Աջափնյակի Շինարարների փողոցում կրպակների ապամոնտաժման աշխատանքների ընթացքում լարված իրավիճակ է ստեղծվել տնտեսվարողներից մեկի և վարչական շրջանի ղեկավար Սերոբ Սարգսյանի միջև։
Տնտեսվարողը, դիմելով թաղապետին, դժգոհություն է հայտնել իրականացվող գործողությունների առնչությամբ՝ նշելով, որ իր որդին Եվրոպայից կամավոր վերադարձել է Հայաստան և անցել զինվորական ծառայության՝ երկրի ու քաղաքացիների անվտանգությունը պաշտպանելու համար։ Նրա խոսքով՝ անընդունելի է, որ խաղաղության պահպանման համար ծառայող մարդկանց ընտանիքները նման իրավիճակների առաջ կանգնեն։
Վեճի ընթացքում կողմերը միմյանց հասցեին նաև անձնական և քաղաքական բնույթի կոշտ արտահայտություններ են հնչեցրել։ Տնտեսվարողը քննադատել է Սարգսյանի պահվածքն ու արտաքին տեսքը, իսկ վերջինս հակադարձել է՝ կոչ անելով նրան զսպել խոսքը։
«Նենց դեմք ունես, ոնց որ օբիժնիկ լինես», ասել է քաղաքացին՝ դիմելով թաղապետին։