«Վեոլիա Ջուր» ՓԲԸ-ն հանդես է եկել հայտարարությամբ Սյունիքի մարզի Ծավ բնակավայրում ջրում սնդիկի բարձր պարունակության վերաբերյալ։
Հայտարարության մեջ նշված է․«Սյունիքի մարզի Ծավ բնակավայրը չի սպասարկվում «Վեոլիա Ջուր» ՓԲԸ-ի կողմից։ Հետևաբար, խմելու ջրի մատակարարմանն առնչվող հարցերը դուրս են ընկերության պատասխանատվության շրջանակից»։
Հիշեցնենք, որ ՀՀ առողջապահության նախարարության «Հիվանդությունների վերահսկման և կանխարգելման ազգային կենտրոն» ՊՈԱԿ-ը Ծավում իրականացրել է ջրի նմուշառում և արձանագրել, որ սնդիկի պարունակությունը սահմանային թույլատրելի շեմը գերազանցել է:
Մինչև ջրի որակի վերականգնումը, Առողջապահության նախարարությունը Ծավ բնակավայրի բնակիչներին հորդորում է զերծ մնալ ջրի օգտագործումից` խմելու և կենցաղային նպատակներով:
Սեպտեմբեր 14, 2026 at 17:40