Գաղտնիք չէ, որ կան այնպիսի երկրներ, որոնք իրենց գործող ու չգործող օրենքներով, բարքերով ու արժեհամակարգով ոչ միայն վանում են օտարերկրացիներին, այլև դառնում զարմանքի ու հիասթափության առարկա։
Նման երկրներից շատերում աննախանձելի է հատկապես կանանց նկատմամբ վերաբերմունքը։ «Կանայք, խաղաղություն և անվտանգություն» (Women Peace and Security Index (WPS Index) համաթվի համաձայն, որը հաշվարկվում է աշխարհի 181 երկրի համար, կանանց համար ամենաանապահով երկիրը համարվել է Աֆղանստանը։
Այստեղ կանայք հաճախ չեն դիտվում որպես լիարժեք մարդիկ և արժանանում են ստորացուցիչ վերաբերմունքի։
Միևնույն ժամանակ, աշխարհի այլ երկրներում կանայք ունեն շատ ավելի բարենպաստ պայմաններ․
Նկատենք, որ «Կանայք, խաղաղություն և անվտանգություն» համթիվը տատանվում է 0-1 միջակայքում. որքան ցուցանիշը մոտ է 1-ին, այնքան երկիրն ավելի բարենպաստ է դառնում կանանց համար, ճ՚շտ է նաև հակառակը։ Համաթվի հաշվարկման հիմքում դրված են բազմաթիվ ցուցանիշներ, որոնցից են կանանց մասնակցության աստիճանը կյանքի տարբեր բնագավառներում, կանանց նկատմամբ խտրականությունը և հանցագործությունները։
2025թ. ամփոփ զեկույցի համաձայն` համաթվի առավելագույն արդյունքն արձանագրվել է Դանիայում՝ 0․94 բալ։ Երկրորդ տեղում է Իսլանդիան՝ 0․93 բալ ցուցանիշով։ Երրորդ հորիզոնականում են Նորվեգիան և Շվեդիան՝ 0․92 բալով։
Տասնյակի վերջին՝ 10-րդ տեղում, գտնվում է Իռլանդիան՝ 0․89 բալով։
Գանք տարածաշրջան. Հայաստանը զբաղեցրել է 56-րդ հորիզոնականը՝0․76 բալ արդյունքով։ Վրաստանը՝ 45-րդ հորիզոնականում է՝ 0․79 բալով։ Թուրքիան հայտնվել է 106-րդ, Ադրբեջանը՝ 111-րդ, իսկ Իրանը՝ 128-րդ հորիզոնականում։
ԵԱՏՄ անդամ երկրներից Բելառուսը գտնվում է 63-րդ, Ղազախստանը՝ 72-րդ, Ղրղզստանը՝ 84-րդ, և Ռուսաստանը՝ 75-րդ հորիզոնականում։
Այսպիսով, համաթվի տվյալները ցույց են տալիս, որ կանանց անվտանգության և իրավունքների ապահովման մակարդակը երկրից երկիր կարող է կտրուկ տարբեր լինել՝ ընդգծելով թե՛ հաջողված, թե՛ խիստ մտահոգիչ օրինակներ։