Իրանի խորհրդարանի խոսնակ Մոհամմադ Բաղեր Ղալիբաֆը ԱՄՆ փոխնախագահ Ջեյ Դի Վենսին կոչ է արել նախագահ Դոնալդ Թրամփին փոխանցել ԱՄՆ միջանկյալ ընտրությունների արդյունքների վրա Իրանի հետ պատերազմի ազդեցության մասին եզրակացությունները։ Իրանցի քաղաքական գործիչը միաժամանակ նախազգուշացրել է հակամարտության հետագա սրման վտանգի մասին։
«Պարտվող խաղացողը չի կարող հեռանալ սեղանից։ Ղեկավարը նախապատրաստում է պատերազմի հաջորդ փուլը, մինչ Ամերիկան հավասարակշռություն է պահպանում անդունդի եզրին, որտեղ Իսրայելն առաջին տեղում է։ Բավակա՛ն է դասեր տաք։ Ինչո՞ւ դա չեք ասում ձեր ղեկավարին»,- հինգշաբթի X սոցիալական ցանցում գրել է Ղալիբաֆը։
Այսպես է նա արձագանքել Վենսի հայտարարությանը, որը միջանկյալ ընտրություններում հանրապետականների պարտությունը կապել է Իրանում պատերազմի և ԱՄՆ-ում կյանքի թանկացման հետ։
Ղալիբաֆն այս խոսքերն օգտագործել է՝ փոխնախագահին կոչ անելու անմիջապես դիմել Թրամփին։ Նրա մեկնաբանությունը հնչել է Իրանի դեմ ռազմական գործողության հնարավոր շարունակման մասին ենթադրությունների ֆոնին։
Չորեքշաբթի ԱՄՆ փոխնախագահը X-ում հրապարակել է հարցման արդյունքներ, ըստ որոնց՝ 2024 թվականի ընտրություններում Թրամփին աջակցած բազմաթիվ ընտրողներ դժգոհ էին հանրապետականների քաղաքականությունից և պատրաստվում էին քվեարկել դեմոկրատների օգտին։
Վենսի կարծիքով՝ դժգոհության հիմնական պատճառներն էին պատերազմի շարունակությունը, գների աճն ու գնաճը, ԱՄՆ շահերին ոչ բավարար ուշադրությունը և Վաշինգտոնի հարաբերություններն Իսրայելի հետ։ Նա ընդգծել է, որ հենց պատերազմն է դարձել հանրապետականների պարտության պատճառը։
«Մեր պարտության պատճառը պատերազմն է։ Նախագահն ինքը երեկ գիշեր ասաց դրա մասին»,- հայտարարել է Վենսը։