր տարհանվել էին իրավիճակի էսկալացման հետեւանքով, սկսել են փուլ առ փուլ հետ…
Այսօր Սևանա լճի օրն է: 1999 թվականից օգոստոսի վերջին կիրակին Հայաստանում նշվում է որպես Սևանա լճի օր։ Այս մասին գրել է Հիդրոօդերևութաբանության և մոնիթորինգի կենտրոնի ղեկավար Լևոն Ազիզյանը:
«Սևանը լեռների մեջ բացված կապույտ աչք է, որի հայացքում ամբողջ Հայաստանն է արտացոլվում։
Այս տարի Սևանա լճի հիդրոօդերևութաբանական դիտարկումների պատմության մեջ առանձնահատուկ տարի է.
Հունիս ամսվա ընթացքում Սևանա լճի մակարդակը բարձրացել է 18 սմ-ով, ինչը 1927 թվականից իրականացվող դիտարկումների պատմության երկրորդ ամենաբարձր հունիսյան ցուցանիշն է։ Ավելի մեծ բարձրացում հունիս ամսին արձանագրվել է միայն 1988 թվականին, որը համարվում է Սևանա լճի հիդրոօդերևութաբանական դիտարկումների ամբողջ պատմության ամենաջրառատ տարին։
Մինչև 2026 թվականը Սևանա լճից բաց թողնված ջրի նվազագույն քանակը գրանցվել է 2002 թվականին՝ 99,46 մլն մ³։ Այս պահին առկա բոլոր դրական նախադրյալները վկայում են, որ 2026 թվականը կարող է դառնալ Սևանա լճից ամենաքիչ քանակությամբ ջրի բացթողմամբ տարի»։
Իրանը մտադիր չէ առաջինը վերսկսել նավերի տարանցումը Հորմուզի նեղուցով, քանի դեռ ԱՄՆ-ն չի կատարել իր ստանձնած պարտավորությունները, հայտարարել է Իրանի արտաքին գործերի նախարարի իրավական և միջազգային հարցերով տեղակալ Քազեմ Ղարիբաբադին, հաղորդում է Mehr-ը։
Ըստ նրա, Թեհրանը Օմանի հետ համաձայնության է եկել նեղուցով նավերի անցման կարգի շուրջ, սակայն դրա իրականացումը դեռ չի սկսվել, քանի որ կախված է ամերիկյան կողմի պարտավորությունների կատարումից։
«Երբ Ամերիկայի վրա դրված պայմաններն ու պարտավորությունները կատարվեն, Իրանի Իսլամական Հանրապետությունը նույնպես պատրաստ կլինի ձեռնարկել իր քայլերը Հորմուզի նեղուցի վերաբերյալ։ Եթե նրանք ոչինչ չանեն, Իրանը չի շտապի բացել նեղուցը և կշարունակի պաշտպանական միջոցներ ձեռնարկել», — ասել է Ղարիբաբադին։
Նա նաև հերքել է Հորմուզով նավերի ազատ անցման մասին հաղորդագրությունները՝ հայտարարելով, որ նեղուցը «ամբողջությամբ արգելափակված է»։ Ըստ նրա, ցանկացած նավ կարող է անցնել այնտեղով միայն իրանական կողմի հետ համաձայնեցումից հետո։
«Մեր զինված ուժերը լիովին վերահսկում են նեղուցում ցանկացած տեղաշարժ և լավագույնս կատարում են իրենց առաջադրանքը։ Ոչ մի նավ չի կարող անցնել Հորմուզի նեղուցով առանց Իրանի հետ համաձայնեցման», — ընդգծել է ԱԳՆ փոխնախարարը։
Ղարիբաբադին նշել է, որ ԱՄՆ-ի վերջին պատժամիջոցներն անակնկալ չեն եղել Թեհրանի համար, որը, ըստ նրա, դրանց լիովին պատրաստ էր։ Նա նաև մեղադրել է Վաշինգտոնին դիվանագիտական պայմանավորվածություններից բազմիցս հրաժարվելու մեջ։
«Եթե Ամերիկան կարծում է, որ ցանկանում է վերադառնալ դիվանագիտական բանակցությունների սեղանի շուրջ, ապա պետք է իմանա, որ Իրանը չի խախտել Իսլամաբադի հուշագիրը։ Հենց Ամերիկան է 16 ամսվա ընթացքում արդեն երրորդ անգամ դավաճանել դիվանագիտությանն ու բանակցությունների սեղանին», — հայտարարել է նա։
Ղարիբաբադին հայտնել է, որ Կատարը և Պակիստանն այժմ գնահատում են կողմերի՝ Իսլամաբադի հուշագրի շրջանակում պարտավորությունների կատարմանը վերադառնալու հնարավորությունը։ Թեհրանը միջնորդներին տեղեկացրել է, որ պատրաստ է Օմանի հետ պայմանավորվածության իրականացմանը, սակայն չի պատրաստվում առաջինը կատարել նեղուցի բացման հետ կապված պայմանները։
