Առողջապահության նախարար Անահիտ Ավանեսյանը, անդրադառնալով լրագրողների հարցին՝ Ադրբեջանի պատվիրակության վերաբերյալ, նշել է, որ այդ հարցով տեղեկատվություն չունի և այն ավելի շատ վերաբերում է Արտաքին գործերի նախարարությանը։
«Մեր արտաքին գերատեսչության համակարգման ուշադրության կենտրոնում են այդ աշխատանքները։ Կարող եմ միայն ասել, որ դրանք որևէ վայրկյան չեն դանդաղում կամ հապաղում, մշտապես կառավարության ուշադրության կենտրոնում են։ Ինչ վերաբերում է ձեր նշած պատվիրակությանը, տվյալ մասով տեղեկատվություն չունեմ։ Կարծում եմ՝ դա ավելի շատ իմ գործընկեր Արտաքին գործերի նախարարության տիրույթում գտնվող հարց է»,- լրագրողների հետ զրույցում ասաց Ավանեսյանը։