Իրանի դեմ ամերիկա-իսրայելական պատերազմը չի կարող ավարտված համարվել, քանի դեռ չեն ոչնչացվել երկրի հարստացված ուրանի պաշարները։ Այս մասին CBS News հեռուստաալիքին տված հարցազրույցում հայտարարել է Իսրայելի վարչապետ Բենիամին Նեթանյահուն:
«Սա դեռ վերջը չէ, քանի որ դեռևս կա միջուկային նյութ՝ հարստացված ուրան, որը պետք է դուրս բերվի Իրանից: Դեռևս կան ուրանի հարստացման օբյեկտներ, որոնք նույնպես պետք է ապամոնտաժվեն»,- ասել է Նեթանյահուն:
Ի պատասխան այն հարցին, թե ինչպես է հնարավոր դուրս բերել ուրանը, Իսրայելի առաջնորդը պատասխանել է․ «Մտնում եք և հանում այնտեղից»։