«Հենց Ամերիկան է կասեցրել իր պարտավորությունների կատարումը և հետ կանգնել դրանցից։ Վաշինգտոնը պետք է վերադառնա այդ պարտավորություններին։ Մենք հստակ նշել ենք, թե կոնկրետ ինչ քայլեր պետք է ձեռնարկի Ամերիկան», — ասել է Իրանի ԱԳՆ փոխնախարարը։
Վենեսուելայի ժամանակավոր նախագահ Դելսի Ռոդրիգեսը հայտարարել է, որ ԱՄՆ-ի հետ էներգետիկ համաձայնագիրը նախատեսված է 25 տարվա համար և նախատեսում է երկրում նավթի արդյունահանման ավելացում մինչև օրական ավելի քան 1,5 մլն բարել, հայտնում է Reuters-ը։
Ըստ նրա, պայմանագիրը միաժամանակ Վենեսուելայի համար պահպանում է բնական ռեսուրսների նկատմամբ սեփականության իրավունքն ու ինքնիշխանությունը։
«Այս երկկողմ նախագիծը նախատեսված է 25 տարվա համար և ներառում է 17 ռազմավարական նավթային հանքավայրերի մշակում՝ օրական ավելի քան 1,5 մլն բարել նպատակային արդյունահանման մակարդակով»,- ասել է Ռոդրիգեսը VTV պետական հեռուստաալիքի եթերում։
Նա ընդգծել է, որ օրական 1,5 մլն բարելը համաձայնագրի միայն սկզբնական նպատակն է։ Ավելի լայնածավալ ծրագիրը ենթադրում է նաև ութ նոր նավթային բլոկների յուրացում և երկրի էներգետիկ հատվածի ընդլայնում։
ԱՄՆ նախագահ Դոնալդ Թրամփը ուրբաթ հայտարարել է Վենեսուելայի նավթային ռեսուրսների նկատմամբ մասնակի վերահսկողությունը ամերիկյան ընկերություններին փոխանցելու ծրագրերի մասին։ Նա նշել է, որ ԱՄՆ-ն մասնավոր բիզնեսի հետ գործընկերության շրջանակում հնարավորություն է ստացել վերահսկել վենեսուելական նավթի ավելի քան 65 մլրդ բարել ապացուցված պաշարների մեծ մասը։
Վենեսուելան ունի աշխարհում ամենամեծ ապացուցված նավթային պաշարները, սակայն այժմ արդյունահանում է օրական մոտ 1,25 մլն բարել։ Արտադրության ծավալը զգալիորեն կրճատվել է ոլորտի երկարամյա թերֆինանսավորման, անարդյունավետ կառավարման և պատժամիջոցների պատճառով։
Ռոդրիգեսի գնահատմամբ, նոր համաձայնագիրը կարող է Վենեսուելայի պետությանը բերել մոտ 209 մլրդ դոլարի եկամուտ՝ մեկ բարելի համար նավթի միջին 65 դոլար գնից ելնելով։ Ընդ որում, համաձայնագրի շրջանակում արդյունահանված և վաճառված յուրաքանչյուր բարելից մոտ 19 դոլարն անմիջապես մուտք կգործի երկրի բյուջե։
«Վենեսուելան պահպանում է իր բնական ռեսուրսների նկատմամբ սեփականության իրավունքն ու ինքնիշխանությունը»,- հայտարարել է Ռոդրիգեսը։ Ըստ նրա, համաձայնագիրը թույլ կտա ներգրավել ամերիկյան կապիտալ, տեխնոլոգիաներ և փորձ՝ պատժամիջոցներից լրջորեն տուժած նավթային ոլորտը վերականգնելու համար։
Վենեսուելայի իշխանությունները մտադիր են արդեն հաջորդ շաբաթ ստորագրել համաձայնագրեր, որոնք մի շարք ընկերությունների, այդ թվում՝ ամերիկյան, նոր իրավունքներ կտան նավթի հետախուզման և արդյունահանման համար։
Բանակցություններին մոտ կանգնած աղբյուրների տվյալներով, այն ընկերությունների թվում, որոնք կարող են կնքել համապատասխան պայմանավորվածություններ, գտնվում է ամերիկյան Chevron-ը։
Թուրքական Ստամբուլի Զեյթունբուրու շրջանում երկու տրամվայներ են բախվել։ Տուժել է ինը մարդ։ Այս մասին հայտնում է Anadolu լրատվական գործակալությունը։ Տուժածների…
Կանադայի Օնտարիո նահանգի վարչապետ Դագ Ֆորդը պատասխանել է ԱՄՆ նախագահ Դոնալդ Թրամփի՝ Օնտարիո լիճը վերանվանելու որոշմանը՝ կանադական ափին տեղադրելով մեծ ցուցանակ՝ «Օնտարիո լիճ։ Այժմ և միշտ» գրությամբ, հայտնում է BBC News-ը։
