«Վերջին անգամ ե՞րբ եք մետրո նստել»․ լրագրողը՝ Տիգրան Ավինյանին

«Վերջին անգամ ե՞րբ եք մետրո նստել»․ լրագրողը՝ Տիգրան Ավինյանին

«Վերջին անգամ ե՞րբ եք մետրո նստել․ մարդիկ իրար «շալակ ելած» երթևեկում են, այս խնդիրը ե՞րբ է լուծվելու»,- ճեպազրույցի ժամանակ լրագրողը հարց ուղղեց Երևանի քաղաքապետ Տիգրան Ավինյանին։ «Նախ եկեք հասկանանք, որ մենք ունենք շարժունակության աճ՝ գլոբալ բոլոր առումներով։ Այսինքն՝ և՛ ավտոբուսներից օգտվողների քանակն է ավելացել, և՛ ավտոմեքենաներից, և՛ մետրոպոլիտենից օգտվողների, ամենայն հավանականությամբ և՛ բնակչության քանակն է ավելացել, և՛ մարզերից մեր հայրենակիցներն ավելի շատ են մուտք գործում Երևան։ Սա մի առումով շատ լավ է, բայց մյուս առումներով շատ վատ»,- ասել է Ավինյանը և շարունակել․ «Մենք պարբերաբար ավելացնում, վերանորոգում, հիմնանորոգում ենք վագոնները։ Քաղաքապետարանը կառավարությունից ունի վերջնական հաստատում՝ մետրոյի արդիականացման ծրագրի, որը՝ մետրոպոլիտենի բոլոր վագոնները և ընդհանուր ենթակառուցվածքն արդիականացնելն է»։

Leave a Reply

Your email address will not be published. Required fields are marked *