«Կարծում եմ՝ իր անձի վերաբերյալ կեղծ լուրերը հիմք են հանդիսացել, որ որոշել է խոսել, որովհետև տարբեր լուրեր էին շրջանառվում, ինքը դրանց պետք է պատասխանի»,- «Նյուզ»-ի եթերում ասել է Պաշտպանության նախկին նախարար, ԱԺ «Հայաստան» խմբակցության ղեկավար Սեյրան Օհանյանը՝ արձագանքելով հարցին, թե ինչու է Օնիկ Գասպարյանը որոշել հիմա խոսել։ Դիտարկմանը, թե արդյոք դա կապ ունի ԱԺ-ում իր հայտարարության հետ, Օհանյանը պատասխանել է․ «Իմ վրդովմունքն այն էր, որ փոխանակ իրենք պատասխանատվություն կրեն, դեռ ավելին՝ Փաշինյանն իր խոսքի մեջ ասում է, որ գեներալներն են փախել։ Եթե գեներալները փախել են, ապա փախել են իր գլխավորությամբ և ինքը պարտավոր է ասել, թե ո՞ր գեներալն է փախել։ Եթե Փաշինյանը չի տալիս նրանց անունները, ովքեր փախել են, նշանակում է, որ ինքը մշտապես առաջնորդվել և այսօր էլ առաջնորդվում է ստի և կեղծիքի գաղափարով»,- մանրամասնել է Օհանյանը։