Առնվազն 15 մարդ զոհվել, 50-ը՝ վիրավորվել են Պակիստանի հյուսիս-արեւմուտքում գտնվող Խայբեր Պախտունխվա նահանգում ուրբաթօրյա աղոթքի ժամանակ մզկիթի մոտ տեղի ունեցած պայթյունի հետեւանքով, հայտնում է ՏԱՍՍ- ը՝ վկայակոչելով Geo TV հեռուստաալիքը։
Հեռուստակայանի տեղեկություններով՝ մզկիթը գտնվում է ոստիկանական բաժանմունքի հարեւանությամբ։ Պայթյունի հետեւանքով մզկիթի պատերից մեկը փլուզվել է, դեպքի վայրում աշխատում են փրկարարները։ Վիրավորները տեղափոխվել են հիվանդանոց։