ՄԱԿ-ում Իրանի ներկայացուցչությունը հերքել է տեղեկությունները, թե ԱՄՆ պետքարտուղար Մարկո Ռուբիոն պահանջել է իրանական պատվիրակությունից անհապաղ լքել Նյու Յորքը։
Հայտարարության մեջ նշվում է, որ իրանական պատվիրակությունը Նյու Յորքից հեռացել է երկուշաբթի երեկոյան՝ նախապես սահմանված ժամանակացույցի համաձայն։
Ավելի վաղ Axios-ը, հղում անելով ամերիկացի պաշտոնյայի, հայտնել է, որ Վաշինգտոնի և Թեհրանի միջև բանակցությունների՝ փակուղի մտնելուց հետո Մարկո Ռուբիոն պահանջել է, որ ՄԱԿ-ի Գլխավոր ասամբլեայում իրանական պատվիրակությունն անհապաղ լքի Միացյալ Նահանգները։