Եվրոպայի մի շարք երկրներում ռումբի տեղադրման սպառնալիքների մասին հաղորդումների պատճառով առնվազն 11 չվերթի երթուղիներ են փոխվել։
Ինչպես հայտնում է Associated Press-ը, մի քանի մարդատար ինքնաթիռ փոխել է երթուղիները և ուղղվել այլ օդանավակայաններ կամ հարկադիր վայրէջք կատարել։
Ռումբի տեղադրման սպառնալիքները վերաբերել են մի շարք չվերթների, այդ թվում՝ Դուբլինից, Կոպենհագենից, Հելսինկիից, Մադրիդից, Միլանից և Վարշավայից իրականացվող չվերթներին։
Իրավապահ մարմինների տվյալներով՝ ինքնաթիռներում իրականացված ստուգումների ընթացքում պայթուցիկ սարքեր չեն հայտնաբերվել։ Սպառնալիքների աղբյուրը և դրանց հետևում կանգնած անձինք դեռևս պարզված չեն։
Եվրոպական երկրների համապատասխան անվտանգության ծառայություններն ու ավիացիոն մարմինները հետաքննում են տեղի ունեցած միջադեպերը։