Ռուսաստանը պատասխանելու է Ուկրաինայի զինված ուժերի կողմից նավթավերամշակման գործարաններին հասցված հարվածներին։ Այս մասին հայտարարել է երկրի նախագահ Վլադիմիր Պուտինը, որի խոսքերը մեջբերում է «ՌԻԱ Նովոստի»-ն։
Պետության ղեկավարը նշել է, որ Ուկրաինայի հարձակումները Ռուսաստանի լոգիստիկ և էներգետիկ օբյեկտների վրա նույնպես անպատասխան չեն մնա։
«Պետք չէր սկսել։ Այդ քայլին դիմելուց առաջ պետք էր ինչպես հարկն է մտածել հետևանքների մասին»,– ասել է նա։
Պուտինի խոսքով՝ Ուկրաինայի զինված ուժերի վերջին հարվածները ռուսական նավթավերամշակման գործարաններին էական վնաս չեն հասցրել։