Հարավարևելյան Ֆինլանդիայի սահմանապահ ծառայությունը ձերբակալել է Ռուսաստանի հետ ցամաքային սահմանն ապօրինի հատած մի մարդու, հայտնում է Yle-ն՝ հղում անելով Ֆինլանդիայի սահմանապահ ծառայությանը։
Միջադեպը տեղի է ունեցել ուրբաթ երեկոյան Իմատրա քաղաքի շրջանում՝ սահմանից ոչ հեռու։ Օտարերկրացին հատել է պետական սահմանը սահմանված անցակետից դուրս և ձերբակալվել ֆինն սահմանապահների կողմից։
Ձերբակալությունից հետո նա դիմում է ներկայացրել Ֆինլանդիայում ապաստան ստանալու համար։
Միջադեպի կապակցությամբ Հարավարևելյան Ֆինլանդիայի սահմանային համագործակցության հարցերով լիազորը կապ է հաստատել Լենինգրադի մարզի Վիբորգի շրջանի իր ռուսաստանցի գործընկերոջ հետ։