Բեռլինի թատրոնները պատերազմ են հայտարարել հազին և ներկայացումների ժամանակ կոնֆետի փաթեթների շրշյունին։
Հանդիսատեսին սկսել են առաջարկել հազի դեմ հատուկ սառնաշաքարներ՝ անձայն տուփիկներով, որպեսզի ոչինչ չխանգարի դերասաններին ու այցելուներին։
CARUSO Kulturbonbon Klassik սառնաշաքարները տեղադրված են փաթեթավորման մեջ՝ փափուկ ներքին ներդիրով, որը խլացնում է բացելիս և փակելիս առաջացող ձայները։
Այսպիսով, հանդիսատեսը ստիպված չի լինի ընտրություն կատարել բեմադրման ավարտին տանջալից սպասելու և սառնաշաքարն աննկատ հանելու փորձի միջև, որն ուղեկցվում է բարձր շրշյունով։
Սառնաշաքարներն իրենք պարունակում են քաղցրահամ արմատի էքստրակտ և բուսական յուղեր։ Դրանք չեն պարունակում արհեստական ներկանյութեր և հարմար են վեգանների համար։ 50 գ քաշով փաթեթում կա մոտ 50 սառնաշաքար։
Արտադրողը ներկայացնում է այս ապրանքը հատուկ թատրոնների, համերգասրահների և այլ վայրերի համար, որտեղ նույնիսկ անվնաս հազը կարող է հնչել որպես մենանվագ՝ հատկապես լուռ տեսարանում։