Թուրքիայի հյուսիս-արևմուտքում՝ Զոնգուլդաք նահանգի Քիլիմլի շրջանում գտնվող «Գելիք» մասնավոր ածխահանքում մեթանի պայթյուն է տեղի ունեցել։
Պատահարի հետևանքով երկու հանքափոր զոհվել է, ևս հինգը՝ վիրավորվել։ Վիրավորներից երկուսի վիճակը գնահատվում է ծանր։
Պայթյունից հետո դեպքի վայր են ժամանել արտակարգ իրավիճակների ծառայությունների աշխատակիցները։ Տուժածներին առաջին բուժօգնություն է ցուցաբերվել, որից հետո նրանք տեղափոխվել են հիվանդանոց։
Դեպքի առթիվ հետաքննություն է սկսվել։