julbaz.mediamonitoring.am

Այսօր Հայաստանը և Եվրոպական միությունը միմյանց ավելի մոտ են, քան երբևէ։ Այս մասին մայիսի 10-ին, Եվրոպայի օրվան նվիրված միջոցառման բացման ժամանակ իր ելույթում նշել է ՀՀ ԱԳ նախարարի տեղակալ Ռոբերտ Աբիսողոմոնյանը։

Ստորև ներկայացնում ենք ՀՀ ԱԳ նախարարի տեղակալի ամբողջական ելույթը։

«Ձերդ գերազանցություններ, Հարգելի՛ գործընկերներ, Սիրելի՛ հյուրեր, Սիրելի՛ քաղաքացիներ, Ուրախ եմ ողջունել ձեզ Եվրոպայի օրվա կապակցությամբ կազմակերպված այս միջոցառմանը։

Եվրոպայի օրը խաղաղության, միասնության, համերաշխության և ընդհանուր արժեքների տոնն է։ Այն հիշեցում է, որ Եվրոպան միայն աշխարհագրական տարածք չէ. այն առաջին հերթին արժեքների և սկզբունքների շուրջ ձևավորված համայնք է, որտեղ մարդու արժանապատվությունը, ժողովրդավարությունը, ազատությունն ու համագործակցությունը հանդիսանում են համատեղ ապագայի հիմք։ Խորհրդանշական է, որ այս տարի Եվրոպայի օրը Հայաստանում նշվում է «Հայաստան-ԵՄ. ավելի մոտ, քան երբևէ» խորագրի ներքո։ Եվ իսկապես, այսօր Հայաստանը և Եվրոպական միությունը միմյանց ավելի մոտ են, քան երբևէ՝ թե՛ քաղաքական երկխոսության, թե՛ տնտեսական համագործակցության, և թե՛ մարդկանց միջև ձևավորվող և առավել զարգացող կապերի առումով։

Այս տարվա տոնակատարությունը Հայաստանի համար ունի առանձնահատուկ խորհուրդ, քանի որ տեղի է ունենում Երևանում անցկացված Եվրոպական քաղաքական համայնքի 8-րդ գագաթնաժողովից և Հայաստան-ԵՄ անդրանիկ գագաթնաժողովից ընդամենը մի քանի օր անց։ Այդ օրերին Երևանը դարձավ Եվրոպական քաղաքական երկխոսության կարևոր կենտրոն՝ ի ցույց դնելով Հայաստանի աճող դերակատարությունը որպես երկխոսության և գործընկերության վստահելի հարթակ։ Եվրոպական քաղաքական համայնքի գագաթնաժողովը վերահաստատեց խաղաղության, համագործակցության և համերաշխության շուրջ ձևավորված ընդհանուր տեսլականը։

Իսկ Հայաստան-ԵՄ գագաթնաժողովը նշանավորեց մեր հարաբերությունների պատմության կարևոր հանգրվաններից մեկը՝ արտացոլելով գործընկերության աննախադեպ խորությունը և ապագային միտված համատեղ օրակարգը։ Այսօր Հայաստանը հետևողականորեն առաջ է մղում խաղաղության և փոխկապակցվածության իր տեսլականը։ «Խաղաղության խաչմերուկ» նախաձեռնությունն, ինչպես նաև «ԹՐԻՓՓ» ծրագիրը միտված են տարածաշրջանում նոր հնարավորությունների ստեղծմանը՝ տրանսպորտային, էներգետիկ և թվային կապերի զարգացման միջոցով։ Ուրախալի է, որ այս ուղղությամբ ևս նոր հնարավորություններ են ստեղծվում Հայաստան-ԵՄ գործընկերության խորացման համար, ինչի վկայությունն է ՀՀ-ԵՄ գագաթնաժողովի շրջանակներում ստորագրված փոխկապակցվածության գործընկերության վերաբերյալ համատեղ հայտարարությունը։

Կարևոր առաջընթաց է արձանագրվել նաև ԵՄ մուտքի արտոնագրերի ազատականացման գործընթացում։ Եվրոպական հանձնաժողովի կողմից ներկայացված առաջին գնահատման զեկույցը վերահաստատեց Հայաստանի կողմից իրականացվող բարեփոխումների լրջությունն ու քաղաքական հանձնառությունը։ Այն, որ գնահատումն իրականացվել է աննախադեպ կարճ ժամկետում, խոսում է թե՛ ընթացող բարեփոխումների ինտենսիվության, թե՛ արդեն իսկ ձեռք բերված շոշափելի արդյունքների մասին։

