Իսրայելում ԱՄՆ դեսպան Մայք Հաքաբին Al Arabiya English-ին տված հարցազրույցում օկուպացված Արևմտյան ափում իսրայելցի վերաբնակիչների կողմից գործադրվող բռնությունն անվանել է «ահաբեկչություն»։
Հաքաբին այս հայտարարությունն արել է պաղեստինցիների դեմ բռնության նոր ալիքի և հարձակվողների դեմ միջոցներ ձեռնարկելու վերաբերյալ Իսրայելի իշխանություններին ուղղված աճող կոչերի ֆոնին։ Նրա դիրքորոշումը ուշագրավ է նրանով, որ նախկինում դեսպանը բացահայտորեն աջակցել է իսրայելցի բնակիչներին։
Միևնույն ժամանակ, Հաքաբին տարբերակում է դրել իսրայելցի բնակիչների մեծամասնության և պաղեստինցիների վրա հարձակում գործած ծայրահեղական խմբավորման միջև։
Նրա հայտարարությունները մեծացնում են Իսրայելի վրա գործադրվող ճնշումը՝ Արևմտյան ափին բռնությունները կանխելու և մեղավորներին պատասխանատվության ենթարկելու պահանջով, գրում է «Al Arabiya English»-ը։