Քուվեյթի օդային տարածքը, որը փակվել էր փետրվարի 28-ին, չի բացվի առնվազն ևս 12 ժամ․ TACC-ին հայտնել է Մերձավոր Արևելքի օդային երթևեկության կառավարման շրջանակների աղբյուրը։
«Քուվեյթի ավիացիոն իշխանությունները երկարաձգել են թռիչքների արգելքը ևս 12 ժամով՝ մինչև UTC ժամը 16:00-ն (Երևանի ժամանակով՝ 20:00-ն)։ Սա նշանակում է, որ երկրի երկինքը քաղաքացիական ավիացիայի համար փակ կլինի 41-րդ օրը»,- գործակալությանը հայտնել է աղբյուրը։
Նա հիշեցրել է, որ էմիրությունում թռիչքները դադարեցվել էին փետրվարի 28-ի առավոտյան՝ Իրանի դեմ ԱՄՆ-ի և Իսրայելի ռազմական գործողության պատճառով։
ԱՄՆ-ի և Իրանի հրադադարից հետո Իրաքը, Սիրիան և Բահրեյնը վերաբացել են իրենց օդային տարածքը։ Բահրեյնը պատրաստ է ընդունել ինքնաթիռներ և թույլատրել տարանցումը՝ նախնական համաձայնությունից հետո։ Մասնակի սահմանափակումներ են մնում Քաթարի և ԱՄԷ-ի օդային տարածքում։