Աշխատանքի և սոցիալական հարցերի նախարարությունը e-draft.am հարթակում հանրային քննարկման է ներկայացրել կառավարության որոշման նախագիծ, որով 2027 թվականի հունվարի 1-ից նախատեսվում է բարձրացնել աշխատանքային կենսաթոշակներն ու նպաստները։
Հիմնական փոփոխությունները և չափերը
- 15 և ավելի տարվա ստաժ ունեցողների կենսաթոշակը կավելանա 500 դրամով։
- Մինչև 15 տարվա ստաժ ունեցողների կենսաթոշակը կավելանա 1 000 դրամով։
- Հիմնական կենսաթոշակը 34 000 դրամից դառնալու է 34 500 դրամ։
- Նվազագույն կենսաթոշակը 46 000 դրամից դառնալու է 47 000 դրամ։
- Ծերության, հաշմանդամության և կերակրողին կորցնելու նպաստները կավելանան 1 000 դրամով։
Հաշմանդամության աշխատանքային կենսաթոշակ ստացող անձանց համար հավելումները կհաշվարկվեն հետևյալ կերպ․
- Մինչև 15 տարվա ստաժի դեպքում՝ ֆունկցիոնալության խորը աստիճանի սահմանափակման համար ավելացումը կկազմի 1 200 դրամ, իսկ ծանր աստիճանի համար՝ 1 100 դրամ։
- 15 և ավելի տարվա ստաժի դեպքում՝ համապատասխանաբար 700 դրամ և 600 դրամ։
Կերակրողին կորցնելու դեպքում աշխատանքային կենսաթոշակը նույնպես կարող է ավելանալ 1 000 դրամով՝ նույնիսկ 15 և ավելի տարվա ստաժի առկայության պարագայում։