Թերևս, Հայաստան-ԵՄ հարաբերությունների կարևորագույն հիմքը մարդիկ են։ Կրթության, մշակույթի, երիտասարդական փոխանակումների, գիտության, նորարարության և գործարարության ոլորտներում ձևավորվող կապերը մեր գործընկերությունը դարձնում են իրական, շոշափելի և մարդկանց առօրյայում զգալի։ Հայաստանի և հայ ժողովրդի համար Եվրոպական միությունը լոկ գործընկեր չէ։ Այն նաև խաղաղության, ժողովրդավարության, համագործակցության և հնարավորությունների տարածք է։

Սիրելի՛ ներկաներ,

Այսօր, երբ աշխարհը շարունակում է բախվել բազմաթիվ մարտահրավերների, առավել կարևոր է պահպանել այն արժեքներն ու սկզբունքները, որոնք միավորում են մեզ։ Համոզված եմ, որ Հայաստան-ԵՄ գործընկերությունը շարունակելու է զարգանալ՝ նպաստելով խաղաղության, կայունության և բարօրության ամրապնդմանը թե՛ մեր տարածաշրջանում, թե՛ դրանից դուրս։ Եվս մեկ անգամ շնորհավորում եմ բոլորիս Եվրոպայի օրվա կապակցությամբ: Շնորհակալություն»։

ԱՄՆ պետքարտուղար Մարկո Ռուբիոն սիրում է մտերիմների հետ կիսվել իր և իր աշխատանքի մասին համացանցային մեմերով։ Այս մասին հայտնում է The New York Times (NYT) պարբերականը։

Ըստ թերթի տվյալների՝ Ռուբիոն, ով Պետքարտուղարության ղեկավարի պաշտոնից բացի, շուրջ մեկ տարի զբաղեցրել է նաև ազգային անվտանգության հարցերով խորհրդականի պաշտոնն ու կատարել գլխավոր արխիվագործի պարտականությունները, հումորով է վերաբերվում այն բազմաթիվ դերերին, որոնք իրեն վերագրվում են Դոնալդ Թրամփի վարչակազմում։

«Ականատեսի խոսքով՝ Ռուբիոն սիրում է ընկերներին ու գործընկերներին ցույց տալ իր մասին մեմերը, հատկապես նրանք, որոնք պատկերում են միաժամանակ մի քանի պաշտոն զբաղեցնելու փաստը», — նշվում է հրապարակման մեջ։

NYT-ն հավելում է, որ քաղաքական շրջանակներում Ռուբիոն և փոխնախագահ Ջեյ Դի Վենսն ակտիվորեն աշխատում են ընտրողների շրջանում իրենց հեղինակության բարձրացման ուղղությամբ, իսկ նրանց հայտարարությունները հաճախ վիրուսային տարածում են ստանում սոցցանցերում։ Սա, իր հերթին, նոր թափ է հաղորդում այն քննարկումներին, թե ապագայում նրանք կարող են մրցակիցներ դառնալ Հանրապետական կուսակցությունից նախագահի թեկնածուի առաջադրման համար։

ԱՄՆ պետքարտուղար Մարկո Ռուբիոն սիրում է մտերիմների հետ կիսվել իր և իր աշխատանքի մասին համացանցային մեմերով։ Այս մասին հայտնում է The New York Times (NYT) պարբերականը։

Ըստ թերթի տվյալների՝ Ռուբիոն, ով Պետքարտուղարության ղեկավարի պաշտոնից բացի, շուրջ մեկ տարի զբաղեցրել է նաև ազգային անվտանգության հարցերով խորհրդականի պաշտոնն ու կատարել գլխավոր արխիվագործի պարտականությունները, հումորով է վերաբերվում այն բազմաթիվ դերերին, որոնք իրեն վերագրվում են Դոնալդ Թրամփի վարչակազմում։

«Ականատեսի խոսքով՝ Ռուբիոն սիրում է ընկերներին ու գործընկերներին ցույց տալ իր մասին մեմերը, հատկապես նրանք, որոնք պատկերում են միաժամանակ մի քանի պաշտոն զբաղեցնելու փաստը», — նշվում է հրապարակման մեջ։

NYT-ն հավելում է, որ քաղաքական շրջանակներում Ռուբիոն և փոխնախագահ Ջեյ Դի Վենսն ակտիվորեն աշխատում են ընտրողների շրջանում իրենց հեղինակության բարձրացման ուղղությամբ, իսկ նրանց հայտարարությունները հաճախ վիրուսային տարածում են ստանում սոցցանցերում։ Սա, իր հերթին, նոր թափ է հաղորդում այն քննարկումներին, թե ապագայում նրանք կարող են մրցակիցներ դառնալ Հանրապետական կուսակցությունից նախագահի թեկնածուի առաջադրման համար։