Բրիտանական Պորտսմուտում հարյուրավոր ցուցարարներ բախվել են ոստիկանության հետ այն բանից հետո, երբ ափ է հասել միգրանտներով նավակը։ Այդ մասին սեպտեմբերի 7-ին հայտնել է The Telegraph թերթը։
Մոտ 500 բողոքողներ հավաքվել են Իսթնիի զբոսանավային նավամատույցի մոտ, որտեղ տեղավորել են ժամանածներին։ Ամբոխը ցրելու համար ոստիկանության աշխատակիցները կիրառել են վահաններ և պղպեղային սփրեյ։ Չնայած իրավապահների գործողություններին՝ ցուցարարները ճեղքել են շրջափակումը և ներխուժել նավամատույցի տարածք։
Իշխանությունների գնահատմամբ՝ ժամանած նավը տեղափոխում էր մինչև 140 միգրանտ։ Նշվում է, որ սա դարձել է Լա Մանշի հատման ամենազանգվածային դեպքերից մեկը։
«Մենք ուզում ենք նրանց բոլորին կանգնեցնել մուտք գործելուց։ Մեզ այլևս մարդիկ պետք չեն Հեմփշիրում», — հայտարարել է ակցիայի մասնակիցներից մեկը։