julbaz.mediamonitoring.am

Իրանի արտաքին գործերի նախարար Աբաս Արաղչին մեղադրել է Իսրայելի վարչապետ Բենիամին Նեթանյահուին ԱՄՆ-ին Իրանի դեմ պատերազմի մեջ ներքաշելու մեջ։ Համապատասխան հայտարարությունը նա հրապարակել է X սոցիալական ցանցում։

«Եբրայերենով Նեթանյահուն բացահայտ պարծենում է, որ ԱՄՆ վարչակազմին ներքաշել է Իրանի դեմ պատերազմի մեջ՝ Իսրայելի շահերից ելնելով։ Նեթանյահուն բացահայտ ծիծաղում է այն բանի վրա, թե ինչպես է «ազդել» Ամերիկայի վրա ամերիկյան ալիքներով հազար ժամ եթեր ունենալու միջոցով», — գրել է Արաղչին։

Իրանցի նախարարի խոսքով՝ Իսրայելի վարչապետն անգլերեն լեզվով գովաբանում է ԱՄՆ նախագահի առաջնորդությունը։ «Օձ», — ամփոփել է Արաղչին։

Քոչարյանները կարող են գնալ հաշտության, եթե դատախազությունը հրաժարվի մեղադրանքից և ներողություն խնդրի։ Այս մասին օգոստոսի 31-ի մամուլի ասուլիսում հայտնել է փաստաբան Արամ Օրբելյանը։

Օրբելյանը բացատրել է, որ հարցը որևէ կերպ չի քննարկել, սակայն վստահ է, որ ստորագրումը հնարավոր է թեկուզ վաղը, եթե դատախազությունը հրաժարվի իր բոլոր պահանջներից և ներողություն խնդրի։ «Մենք ֆինանսական փոխհատուցման պահանջներ չենք ներկայացնի»,- հավելել է Օրբելյանը։

«Ռոբերտ և Սեդրակ Քոչարյանների կողմից որևէ անօրինական բան չի եղել»,- ընդգծել է փաստաբանը՝ կրկնելով, որ գործի մեջ փաստերը փոխարինված են ենթադրություններով, այդ թվում՝ անհեթեթ։ Օրինակ՝ որպես «ապացույց» ներկայացվում է ընկերության սեփականատիրուհու 19-ամյա տարիքը, այսինքն՝ կառուցվում է ենթադրություն, թե աղջիկն այդքան երիտասարդ տարիքում չէր կարող ինքնուրույն վաստակել ընկերություն ունենալու համար։ Թեև խոսքը խոշոր գործարարի դստեր մասին է, և, ամենայն հավանականությամբ, հարցն այն է, որ հայրը նրա անունով է ձևակերպել միջոցների մի մասը։ «Կարծում եմ՝ իրենք էլ մինչև վերջ չեն կարող հասկանալ, թե ինչում են մեղադրում։ Այդ տարիների՝ 1991 թվականից սկսած, սեփականաշնորհման գործընթացն ինքնին խնդրահարույց է։ Այսինքն, եթե պետք է հարցնել, ապա բոլորից»,- նշել է փաստաբանը։

Նրա խոսքով՝ հանքավայրի մասին գործի մեջ ընդհանրապես ոչ մի խոսք չկա, մինչդեռ Հակակոռուպցիոն կոմիտեի ղեկավարը խոսում է դրա մասին։ Քանի որ կա սխալ թարգմանության օրինակ, երբ գերմանական բանկի հաշվին անշարժ գույքի և հիպոտեկի վերաբերյալ փոխանցումը թարգմանվել է որպես «անշարժ գույքի գնում», ապա չեմ զարմանա, եթե պարզվի, որ հանքավայրի հիշատակումը ևս որևէ բանկի անվան մեջ է եղել, նշել է փաստաբանը՝ հավելելով, որ երբ մեկնաբանվում է ինչ-որ բան մեղադրանքի շրջանակներից դուրս, դա վկայում է կանխակալ վերաբերմունքի մասին։ Ո՛չ Սեդրակ Քոչարյանին, ո՛չ ինձ հանքավայրի մասին որևէ բան հայտնի չէ, հայտնել է փաստաբանը։ Նրա խոսքով՝ գործում կան նաև այլ դրվագներ, երբ Սեդրակ Քոչարյանին վերագրվում են ընկերություններ, որոնց հետ նա որևէ առնչություն չունի և նույնիսկ չի էլ ենթադրել դրանց գոյության մասին։ Օրինակ՝ ինչ-որ ընկերություն Տանզանիայում։ Նույն կերպ կարող էին վերագրել նաև սաֆարիի համար նախատեսված ինչ-որ տարածքների կամ կղզիների գոյություն»,- հավելել է Օրբելյանը։

Ռոբերտ Քոչարյանի գրասենյակի նախկին ղեկավար (2008-2022 թթ.) Վիկտոր Սողոմոնյանը շնորհավորական ուղերձ է հղել ՀՀ երկրորդ նախագահի ծննդյան 72-րդ ամյակի առթիվ՝ ընդգծելով նրա անգնահատելի դերը երկրի պատմության մեջ:

«Ի սրտե շնորհավորում եմ Նախագահ Քոչարյանի ծննդյան 72-րդ ամյակը։ Ցավոք, անցած մի քանի տարիների ընթացքում առաջին անգամը չէ, որ ստիպված եմ շնորհավորել նրան հեռակա կարգով։

Առանց որևէ չափազանցության. Ռոբերտ Քոչարյանը մեր նորագույն պատմության ամենանշանավոր դեմքերից մեկն է, ով իր պետական գործունեության արդյունքներով շարունակում է շատ առումներով անգերազանցելի մնալ։ Շատերը հիմա ու վստահ եմ՝ ճնշող մեծամասնությունը տարիներ հետո, նրա կառավարման շրջանը Հայաստանի և Արցախի ոսկե դար են անվանելու։ Եվ հաստատ հենց դա է, որ հանգիստ չի տալիս նրա հակառակորդներին երկրի ներսում ու երկրից դուրս։

Կրկին անգամ շնորհավորելով Նախագահ Քոչարյանին, մաղթում եմ իրեն և իր մեծ, իսկական հայկական ընտանիքին, ընկերոջս՝ Սեդրակին, ամուր առողջություն ու անսպառ կամք՝ հերթական փորձությունը հաղթահարելու համար»,- նշել է Սողոմոնյանը։