Ուկրաինայի նախագահ Վլադիմիր Զելենսկին համաձայնել է քննարկել խաղաղության համաձայնագիրը, որը կսառեցնի հակամարտությունը ներկայիս առաջնագծի երկայնքով։
Նա այս մասին հայտարարել է Fox News-ին տված հարցազրույցում։
Լրագրողը հարցրել է Զելենսկուն, թե արդյո՞ք նա պատրաստ կլինի ընդունել այնպիսի համաձայնագիր, որի համաձայն Ուկրաինան կպահպանի իր տարածքի 75%-ի կամ ավելիի նկատմամբ վերահսկողությունը, իսկ մնացած մասը կմնա Ռուսաստանի վերահսկողության տակ։
«Այո», – պատասխանել է Ուկրաինայի առաջնորդը։
Զելենսկին նաև խոսել է այն մասին, թե անհրաժեշտ է, որ ուկրաինացիները, ովքեր կորցրել են իրենց տները և ներկայումս ապրում են արտասահմանում, վերադառնան իրենց տները։
«Մեզ անհրաժեշտ է 9.5 միլիոն մարդ, ովքեր կորցրել են իրենց տները և ներկայումս ապրում են արտասահմանում։ Մեզ անհրաժեշտ է, որ նրանք վերադառնան Ուկրաինա, պարզապես ապրելու և իրենց երկիրը կառուցելու համար», – ասել է նա։