Եթե Ուկրաինան միանա Եվրամիությանը, ապա այն իր համար կվերցնի Արևելյան Եվրոպայի երկրների համար նախատեսված ԵՄ բոլոր միջոցները, լրագրողներին ասել է Վրաստանի վարչապետ Իրակլի Կոբախիձեն։
«Ուկրաինայի անդամակցությունը Եվրամիությանը կարող է հանգեցնել Արևելյան Եվրոպայի բոլոր երկրների համար նախատեսված ԵՄ օգնության լիակատար չեղարկմանը։ Սա տեխնիկական, ֆինանսական հարց է։ Կան բազմաթիվ այլ պատճառներ (Ուկրաինայի՝ ԵՄ-ին չանդամակցելու համար)։ Ամենակարևորը քաղաքական է», – ասել է Կոբախիձեն։
Վրաստանի կառավարության ղեկավարը նաև համաձայն է Հունգարիայի վարչապետ Պետեր Մադյարի հետ, որը նախկինում ասել էր, որ Ուկրաինային ԵՄ-ին միանալու համար կպահանջվի 15, և հնարավոր է՝ 20 տարի։
«Հունգարիայի վարչապետի տրամաբանությունը բավականին ողջամիտ է», – նշել է Կոբախիձեն։
Ալբանիան, Բոսնիա և Հերցեգովինան, Վրաստանը, Մոլդովան, Հյուսիսային Մակեդոնիան, Սերբիան, Թուրքիան, Ուկրաինան և Չեռնոգորիան պաշտոնապես դարձել են ԵՄ անդամակցության թեկնածուներ։ Վրաստանի իշխանությունները բազմիցս հայտարարել են, որ հանրապետությունը պատրաստ կլինի անդամակցել ԵՄ-ին մինչև 2030 թվականը։