Հայոց ցեղասպանությունից 111 տարի անց կանգնած ենք հայկական պետության մայրաքաղաքում՝ մեր հիշողությանը տեր կանգնելու, Ցեղասպանության զոհերի հիշատակը հարգելու, այլևս երբեք նոր ցեղասպանություն և հայրենազրկում թույլ չտալու համար․ Իշխան Սաղաթելյան
Հանրապետության հրապարակում մեկնարկած հավաքի ժամանակ, ինչին հաջորդելու է ՀՅԴ-ի նախաձեռնությամբ իրականացվող ջահերով ամենամյա երթը, Աժ «Հայաստան» խմբակցության պատգամավոր, ՀՅԴ ԳՄ ներկայացուցիչն ասել է նաև, որ Հայոց Ցեղասպանությունը 1000-ամյա մեր պատմության մեջ ընդդեմ հայերի իրականացրած ամենազազրելի և ամենասարսափելի հարձակումն-հանցագործությունն էր։ «Դա, այո, վերապրեց մեր ժողովուրդը, բայց կարողացավ նաև ուժ գտնել, վերականգնվել և պետականություն ունենալ»,- ընդգծել է նա։