Նեպալում ավերիչ ջրհեղեղի հետևանքով զոհվածների թիվը հասել է 919-ի։ Այս մասին, հղում կատարելով Նեպալի ոստիկանությանը, հայտնել է Չինաստանի կենտրոնական հեռուստատեսությունը (CCTV)։
Վերջին տվյալներով՝ 4 247 մարդ անհետ կորած է համարվում։
Տարերային աղետը տեղի է ունեցել Նեպալի հյուսիսում օգոստոսի 26-ի առավոտյան։ Նախնական տվյալներով՝ հեղեղման պատճառ է դարձել ձնահյուսը Չինաստանի հետ սահմանին՝ «Ռասուվագադհի» սահմանային անցակետից մոտ 20 կիլոմետր հյուսիս-արևելք։ Լեռնային ապարների հզոր հոսքը մեծ արագությամբ գետի հունով անցել է ավելի քան 70 կիլոմետր՝ ավերելով մոտակայքում գտնվող բնակավայրերը և հանգեցնելով մեծ տարածքի ողողման։