Հինգշաբթի Թրամփը ստորագրել է հրամանագիր Օնտարիո լիճը Ամերիկա լիճ վերանվանելու մասին։ Դրանից հետո ամերիկացի նախագահը սոցիալական ցանցերում հրապարակել է արհեստական բանականության օգնությամբ ստեղծված մի քանի տեսանյութեր՝ նվիրված լճի վերանվանմանը։
«Նախագահ Թրամփից շատ առաջ այս լիճը կոչվում էր Օնտարիո լիճ։ Եվ նախագահ Թրամփից շատ հետո էլ այն շարունակելու է կոչվել Օնտարիո լիճ», — հայտարարել է Ֆորդը։
Ափին տեղադրված ցուցանակի առջև ելույթ ունենալով՝ Օնտարիոյի վարչապետը հավելել է. «Եթե նախագահ Թրամփը կամ ուրիշ որևէ մեկը մոռանա, մենք տեղադրել ենք այս ցուցանակը, որպեսզի հիշեցնենք՝ սա Օնտարիո լիճն է՝ այժմ և միշտ»։
Ֆորդը հայտարարել է, որ Թրամփի որոշումը կապված է նրա դժգոհության հետ Կանադայից և Օնտարիո նահանգից, որոնք «պաշտպանում են իրենց շահերը»։
Հերթական փոխադարձ հայտարարությունները հնչել են երկու երկրների միջև առևտրային հարաբերությունների վատթարացման ֆոնին։ Առևտրային բանակցությունների տապալումից հետո ԱՄՆ-ն կանադական շուրջ 20 միլիարդ դոլար արժողությամբ ապրանքների նկատմամբ սահմանել է նոր՝ 50-տոկոսանոց մաքսատուրքեր։ Կանադան մտադիր է հաջորդ ամսից նույն ծավալով պատասխան մաքսատուրքեր սահմանել։
Կանադայի վարչապետ Մարկ Քարնին ևս ավելի վաղ մերժել էր լճի վերանվանման գաղափարը՝ հայտարարելով. «Իրերը պետք է կոչվեն իրենց անուններով, և այս լիճը կոչվում է Օնտարիո լիճ — այսօր և ընդմիշտ»։
Միևնույն ժամանակ, Թրամփի հրամանագիրը Կանադային կամ այլ երկրներին չի պարտավորեցնում օգտագործել նոր անվանումը։ ԱՄՆ իշխանությունները լայն լիազորություններ ունեն Միացյալ Նահանգների ներսում պաշտոնական աշխարհագրական անվանումների հարցում, սակայն Օնտարիո լիճը գտնվում է երկու երկրների սահմանին։
Շաբաթ օրը Թրամփը հրապարակել է ԱԲ-ի օգնությամբ ստեղծված մի քանի տեսանյութեր։ Դրանցից մեկում ԱՄՆ նախագահը գցում է Lake Ontario անվանումով ցուցանակը և այն փոխարինում «Welcome to Lake America» ցուցանակով։ Մյուսում պատկերված է կանադական սագերի երամ, որոնք ունեն Թրամփի սանրվածքին նման սանրվածք և հրացաններով պարեկում են իբր վերանվանված լճի ափը։
Օնտարիո լճի անվանումը բնիկ ծագում ունի։ Այն, ինչպես նաև Հյուրոն, Միչիգան և Էրի լճերի անվանումները, ծագում են Հյուսիսային Ամերիկայի բնիկ ժողովուրդների լեզուներից։ Օնտարիո լիճը Մեծ լճերից ամենափոքրն է և գտնվում է Կանադայի Օնտարիո նահանգի և ամերիկյան Նյու Յորք նահանգի միջև։
Թրամփի հրամանագիրը նախատեսում է, որ ԱՄՆ ներքին գործերի նախարարությունը 30 օրվա ընթացքում պետք է թարմացնի անվանումը ԱՄՆ-ի աշխարհագրական անվանումների պաշտոնական բազայում։
Սա Թրամփի վարչակազմի օրոք միջազգային ջրային տարածքի վերանվանման շուրջ առաջին հակամարտությունը չէ։ 2025 թվականին ԱՄՆ նախագահը ստորագրել էր հրամանագիր Մեքսիկական ծոցը Ամերիկայի ծոց վերանվանելու մասին։ Մեքսիկան չի ճանաչել այդ որոշումը՝ հայտարարելով, որ մեկ երկիր չի կարող միակողմանիորեն փոխել այն ջրային տարածքի անվանումը, որից օգտվում են մի քանի պետություններ։
Նմանատիպ իրավիճակ է առաջացել նաև Google Maps-ի դեպքում. ծառայության օգտատերերը ԱՄՆ-ում տեսնում են «Ամերիկայի ծոց» անվանումը, Մեքսիկայում՝ «Մեքսիկական ծոց», իսկ այլ երկրների օգտատերերին ցուցադրվում է կրկնակի անվանումը։
