Թուրքիան և Իրաքն առաջիկա օրերին ծրագրում են համաձայնագիր ստորագրել իրաքյան հանքավայրերը թուրքական Ջեյհան նավահանգստին միացնող նավթամուղի աշխատանքի վերաբերյալ, հինգշաբթի հայտարարել է Թուրքիայի էներգետիկայի նախարար Ալփարսլան Բայրաքթարը:
«Մենք վերջնական փուլի ենք հասցրել համաձայնագիրը, որը կընդգրկի առաջիկա 12 ամիսները: Ակնկալում ենք այն ստորագրել մոտակա օրերին»,- հայտնել է նախարարը:
Բայրաքթարը հայտարարել է նաև, որ Իրաքից թուրքական Ջեյհան նավահանգիստ նավթի մատակարարումները կշարունակվեն: